Nihang Singh suicidal!
ਖਾਲੀ ਪਲਾਟ 'ਚ ਦਰੱਖ਼ਤ ਨਾਲ ਲਟਕਦੀ ਮਿਲੀ ਲਾਸ਼
ਜਲੰਧਰ- ਖ਼ੁਦਕੁਸ਼ੀ ਦੀਆਂ ਖਬਰਾਂ ਤਾਂ ਤੁਸੀਂ ਆਮ ਸੁਣਦੇ ਹੀ ਹੋ ਪਰ ਅੱਜ ਇਕ ਨਿਹੰਗ ਸਿੰਘ ਵੱਲੋਂ ਖ਼ੁਦਕੁਸ਼ੀ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਜਲੰਧਰ ਦੀ ਰਾਮਾਂਮੰਡੀ ਵਿਚ ਇੱਕ ਨਿਹੰਗ ਸਿੰਘ ਦੀ ਲਾਸ਼ ਦਰੱਖਤ ਨਾਲ ਲਟਕਦੀ ਹੋਈ ਬਰਾਮਦ ਹੋਈ ਹੈ। ਸ਼ੁਰੂਆਤੀ ਜਾਂਚ ਵਿਚ ਨਿਹੰਗ ਸਿੰਘ ਵੱਲੋਂ ਖੁਦਕੁਸ਼ੀ ਦਾ ਖਦਸ਼ਾ ਜਤਾਇਆ ਜਾ ਰਿਹਾ ਹੈ।
ਜਾਣਕਾਰੀ ਮੁਤਾਬਕ ਇਹ ਨਿਹੰਗ ਸਿੰਘ ਬੀਤੀ ਸ਼ਾਮ ਤੋਂ ਇਲਾਕੇ ਵਿਚ ਪੈਦਲ ਘੁੰਮ ਰਿਹਾ ਸੀ, ਪਰ ਜਦੋਂ ਸਵੇਰੇ ਲੋਕ ਸੈਰ ਲਈ ਨਿਕਲੇ, ਤਾਂ ਵੇਖਿਆ ਕਿ ਉਸਨੇ ਦਕੋਹਾ ਦੇ ਖਾਲੀ ਪਲਾਟ ਵਿਚ ਇੱਕ ਦਰੱਖ਼ਤ ਨਾਲ ਫਾਹਾ ਲਾਇਆ ਹੋਇਆ ਸੀ। ਹਾਲਾਂਕਿ ਖੁਦਕੁਸ਼ੀ ਦਾ ਕਾਰਨ ਸਾਫ ਨਹੀਂ ਹੋ ਸਕਿਆ ਤੇ ਨਾ ਹੀ ਮ੍ਰਿਤਕ ਦੀ ਪਛਾਣ ਹੋਈ ਹੈ। ਪਰ ਪੁਲਿਸ ਵੱਲੋਂ ਪੂਰੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
