ਜਾਨੀ ਨੁਕਸਾਨ ਹੋਣ ਤੋਂ ਰਿਹਾ ਬਚਾਅ
ਊਨਾ : ਐਤਵਾਰ ਨੂੰ ਹਿਮਾਚਲ ਦੇ ਊਨਾ 'ਚ ਚਿੰਤਪੁਰਨੀ ਨੇੜੇ ਸ਼ੀਤਲਾ ਮੰਦਰ ਨੇੜੇ ਪੰਜਾਬ ਤੋਂ ਸ਼ਰਧਾਲੂਆਂ ਨੂੰ ਲੈ ਕੇ ਜਾ ਰਹੀ ਟਰਾਲੀ ਖੱਡ 'ਚ ਡਿੱਗ ਗਈ। ਹਾਦਸੇ 'ਚ 10 ਤੋਂ 12 ਲੋਕ ਜ਼ਖਮੀ ਹੋ ਗਏ, ਜਿਨ੍ਹਾਂ ਨੂੰ ਇਲਾਜ ਲਈ ਚਿੰਤਪੁਰਨੀ ਹਸਪਤਾਲ ਲਿਆਂਦਾ ਗਿਆ। ਇਹ ਸਾਰੇ ਸ਼ਰਧਾਲੂ ਪੰਜਾਬ ਦੇ ਜਗਰਾਉਂ ਅਤੇ ਮੋਗਾ ਦੇ ਰਹਿਣ ਵਾਲੇ ਹਨ।
PHOTO
ਜਾਣਕਾਰੀ ਅਨੁਸਾਰ ਬੱਚਿਆਂ ਸਮੇਤ 20 ਤੋਂ 25 ਸ਼ਰਧਾਲੂ ਸ਼ਨੀਵਾਰ ਰਾਤ ਟਰਾਲੀ 'ਚ ਸਵਾਰ ਹੋ ਕੇ ਚਿੰਤਪੁਰਨੀ ਮੰਦਿਰ ਪਹੁੰਚੇ ਸਨ। ਇੱਥੇ ਇੱਕ ਰਾਤ ਠਹਿਰਨ ਤੋਂ ਬਾਅਦ ਐਤਵਾਰ ਸਵੇਰੇ ਮਾਤਾ ਚਿੰਤਪੁਰਨੀ ਦੇ ਦਰਸ਼ਨਾਂ ਲਈ ਸ਼ੀਤਲਾ ਮੰਦਿਰ ਗਏ। ਇਸ ਤੋਂ ਬਾਅਦ ਉਹ ਜਵਾਲਾ ਦੇਵੀ ਮੰਦਰ ਦੇ ਦਰਸ਼ਨਾਂ ਲਈ ਜਾ ਰਹੇ ਸਨ। ਇਸ ਦੌਰਾਨ ਉਹਨਾਂ ਨੂੰ ਲਿਜਾ ਰਿਹਾ ਟਰਾਲਾ ਖੱਡ ਵਿੱਚ ਡਿੱਗ ਗਿਆ। ਜਿਸ ਕਾਰਨ ਕਰੀਬ 12 ਸ਼ਰਧਾਲੂ ਜ਼ਖਮੀ ਹੋ ਗਏ ਹਨ।
Tragic accident
ਟਰਾਲੇ ਵਿੱਚ ਛੋਟੇ-ਛੋਟੇ ਬੱਚੇ ਵੀ ਸਨ। ਹਾਦਸੇ ਤੋਂ ਬਾਅਦ ਨੇੜਲੇ ਪਿੰਡ ਦੇ ਲੋਕਾਂ ਨੇ 108 ਐਂਬੂਲੈਂਸ ਨੂੰ ਸੂਚਨਾ ਦਿੱਤੀ। ਜਿਸ ਤੋਂ ਬਾਅਦ ਚਿੰਤਪੁਰਨੀ, ਦੌਲਤਪੁਰ ਅਤੇ ਦਾਦਾਸੀਬਾ ਤੋਂ ਤਿੰਨ ਐਂਬੂਲੈਂਸਾਂ ਮੌਕੇ 'ਤੇ ਪਹੁੰਚੀਆਂ। ਪਿੰਡ ਦੇ ਲੋਕਾਂ ਨੇ ਜ਼ਖਮੀ ਸ਼ਰਧਾਲੂਆਂ ਨੂੰ ਖੱਡ 'ਚੋਂ ਕੱਢ ਕੇ ਤੁਰੰਤ ਐਂਬੂਲੈਂਸ ਰਾਹੀਂ ਇਲਾਜ ਲਈ ਚਿੰਤਪੁਰਨੀ ਹਸਪਤਾਲ ਪਹੁੰਚਾਇਆ। ਟਰਾਲੇ ਚਾਲਕ ਅਨੁਸਾਰ ਸੜਕ ਤੰਗ ਹੋਣ ਕਾਰਨ ਉਲਟ ਦਿਸ਼ਾ ਤੋਂ ਆ ਰਹੀ ਆਲਟੋ ਗੱਡੀ ਦੇ ਲੰਘਣ ਨਾਲ ਟਰਾਲਾ ਖੱਡ ਵਿੱਚ ਜਾ ਡਿੱਗਾ।
