ਪਿਤਾ ਦਿਵਸ 'ਤੇ ਵਿਸ਼ੇਸ਼
ਚੰਡੀਗੜ੍ਹ, 20 ਜੂਨ (ਗੁਰਉਪਦੇਸ਼ ਭੁੱਲਰ) : ਰੋਜ਼ਾਨਾ ਸਪੋਕਸਮੈਨ ਟੀ.ਵੀ. ਵਲੋਂ 21 ਜੂਨ ਨੂੰ ਪਿਤਾ ਦਿਵਸ ਮੌਕੇ ਇਕ ਪਿਓ-ਧੀ ਦੀ ਵੀਡੀਓ ਸ਼ੇਅਰ ਕੀਤੀ ਹੈ, ਜੋ ਦਰਸਾਉਂਦੀ ਹੈ ਕਿ ਧੀਆਂ ਵੀ ਪੁੱਤਾਂ ਨਾਲੋਂ ਕਿਸੇ ਤਰ੍ਹਾਂ ਘੱਟ ਨਹੀਂ ਹਨ। ਵੀਡੀਓ ਵਿਚ ਕਿਸਾਨ ਪਿਤਾ ਅਪਣੀ ਧੀ ਬਾਰੇ ਬਹੁਤ ਭਾਵਪੂਰਤ ਅਤੇ ਭਾਵੁਕ ਲਹਿਜੇ ਵਿਚ ਕਹਿ ਰਿਹਾ ਹੈ ਕਿ ਦਿਲ ਬਾਗ਼ੋਬਾਗ਼ ਹੋ ਗਿਆ, ਜਦੋਂ ਮੇਰੀ ਧੀ ਨੇ ਕਿਹਾ ਕਿ ਬਾਪੂ ਮੈਂ ਤੇਰੀ ਮਦਦ ਕਰਾਂ।
File Photo
ਉਸ ਨੇ ਕਿਹਾ ਕਿ ਬਾਪੂ ਤੁਸੀ ਟਰੈਕਟਰ ਨਾਲ ਤੂੜੀ ਬਣਾ ਰਹੇ ਹੋ ਅਤੇ ਤੁਹਾਡੇ ਉਪਰ ਧੂੜ ਵੀ ਪੈ ਰਿਹਾ ਹੈ। ਧੀ ਵਲੋਂ ਟਰੈਕਟਰ ਚਲਾ ਕੇ ਮੇਰੀ ਮਦਦ ਕਰਦਿਆਂ ਖੇਤ ਵਿਚ ਦੇਖ ਕੇ ਬਹੁਤ ਹੀ ਮਨ ਖ਼ੁਸ਼ ਹੋਇਆ। ਕਿਸਾਨ ਦਾ ਕਹਿਣਾ ਹੈ ਕਿ ਉਸ ਦੀ ਧੀ ਰਿਪਨ ਸਿੱਧੂ ਅੱਠਵੀਂ ਜਮਾਤ ਵਿਚ ਪੜ੍ਹਦੀ ਹੈ ਪਰ ਜਿਸ ਤਰ੍ਹਾਂ ਉਸ ਨੇ ਮੇਰੀ ਮਦਦ ਕੀਤੀ ਮੈਨੂੰ ਲੱਗਿਆ ਕਿ ਉਹ ਪੁੱਤਾਂ ਨਾਲੋਂ ਕਿਸੇ ਵੀ ਤਰ੍ਹਾਂ ਘੱਟ ਨਹੀਂ ਬਲਕਿ ਬਹੁਤ ਅੱਗੇ ਹਨ।
File Photo
ਉਨ੍ਹਾਂ ਲੋਕਾਂ ਨੂੰ ਬੜੇ ਹੀ ਭਾਵੁਕ ਸ਼ਬਦਾਂ ਵਿਚ ਸੰਬੋਧਤ ਹੁੰਦਿਆਂ ਕਿਹਾ ਕਿ ਅਜਿਹੀਆਂ ਧੀਆਂ ਦੇ ਜੰਮਣ 'ਤੇ ਲੋਕ ਰੋਂਦੇ ਹਨ। ਇਸ ਕਰ ਕੇ ਵੀਡੀਓ ਰਾਹੀਂ ਧੀ ਬਾਰ ਵਿਖਾਇਆ ਗਿਆ ਹੈ। ਉਸ ਨੇ ਦਸਿਆ ਕਿ ਉਸ ਦੇ ਦੋ ਧੀਆਂ ਅਤੇ ਇਕ ਪੁੱਤ ਹੈ ਜਿਸ ਲਈ ਉਹ ਰੱਬ ਦੇ ਸ਼ੁਕਰਗੁਜ਼ਾਰ ਹਨ ਪਰ ਮੇਰੀ ਧੀ ਵੀ ਪੁੱਤ ਤੋਂ ਕਿਸੇ ਵੀ ਤਰ੍ਹਾਂ ਘੱਟ ਨਹੀਂ। ਉਸ ਨੇ ਅਪਣੀ ਵੀਡੀਓ ਰਾਹੀਂ ਪਿਤਾ ਦਿਵਸ 'ਤੇ ਲੋਕਾਂ ਨੂੰ ਇਹੀ ਸੁਨੇਹਾ ਦੇਣ ਦੀ ਕੋਸ਼ਿਸ਼ ਕੀਤੀ ਹੈ ਕਿ ਧੀਆਂ ਨੂੰ ਵੀ ਪਿਆਰ ਕਰੋ ਅਤੇ ਇਹ ਮਾਪਿਆਂ 'ਤੇ ਬੋਝ ਨਹੀਂ ਬਲਕਿ ਉਨ੍ਹਾਂ ਦਾ ਸਹਾਰਾ ਬਣਦੀਆਂ ਹਨ।
