Central Modern Jail of Faridkot
ਫਰੀਦਕੋਟ ਦੀ ਕੇਂਦਰੀ ਮਾਡਰਨ ਜੇਲ੍ਹ 'ਚੋਂ 6 ਮੋਬਾਈਲ ਫ਼ੋਨ ਅਤੇ 6 ਸਿਮ ਬਰਾਮਦ ਹੋਏ ਹਨ। ਇਹਨਾਂ 'ਚੋਂ 3 ਟੱਚ ਸਕਰੀਨ ਅਤੇ 3 ਕੀਪੈਡ ਫ਼ੋਨ ਸਨ।
ਫਰੀਦਕੋਟ: ਸੂਬੇ ਦੀਆਂ ਜੇਲ੍ਹਾਂ ਵਿਚੋਂ ਕੈਦੀਆਂ ਕੋਲੋਂ ਫੋਨ ਮਿਲਣ ਦੀ ਘਟਨਾਵਾਂ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ। ਇਸ ਦੌਰਾਨ ਫਰੀਦਕੋਟ ਦੀ ਕੇਂਦਰੀ ਮਾਡਰਨ ਜੇਲ੍ਹ 'ਚੋਂ 6 ਮੋਬਾਈਲ ਫ਼ੋਨ ਅਤੇ 6 ਸਿਮ ਬਰਾਮਦ ਹੋਏ ਹਨ। ਇਹਨਾਂ 'ਚੋਂ 3 ਟੱਚ ਸਕਰੀਨ ਅਤੇ 3 ਕੀਪੈਡ ਫ਼ੋਨ ਸਨ।
ਜੇਲ੍ਹ ਵਿਚ ਹੋਈ ਤਲਾਸ਼ੀ ਦੌਰਾਨ ਇਕ ਕੈਦੀ ਕੋਲੋਂ ਇਕ ਫ਼ੋਨ ਅਤੇ 2 ਸਿਮ ਬਰਾਮਦ ਕੀਤੇ ਗਏ, ਜਦਕਿ 3 ਸਿਮ ਅਤੇ ਫ਼ੋਨ ਲਾਵਾਰਿਸ ਮਿਲੇ। ਜੇਲ੍ਹ ਪ੍ਰਸ਼ਾਸਨ ਦੀ ਸ਼ਿਕਾਇਤ ਤੋਂ ਬਾਅਦ ਥਾਣਾ ਸਿਟੀ ਫਰੀਦਕੋਟ 'ਚ ਇਕ ਕੈਦੀ ਅਤੇ ਦੋ ਹਵਾਲਾਤੀਆਂ ਸਣੇ ਅਣਪਛਾਤਿਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ।
