Tarn Taran ਇਕ ਔਰਤ ਦੀ ਮੌਤ ਤੇ ਇਕ ਬੱਚੀ ਅੱਗ ’ਚ ਝੁਲਸਿਆ
Fire breaks out at illegal home-made firecracker factory in Tarn Taran Latest News in Punjabi : ਤਰਨਤਾਰਨ ਦੇ ਕਸਬਾ ਨੁਸ਼ਹਿਰਾਂ ਪੰਨੂਆਂ ਵਿਖ਼ੇ ਇਕ ਘਰ ਵਿਚ ਹੀ ਬਣਾਏ ਜਾ ਰਹੇ ਪਟਾਖਿਆ ਦੀ ਫ਼ੈਕਟਰੀ ਵਿਚ ਅੱਗ ਲੱਗ ਗਈ ਜਿਸ ਵਿਚ ਇਕ ਔਰਤ ਦੀ ਅੱਗ ਲੱਗਣ ਨਾਲ਼ ਮੌਤ ਹੋ ਗਈ ਅਤੇ ਇਕ ਬੱਚਾ ਝੁਲਸ ਗਿਆ ਜਿਸ ਨੂੰ ਤਰਨ ਤਾਰਨ ਦੇ ਸਿਵਲ ਹਸਪਤਾਲ ਵਿਖ਼ੇ ਦਾਖ਼ਲ ਕਰਾਇਆ ਗਿਆ ਹੈ, ਮੌਕੇ ਤੇ ਫ਼ਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਪੁੱਜ ਗਈਆਂ ਅਤੇ ਅੱਗ ’ਤੇ ਕਾਬੂ ਪਾਇਆ ਗਿਆ।
ਇਸ ਸਬੰਧੀ ਪੁਲਿਸ ਨੂੰ ਸੂਚਨਾ ਦਿਤੀ ਗਈ ਤੇ ਪੁਲਿਸ ਨੇ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿਤੀ ਹੈ। ਪੁਲਿਸ ਨੇ ਦਸਿਆ ਕਿ ਫ਼ਿਲਹਾਲ ਕਿੰਨੇ ਜ਼ਖ਼ਮੀ ਹਨ ਇਸ ਬਾਰੇ ਹਾਲੇ ਕੋਈ ਸਪੱਸ਼ਟ ਪੁਸ਼ਟੀ ਨਹੀਂ ਕੀਤੀ ਜਾ ਸਕਦੀ ਹੈ।
ਇਸ ਮੌਕੇ ’ਤੇ ਜਾਣਕਾਰੀ ਦਿੰਦੇ ਇਕ ਬਜ਼ੁਰਗ ਵਿਅਕਤੀ ਅਤੇ ਮਾਤਾ ਨੇ ਦਸਿਆ ਕਿ ਗੁਰਪ੍ਰੀਤ ਸਿੰਘ ਗੋਪੀ ਪੁੱਤਰ ਭਜਨ ਸਿੰਘ ਵਾਸੀ ਚੌਧਰੀਆਂ ਵਾਲਾ ਜਿਸ ਨੇ ਅਪਣੇ ਘਰ ਇਕ ਪਟਾਕਿਆਂ ਵਾਲੀ ਨਾਜਾਇਜ਼ ਫ਼ੈਕਟਰੀ ਲਗਾਈ ਸੀ। ਅੱਜ ਸਵੇਰੇ ਅਚਾਨਕ ਹੀ ਉਸ ਫ਼ੈਕਟਰੀ ਵਿੱਚ ਅੱਗ ਲੱਗ ਗਈ ਜਿਸ ਵਿਚ ਦਸਿਆ ਜਾ ਰਿਹਾ ਹੈ ਕਿ ਦੋ ਵਿਅਕਤੀ ਜ਼ਖ਼ਮੀ ਹੋਏ ਨੇ ਅਤੇ ਇਕ ਔਰਤ ਜਸ਼ਨਪ੍ਰੀਤ ਕੌਰ ਪਤਨੀ ਆਕਾਸ਼ ਸਿੰਘ ਦੀ ਮੌਕੇ ’ਤੇ ਮੌਤ ਹੋ ਗਈ ਹੈ।
