image
ਟੀਕੇ ਦੀਆਂ ਦੋਵੇਂ ਖ਼ੁਰਾਕਾਂ ਲੈਣ ਦੇ ਬਾਵਜੂਦ ਮਹਿਲਾ ਡਾਕਟਰ ਹੋਈ ਕੋਰੋਨਾ ਪਾਜ਼ੇਟਿਵ
ਜਬਲਪੁਰ, 14 ਮਾਰਚ: ਮੱਧ ਪ੍ਰਦੇਸ਼ 'ਚ ਜਬਲਪੁਰ ਦੇ ਸਰਕਾਰੀ ਗਾਂਧੀ ਮੈਡੀਕਲ ਕਾਲਜ ਦੀ ਇਕ ਸੀਨੀਅਰ ਮਹਿਲਾ ਡਾਕਟਰ ਕੋਵਿਡ-19 ਦੀ ਟੀਕੇ ਦੀਆਂ ਦੋਵੇਂ ਖ਼ੁਰਾਕਾਂ ਲੈਣ ਦੇ ਬਾਵਜੂਦ ਕੋਰੋਨਾ ਵਾਇਰਸ ਨਾਲ ਪੀੜਤ ਹੋ ਗਈ ਹੈ | ਅਧਿਕਾਰੀਆਂ ਨੇ ਸਨਿਚਰਵਾਰ ਨੂੰ ਇਹ ਜਾਣਕਾਰੀ ਦਿਤੀ | ਡਾਕਟਰ ਦੇ ਕਰੀਬੀ ਲੋਕਾਂ ਨੇ ਕਿਹਾ ਕਿ ਡਾਕਟਰ ਦਾ ਮੰਨਣਾ ਸੀ ਕਿ ਟੀਕੇ ਦੀ ਦੂਜੀ ਖ਼ੁਰਾਕ ਲੈਣ ਤੋਂ ਬਾਅਦ ਮਾਸਕ ਪਹਿਨਣ ਦੀ ਲੋੜ ਨਹੀਂ ਹੈ ਅਤੇ ਇਸੇ ਲਾਪਰਵਾਹੀ ਕਾਰਨ ਉਨ੍ਹਾਂ ਨੂੰ ਟੀਕਾ ਲਗਾਉਣ ਦੇ ਬਾਵਜੂਦ ਲਾਗ ਹੋਇਆ ਹੈ | ਉਨ੍ਹਾਂ ਦਸਿਆ ਕਿ 48 ਸਾਲਾ ਡਾਕਟਰ ਨੂੰ ਕੋਰੋਨਾ ਟੀਕੇ ਦੀ ਪਹਿਲੀ ਖ਼ੁਰਾਕ 16 ਜਨਵਰੀ ਨੂੰ ਮਿਲੀ ਸੀ, ਜਦਕਿ ਦੂਜੀ ਖ਼ੁਰਾਕ ਇਕ ਮਾਰਚ ਨੂੰ ਮਿਲੀ | ਉਨ੍ਹਾਂ ਦਸਿਆ ਕਿ 10 ਮਾਰਚ ਨੂੰ ਜਾਂਚ 'ਚ ਡਾਕਟਰ ਕੋਰੋਨਾ ਪੀੜਤ ਮਿਲੀ ਸੀ ਅਤੇ ਇਸ ਕਾਰਨ ਉਨ੍ਹਾਂ ਨੂੰ 14 ਦਿਨਾਂ ਤਕ ਏਕਾਂਤਵਾਸ ਦੀ ਸਲਾਹ ਦਿਤੀ ਹੈ | (ਏਜੰਸੀ)
image
