Tarun Chugh
ਸਰਬੱਤ ਦੇ ਭਲੇ ਦੀ ਕੀਤੀ ਅਰਦਾਸ
ਕਰਤਾਰਪੁਰ - ਭਾਜਪਾ ਆਗੂ ਤਰੁਣ ਚੁੱਘ ਨੇ ਅਪਣੇ ਸਾਥੀਆਂ ਨਾਲ ਅੱਜ ਬਾਬਾ ਬੋਹਰ ਸ਼ਾਹ ਮਹਾਰਾਜ ਜੀ (ਕਰਤਾਰਪੁਰ, ਜਲੰਧਰ) ਦੇ ਦਰਸ਼ਨ ਲਈ ਗਏ। ਜਿੱਥੇ ਉਹਨਾਂ ਨੇ ਸਰਬੱਤ ਦੇ ਭਲੇ ਲਈ ਅਰਦਾਸ ਕੀਤੀ ਤੇ ਕਿਹਾ ਕਿ ਇਸ ਜਗ੍ਹਾ ਆ ਕੇ ਸਭ ਨੂੰ ਸਕੂਨ ਮਿਲਦਾ ਹੈ ਤੇ ਇਸ ਜਗ੍ਹਾ ਤੋਂ ਸਭ ਨੂੰ ਸੁੱਖ ਹੀ ਮਿਲਦਾ ਹੈ। ਉਹਨਾਂ ਕਿਹਾ ਕਿ ਉਹਨਾਂ ਨੂੰ ਗੁੜਤੀ ਵਿਚ ਹੀ ਸਭ ਦਾ ਸੁੱਖ ਮੰਗਣ ਦਾ ਵਰਦਾਨ ਮਿਲਿਆ ਹੈ।
ਉਹਨਾਂ ਕਿਹਾ ਕਿ ਇਸ ਸਥਾਨ ਦੇ ਦਰਸ਼ਨਾਂ ਲਈ ਆਉਣ ਵਾਲੇ ਲੋਕਾਂ ਨੂੰ ਪਹਿਲਾਂ ਸੜਕਾਂ ਨਾ ਬਣੀਆਂ ਹੋਣ ਕਾਰਨ ਮੁਸ਼ਕਿਲ ਦਾ ਸਾਹਮਣਾ ਕਰਨਾ ਪੈਂਦਾ ਸੀ ਪਰ ਹੁਣ ਇਸ ਰਸਤੇ ਦੀਆਂ ਸੜਕਾਂ ਬਣ ਚੁੱਕੀਆਂ ਹਨ ਤੇ ਜੋ ਬਿਲਡਿੰਗਾਂ ਬਣਨ ਦਾ ਕੰਮ ਚੱਲ ਰਿਹਾ ਹੈ ਉਹ ਵੀ ਪੂਰਾ ਹੋ ਰਿਹਾ ਹੈ।
