ਮੇਰੇ ਪਿਤਾ ਨੇ ਕਦੇ ਕਿਸੇ ਅਹੁਦੇ ਲਈ ਅਰਜ਼ੀ ਨਹੀਂ ਦਿਤੀ, ਸਗੋਂ ਉਨ੍ਹਾਂ ਦੀ ਯੋਗਤਾ ਦੇ ਚਲਦੇ ਲੋਕ ਉਨ੍ਹਾਂ ਕੋਲ ਆ ਕੇ ਉਨ੍ਹਾਂ ਨੂੰ ਅਪਣੇ ਇੰਸਟੀਟਿਊਟ ਵਿਚ ਕੰਮ...
ਹੁਸ਼ਿਆਰਪੁਰ : (ਭਾਸ਼ਾ) ਮੇਰੇ ਪਿਤਾ ਨੇ ਕਦੇ ਕਿਸੇ ਅਹੁਦੇ ਲਈ ਅਰਜ਼ੀ ਨਹੀਂ ਦਿਤੀ, ਸਗੋਂ ਉਨ੍ਹਾਂ ਦੀ ਯੋਗਤਾ ਦੇ ਚਲਦੇ ਲੋਕ ਉਨ੍ਹਾਂ ਕੋਲ ਆ ਕੇ ਉਨ੍ਹਾਂ ਨੂੰ ਅਪਣੇ ਇੰਸਟੀਟਿਊਟ ਵਿਚ ਕੰਮ ਕਰਨ ਲਈ ਸੱਦਾ ਦਿੰਦੇ ਸਨ। ਰਾਜਨੀਤੀ ਵਿਚ ਵੀ ਉਨ੍ਹਾਂ ਦਾ ਇਹੀ ਸਟੈਂਡ ਰਿਹਾ। ਪੜ੍ਹਾਉਣਾ, ਪ੍ਰਬੰਧਕੀ ਅਧਿਕਾਰੀ ਤੋਂ ਲੈ ਕੇ ਰਾਜਨੀਤੀ ਤੱਕ ਉਨ੍ਹਾਂ ਦਾ ਸਫਰ ਸਾਦਗੀ ਭਰਿਆ ਹੀ ਰਿਹਾ ਹੈ। ਇਹ ਵਿਚਾਰ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦੀ ਧੀ ਦਮਨ ਸਿੰਘ ਨੇ ਅਪਣੀ ਕਿਤਾਬ 'ਸਟ੍ਰਿਕਟਲੀ ਪਰਸਨਲ - ਮਨਮੋਹਣ ਐਂਡ ਗੁਰਸ਼ਰਣ' ਉਤੇ ਚਰਚਾ ਕਰਦੇ ਹੋਏ ਵਿਅਕਤ ਕੀਤੇ।
Manmohan Singh's daughters
ਹੋਸ਼ਿਆਰਪੁਰ ਲਿਟਰੇਰੀ ਸੋਸਾਇਟੀ ਵਲੋਂ ਸਰਕਾਰੀ ਕਾਲਜ ਵਿਚ ਆਯੋਜਿਤ ਸਮਾਰੋਹ ਦੌਰਾਨ ਦਮਨ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੇ ਪਿਤਾ ਦੇ ਰੋਲ ਮਾਡਲ ਉਨ੍ਹਾਂ ਦੇ ਸਕੂਲ, ਕਾਲਜ ਅਤੇ ਯੂਨੀਵਰਸਿਟੀ ਦੇ ਅਧਿਆਪਕ ਹੀ ਰਹੇ ਹਨ। ਉਹ ਅਕਸਰ ਉਨ੍ਹਾਂ ਬਾਰੇ ਚਰਚਾ ਕਰਦੀ ਹੋਈ ਕਹਿੰਦੀ ਹੈ ਕਿ ਉਹ ਜੋ ਵੀ ਹਨ, ਅਪਣੇ ਅਧਿਆਪਕਾਂ ਦੇ ਕਾਰਨ ਹਨ। ਇਸ ਦੌਰਾਨ ਉਨ੍ਹਾਂ ਨੇ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦੇ ਜੀਵਨ ਦੇ ਉਤਾਰ - ਚੜਾਅ ਉਤੇ ਵਿਸਥਾਰ ਨਾਲ ਚਰਚਾ ਕੀਤੀ।
