ਕਸ਼ਮੀਰੀ ਤਾਂ ਭਾਰਤ ਕੋਲੋਂ ਰਾਏਸ਼ੁਮਾਰੀ ਦਾ ਵਾਅਦਾ ਪੂਰਾ ਕਰਨ ਦੀ ਮੰਗ ਕਰ ਰਹੇ ਸਨ ਪਰ ਭਾਰਤ ਸਰਕਾਰ ਨੇ ਝੂਠ, ਫਰੇਬ, ਮਕਾਰੀ ਦਾ ਸਹਾਰਾ ਲੈਂਦਿਆਂ ਧਾਰਾ 370 ਹੀ ਨਹੀਂ ਹਟਾਈ
ਅੰਮ੍ਰਿਤਸਰ (ਸੁਖਵਿੰਦਰਜੀਤ ਸਿੰਘ ਬਹੋੜੂ): ਆਰ.ਐਸ.ਐਸ ਤੇ ਭਾਜਪਾ ਨੇ ਘੱਟ ਗਿਣਤੀਆਂ ਦਲਿਤਾਂ, ਗ਼ਰੀਬਾਂ ਨਾਲ ਵੈਰ ਕਮਾਉਣ ਦੇ ਏਜੰਡੇ ਨੂੰ ਅਮਲੀ ਰੂਪ ਦਿੰਦਿਆਂ ਮੋਦੀ ਸਰਕਾਰ ਨੇ ਕਸ਼ਮੀਰ ਨੂੰ ਜੇਲ ਦਾ ਰੂਪ ਦੇ ਕੇ ਗ਼ੈਰ ਕਾਨੂੰਨੀ, ਗ਼ੈਰ ਸੰਵਿਧਾਨਕ ਤੇ ਗ਼ੈਰ ਇਖ਼ਲਾਕੀ ਤਰੀਕੇ ਨਾਲ ਉਥੋਂ ਧਾਰਾ 370 ਤੇ 35 ਏ ਹਟਾ ਕੇ ਕਸ਼ਮੀਰ ਦਾ ਵਿਸ਼ੇਸ਼ ਰੁਤਬਾ ਖ਼ਤਮ ਕਰ ਦਿਤਾ ਹੈ।
RSS
ਕਸ਼ਮੀਰੀ ਤਾਂ ਭਾਰਤ ਕੋਲੋਂ ਰਾਏਸ਼ੁਮਾਰੀ ਦਾ ਵਾਅਦਾ ਪੂਰਾ ਕਰਨ ਦੀ ਮੰਗ ਕਰ ਰਹੇ ਸਨ ਪਰ ਭਾਰਤ ਸਰਕਾਰ ਨੇ ਝੂਠ, ਫਰੇਬ, ਮਕਾਰੀ ਦਾ ਸਹਾਰਾ ਲੈਂਦਿਆਂ ਧਾਰਾ 370 ਹੀ ਨਹੀਂ ਹਟਾਈ ਸਗੋਂ ਉਸ ਦਾ ਸਟੇਟ ਦਾ ਰੁਤਬਾ ਖ਼ਤਮ ਕਰ ਕੇ ਕੇਂਦਰ ਸ਼ਾਸਤ ਪ੍ਰਦੇਸ਼ ਬਣਾ ਦਿਤਾ ਹੈ। ਆਰ.ਐਸ.ਐਸ ਦਾ ਮਨੁੱਖਤਾ ਦੋਖੀ ਚਿਹਰਾ 1947 ਵਿਚ ਵੀ ਸਾਹਮਣੇ ਆਇਆ ਸੀ ਜਦੋਂ ਨਹਿਰੂ ਤੇ ਹਿੰਦੂਤਵੀ ਧਿਰਾਂ ਨੇ ਘੱਟ ਗਿਣਤੀਆਂ ਨੂੰ ਵੱਧ ਅਧਿਕਾਰ ਦੇਣ ਤੋਂ ਇਨਕਾਰ ਕਰ ਕੇ ਦੇਸ਼ ਦੀ ਵੰਡ ਕਬੂਲ ਕੀਤੀ।
