Bhagwant Mann
ਢੀਂਡਸਾ ਨੂੰ ਟਿਕਟ ਦੇਣ ਲਈ ਜ਼ਿੱਦ ’ਤੇ ਅੜੇ ਸੁਖਬੀਰ ਬਾਦਲ ’ਤੇ ਭਗਵੰਤ ਮਾਨ ਨੇ ਜੰਮ ਕੇ ਸਾਧਿਆ ਨਿਸ਼ਾਨਾ
ਸੰਗਰੂਰ : ਆਮ ਆਦਮੀ ਪਾਰਟੀ ਦੇ ਪੰਜਾਬ ਪ੍ਰਧਾਨ ਅਤੇ ਸੰਗਰੂਰ ਤੋਂ ਸੰਸਦ ਮੈਂਬਰ ਭਗਵੰਤ ਮਾਨ ਨੇ ਸੁਖਬੀਰ ਬਾਦਲ ’ਤੇ ਨਿਸ਼ਾਨਾ ਸਾਧਦੇ ਹੋਏ ਢੀਂਡਸਾ ਪਰਵਾਰ ਵਿਚ ਦਰਾੜ ਪਾਉਣ ਦੇ ਦੋਸ਼ ਲਾਏ ਹਨ। ਉਨ੍ਹਾਂ ਕਿਹਾ ਕਿ ਸੁਖਬੀਰ ਬਾਦਲ ਪਰਮਿੰਦਰ ਢੀਂਡਸਾ ’ਤੇ ਚੋਣਾਂ ਲੜਨ ਦਾ ਦਬਾਅ ਬਣਾ ਕੇ ਢੀਂਡਸਾ ਪਰਵਾਰ ਵਿਚ ਵੰਡੀਆ ਪਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਉਹ ਢੀਂਡਸਾ ਪਰਵਾਰ ਨੂੰ ਪਾੜਨਾ ਚਾਹੁੰਦੇ ਹਨ।
Bhagwant Maan
ਮਾਨ ਨੇ ਕਿਹਾ ਕਿ ਸੁਖਦੇਵ ਸਿੰਘ ਢੀਂਡਸਾ ਨਹੀਂ ਚਾਹੁੰਦੇ ਉਹ ਤੇ ਉਨ੍ਹਾਂ ਦੇ ਪਰਿਵਾਰ ਦਾ ਕੋਈ ਵੀ ਮੈਂਬਰ ਲੋਕ ਸਭਾ ਚੋਣ ਲੜੇ ਪਰ ਸੁਖਬੀਰ ਬਾਦਲ ਪਰਮਿੰਦਰ ਢੀਂਡਸਾ 'ਤੇ ਚੋਣ ਲੜਨ ਦਾ ਦਬਾਅ ਪਾ ਰਹੇ ਹਨ। ਭਗਵੰਤ ਮਾਨ ਨੇ ਦਾਅਵਾ ਕਰਦਿਆਂ ਕਿਹਾ ਕਿ ਅਕਾਲੀ ਦਲ ਸੰਗਰੂਰ ਵਿਚੋਂ ਹੀ ਨਹੀਂ ਪੰਜਾਬ ਵਿਚੋਂ ਵੀ ਖ਼ਤਮ ਹੋ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਅਕਾਲੀ ਦਲ ਨੂੰ ਢੰਗ ਦੇ ਉਮੀਦਵਾਰ ਵੀ ਨਹੀਂ ਮਿਲ ਰਹੇ। ਮਾਨ ਨੇ ਕਿਹਾ ਕਿ ਜਦ ਬਾਪੂ ਨੇ ਨਾਂਹ ਕਰ ਦਿਤੀ ਤਾਂ ਸੁਖਬੀਰ ਬਾਦਲ ਮੁੰਡੇ ਨੂੰ ਧੱਕੇ ਨਾਲ ਚੋਣ ਮੈਦਾਨ ਵਿਚ ਉਤਾਰ ਰਿਹਾ ਹੈ।