Manmohan Singh's daughter Daman Singh
ਦਮਨ ਨੇ ਕਿਹਾ ਕਿ ਉਨ੍ਹਾਂ ਨੇ ਅਪਣੇ ਪਿਤਾ ਦੇ ਕਰਿਅਰ ਨੂੰ ਲੈ ਕੇ ਕਾਫ਼ੀ ਕੁੱਝ ਇਸ ਕਿਤਾਬ ਦੇ ਜ਼ਰੀਏ ਦੱਸਿਆ ਹੈ। ਕਿਤਾਬ ਵਿਚ ਪਿਤਾ ਦੇ ਅਕਾਦਮਿਕ, ਰਾਜਨੀਤਿਕ ਅਤੇ ਪ੍ਰਸ਼ਾਸਕੀ ਜ਼ਿੰਦਗੀ ਬਾਰੇ ਵੀ ਵਿਸਥਾਰ ਨਾਲ ਲਿਖਿਆ ਹੈ। ਮੈਂ ਕਿਤਾਬ ਵਿਚ ਜਿਨ੍ਹਾਂ ਪਿਤਾ ਦੀ ਸ਼ਖਸੀਅਤ ਦੇ ਬਾਰੇ ਲਿਖਿਆ ਹੈ ਉਹਨਾਂ ਹੀ ਮਾਤਾ ਬਾਰੇ ਵੀ ਦੱਸਿਆ ਹੈ। ਸਮਾਰੋਹ ਵਿਚ ਪ੍ਰਦੇਸ਼ ਸੂਚਨਾ ਕਮਿਸ਼ਨਰ ਖੁਸ਼ਵੰਤ ਸਿੰਘ ਨੇ ਵੀ ਕਿਤਾਬ ਉਤੇ ਲੇਖਿਕਾ ਦਮਨ ਸਿੰਘ ਨਾਲ ਚਰਚਾ ਕੀਤੀ।
Manmohan Singh's family
ਕੈਬਿਨੇਟ ਮੰਤਰੀ ਸੁੰਦਰ ਸ਼ਾਮ ਅਰੋੜਾ ਨੇ ਕਿਹਾ ਕਿ ਹੁਸ਼ਿਆਰਪੁਰ ਬਹੁਤ ਖੁਸ਼ਨਸੀਬ ਹੈ ਕਿ ਇੱਥੋਂ ਦੇਸ਼ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਾ ਸਿਰਫ ਪੜ੍ਹੇ ਹਨ ਸਗੋਂ ਪੜ੍ਹਾਇਆ ਵੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਪੂਰੀ ਦੁਨੀਆਂ ਮੰਦੀ ਦੀ ਮਾਰ ਝੇਲ ਰਿਹਾ ਸੀ ਤੱਦ ਡਾ. ਮਨਮੋਹਨ ਸਿੰਘ ਹੀ ਸਨ ਜਿਨ੍ਹਾਂ ਨੇ ਭਾਰਤ ਉਤੇ ਮੁਸੀਬਤ ਨਹੀਂ ਆਉਣ ਦਿਤੀ ਅਤੇ ਪੂਰੀ ਦੁਨੀਆਂ ਵਿਚ ਭਾਰਤ ਨੂੰ ਇਕ ਨਵੀਂ ਪਹਿਚਾਣ ਦਵਾਈ। ਇਸ ਦੌਰਾਨ ਉਨ੍ਹਾਂ ਨੇ ਹੁਸ਼ਿਆਰਪੁਰ ਲਿਟਰੇਰੀ ਸੋਸਾਇਟੀ ਨੂੰ 5 ਲੱਖ ਰੁਪਏ ਦੀ ਗ੍ਰਾਂਟ ਦਾ ਐਲਾਨ ਵੀ ਕੀਤਾ।
