Corona Virus
24 ਘੰਟਿਆਂ ’ਚ 200 ਤੋਂ ਵੱਧ ਨਵੇਂ ਮਾਮਲੇ ਆਏ
ਚੰਡੀਗੜ੍ਹ, 23 ਜੂਨ (ਗੁਰਉਪਦੇਸ਼ ਭੁੱਲਰ) : ਪੰਜਾਬ ਵਿਚ ਕੋਰੋਨਾ ਵਾਇਰਸ ਦਾ ਕਹਿਰ ਲਗਾਤਾਰ ਜਾਰੀ ਹੈ। ਅੱਜ ਸ਼ਾਮ ਤੱਕ ਪਿਛਲੇ 24 ਘੰਟਿਆਂ ਦੇ ਸਮੇਂ ਦੌਰਾਨ ਜਿਥੇ 4 ਹੋਰ ਮੌਤਾਂ ਦੀ ਪੁਸ਼ਟੀ ਹੋਈ ਹੈ, ਉਥੇ ਹੁਣ ਕੁੱਲ ਕੋਰੋਨਾ ਪੀੜਤਾਂ ਦਾ ਅੰਕੜਾ 4400 ਤੋਂ ਪਾਰ ਹੋ ਗਿਆ ਹੈ। ਅੱਜ 165 ਹੋਰ ਨਵੇਂ ਪਾਜ਼ੇਟਿਵ ਕੇਸ ਆਏ ਹਨ। ਸੰਗਰੂਰ ਵਿਚ 59 ਹੋਰ ਕੇਸ ਆਏ ਹਨ। ਅੱਜ 222 ਮਰੀਜ਼ ਠੀਕ ਹੋਣ ਤੋਂ ਬਾਅਦ ਅੰਕੜਾ 3047 ਹੋ ਗਿਆ ਹੈ। ਇਸ ਸਮੇਂ 1245 ਮਰੀਜ਼ ਇਲਾਜ ਅਧੀਨ ਹਨ ਜਿਨ੍ਹਾਂ ’ਚੋਂ 9 ਵੈਂਟੀਲੇਟਰ ਅਤੇ 19 ਆਕਸੀਜ਼ਨ ’ਤੇ ਹੋਣ ਕਾਰਨ ਗੰਭੀਰ ਹਾਲਤ ਵਿਚ ਹਨ। ਵੈਂਟੀਲੇਟਰ ਵਾਲੇ 5 ਮਰੀਜ਼ਾਂ ਵਿਚ 1 ਪਠਾਨਕੋਟ, 1 ਜਲੰਧਰ, 1 ਅੰਮ੍ਰਿਤਸਰ ਅਤੇ 2 ਸੰਗਰੂਰ ਨਾਲ ਸਬੰਧਤ ਹਨ।