ਪਹਿਲਾਂ ਹੀ ਕਸ਼ਮੀਰ ਅੰਦਰ 7 ਲੱਖ ਦੇ ਕਰੀਬ ਫ਼ੌਜ ਤੇ ਅਰਧ ਸੈਨਿਕ ਦਲ ਤਾਇਨਾਤ ਹਨ ਪਰ ਅਜੇ ਵੀ ਹਜ਼ਾਰਾਂ ਦੀ ਗਿਣਤੀ ਵਿਚ ਅਰਧ ਸੈਨਿਕ ਦਲ ਹੋਰ ਭੇਜੇ ਜਾ ਰਹੇ ਹਨ। ਗ੍ਰਹਿ ਮੰਤਰੀ ਨੇ ਪਾਰਲੀਮੈਂਟ ਵਿਚ ਬੋਲਦਿਆਂ ਕਿਹਾ ਕਿ ਧਾਰਾ 370 ਨੇ ਕਸ਼ਮੀਰ ਦਾ ਵਿਕਾਸ ਰੋਕਿਆ ਸੀ ਅਤੇ ਤਿੰਨ ਪ੍ਰਵਾਰ ਕਸ਼ਮੀਰ ਨੂੰ ਲੁੱਟ ਕੇ ਖਾ ਗਏ ਹਨ। ਰਾਸ਼ਟਰਵਾਦ ਦੇ ਨਾਮ 'ਤੇ ਭਾਰਤੀ ਹਾਕਮਾਂ ਨੇ ਘੱਟਗਿਣਤੀਆਂ, ਦਲਿਤਾਂ, ਗ਼ਰੀਬਾਂ, ਕਿਸਾਨਾਂ ਦਾ ਨੱਕ ਵਿਚ ਦਮ ਕੀਤਾ ਹੋਇਆ ਹੈ।
Article 370
ਗੱਲਾਂ ਗੁਰੂ ਨਾਨਕ ਸਾਹਿਬ ਦਾ 550ਵਾਂ ਪ੍ਰਕਾਸ਼ ਦਿਹਾੜਾ ਮਨਾਉਣ ਦੀਆਂ ਹੋ ਰਹੀਆਂ ਹਨ ਪਰ ਹਾਕਮ ਲੜ ਰਹੀਆਂ ਧਿਰਾਂ ਨਾਲ ਸੰਵਾਦ ਰਚਾਉਣ ਦੀ ਬਜਾਏ ਬਾਬਰ ਦੇ ਰਾਹ ਪਈਆਂ ਹਨ। ਸੋ ਸਮੁੱਚੀ ਲੋਕਾਈ ਨੂੰ ਬੇਨਤੀ ਹੈ ਜ਼ਬਰ ਜ਼ੁਲਮ ਵਿਰੁਧ ਆਵਾਜ਼ ਉਠਾ ਕੇ ਗੁਰੂ ਨਾਨਕ ਸਾਹਿਬ ਦੀ ਸੋਚ ਦੀ ਪਹਿਰੇਦਾਰੀ ਕਰੀਏ।
ਇਸ ਮੌਕੇ ਜਗਦੀਪ ਸਿੰਘ ਰੰਧਾਵਾ, ਹਰਦਿਆਲ ਸਿੰਘ ਘਰਿਆਲਾ, ਬਾਬਾ ਦਰਸ਼ਨ ਸਿੰਘ ਪ੍ਰਧਾਨ ਕਿਰਪਾਲ ਸਿੰਘ ਰੰਧਾਵਾ, ਜੋਗਿੰਦਰ ਸਿੰਘ ਨੱਥੂਚੱਕ, ਪ੍ਰਵੀਨ ਕੁਮਾਰ, ਗੁਰਦੇਵ ਸਿੰਘ, ਸੁਖਵਿੰਦਰ ਸਿੰਘ ਆਦਿ ਮੌਜੂਦ ਸਨ।
