Tragic news: Farmer dies due to electric shock at Delhi border
ਪਿਛਲੇ ਦੋ ਮਹੀਨਿਆਂ ਤੋਂ ਸੰਘਰਸ਼ ’ਚ ਸ਼ਾਮਲ ਸੀ
ਹਠੂਰ (ਜਗਰੂਪ ਸਿੰਘ ਲੱਖਾ): ਪਿਛਲੇ ਦਿਨੀਂ ਵੀ ਪਿੰਡ ਕਾਉਂਕੇ ਕਲਾਂ ਦਾ ਇਕ ਸੰਘਰਸ਼ੀ ਵੀਰ ਸੁਖਵਿੰਦਰ ਸਿੰਘ ਉਰਫ਼ ਬਿੰਦਰ ਦਿੱਲੀ ਬਾਰਡਰ ਤੇ ਧਰਨੇ ਦੌਰਾਨ ਸ਼ਹੀਦੀ ਪ੍ਰਾਪਤ ਕਰ ਗਿਆ ਸੀ ਉਸ ਦੀ ਸ਼ਹੀਦੀ ਦਾ ਗਮ ਹਾਲੇ ਪਿੰਡ ਵਾਸੀਆਂ ਦੇ ਦਿਲਾਂ ਵਿਚੋਂ ਘਟਿਆ ਨਹੀਂ ਸੀ ਕਿ ਇਕ ਹੋਰ ਵੀਰ ਮਜ਼ਦੂਰ ਸੋਹਣ ਸਿੰਘ ਉਰਫ਼ ਬਿੱਲਾ ਪੁੱਤਰ ਬੀਰ ਸਿੰਘ ਦੀ ਦਿੱਲੀ ਧਰਨੇ ’ਚ ਕਰੰਟ ਲੱਗਣ ਕਾਰਨ ਮੌਤ ਹੋ ਗਈ।
Farmer Veer Sukhwinder Singh
ਦਸਣਯੋਗ ਹੈ ਕਿ ਸੋਹਣ ਸਿੰਘ ਉਰਫ਼ ਬਿੱਲਾ ਪਿਛਲੇ ਦੋ ਮਹੀਨਿਆਂ ਤੋਂ ਸੰਘਰਸ਼ ’ਚ ਸ਼ਾਮਲ ਸੀ। ਵੀਰ ਬਿੱਲਾ ਲੋੜਵੰਦ ਪ੍ਰਵਾਰ ਨਾਲ ਸਬੰਧਤ ਸੀ ਅਤੇ ਘਰ ’ਚ ਇਕੱਲਾ ਹੀ ਕਮਾਈ ਕਰਨ ਵਾਲਾ ਸੀ ਜਿਸ ਦੇ ਜਾਣ ਨਾਲ ਪ੍ਰਵਾਰ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ।
Farmers Protest
ਇਸ ਮੌਕੇ ਸਮੂਹ ਪਿੰਡ ਵਾਸੀਆਂ ਵਲੋਂ ਪ੍ਰਸ਼ਾਸਨ ਨੂੰ ਬੇਨਤੀ ਕੀਤੀ ਗਈ ਕਿ ਪ੍ਰਵਾਰ ਦੀ ਸਹਾਇਤਾ ਕੀਤੀ ਜਾਵੇ ਤਾਂ ਜੋ ਪ੍ਰਵਾਰ ਨੂੰ ਅੱਗੇ ਜੀਵਨ ’ਚ ਕੋਈ ਦੁੱਖ ਨਾ ਹੋਵੇ।
