ਹੁਣ ਦੀਵਾਲੀ ਤੋਂ ਬਾਅਦ ਹੀ ਸਸਤਾ ਹੋਵੇਗਾ ਪਿਆਜ਼
ਨਵੀਂ ਦਿੱਲੀ, 11 ਨਵੰਬਰ: ਹੁਣ ਦੀਵਾਲੀ ਤੋਂ ਬਾਅਦ ਹੀ ਸਸਤਾ ਪਿਆਜ਼ ਖਾਣਾ ਨਸੀਬ ਹੋਵੇਗਾ। ਸਰਕਾਰ ਦੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਦੇਸ਼ ਦੀਆਂ ਮੰਡੀਆਂ ਵਿਚ ਪਿਆਜ਼ ਦੀ ਸਪਲਾਈ ਵਿਚ ਕੋਈ ਸੁਧਾਰ ਨਹੀਂ ਹੋਇਆ। ਏਸ਼ੀਆ ਦੇ ਸਭ ਤੋਂ ਵੱਡੇ ਪਿਆਜ਼ ਬਾਜ਼ਾਰ, ਨਾਸਿਕ ਦੇ ਲਾਸਲਗਾਉਂ ਵਿਚ ਪਿਆਜ਼ ਦੀ ਸਪਲਾਈ ਘੱਟ ਗਈ ਹੈ ਜਿਸ ਕਾਰਨ ਪਿਆਜ਼ ਦੀ ਔਸਤਨ ਥੋਕ ਕੀਮਤ 1251 ਰੁਪਏ ਪ੍ਰਤੀ ਕੁਇੰਟਲ ਦੇ ਵਾਧੇ ਨਾਲ 4,651 ਰੁਪਏ ਪ੍ਰਤੀ ਕੁਇੰਟਲ ਹੋ ਗਈ ਹੈ। ਪਿਆਜ਼ ਦੀ ਗੁਣਵਤਾ ਅਨੁਸਾਰ ਪਿਆਜ਼ ਦੀ ਘੱਟੋ ਘੱਟ ਕੀਮਤ 1100 ਰੁਪਏ ਪ੍ਰਤੀ ਕੁਇੰਟਲ ਤੇ ਵੱਧ ਰੇਟ 5115 ਰੁਪਏ ਹੈ।
ਕਿਸਾਨਾਂ ਕੋਲ ਪਿਆਜ਼ ਦਾ ਭੰਡਾਰ ਖਾਲੀ: ਪਿਆਜ਼ ਦੀ ਕਾਸ਼ਤ ਮਾਰਚ ਅਤੇ ਅਪ੍ਰੈਲ ਦੇ ਵਿਚਕਾਰ ਕੀਤੀ ਜਾਂਦੀ ਹੈ, ਜੋ ਕਿ 6 ਮਹੀਨਿਆਂ ਤਕ ਖ਼ਰਾਬ ਨਹੀਂ ਹੁੰਦਾ। ਕਿਸਾਨ ਇਸ ਪਿਆਜ਼ ਨੂੰ ਸਟੋਰ ਕਰਦੇ ਹਨ ਤਾਂ ਜੋ ਬਾਅਦ ਵਿਚ ਇਸ ਨੂੰ ਚੰਗੀ ਕੀਮਤ 'ਤੇ ਵੇਚਿਆ ਜਾ ਸਕੇ। ਇਹ ਪਿਆਜ਼ ਮੰਡੀਆਂ ਵਿਚ ਵੀ ਆ ਚੁਕਾ ਹੈ, ਕਿਸਾਨਾਂ ਨੇ ਲਗਭਗ ਅਪਣਾ ਸਟਾਕ ਖ਼ਾਲੀ ਕਰ ਦਿਤਾ ਹੈ।
ਤੁਰਕੀ ਤੋਂ ਪਿਆਜ਼: ਹਾਲਾਂਕਿ, ਸਟਾਕ
ਲਿਮਟ ਨੂੰ ਹਟਾਉਣ ਤੋਂ ਬਾਅਦ, ਆਯਾਤ ਹੋਏ ਪਿਆਜ਼ ਬਾਜ਼ਾਰਾਂ ਵਿਚ ਆਉਣੇ ਸ਼ੁਰੂ ਹੋ ਗਏ ਹਨ। ਮਹਾਰਾਸ਼ਟਰ ਦੇ ਪਿੱਪਲਗਾਉਂ ਬਾਜ਼ਾਰ ਮੰਡੀ ਵਿਚ ਤੁਰਕਿਸਤਾਨ ਤੋਂ 1000 ਕੁਇੰਟਲ ਦਰਾਮਦ ਕੀਤੀ ਪਿਆਜ਼ ਲਿਆਂਦੀ ਗਈ ਹੈ। ਇਹ ਪਿਆਜ਼ 3000-5000 ਰੁਪਏ ਪ੍ਰਤੀ ਕੁਇੰਟਲ ਦੀ ਕੀਮਤ 'ਤੇ ਵਿਕਿਆ ਸੀ। (ਏਜੰਸੀ)
