Shaheed ਦੇ ਪੋਤੇ ਨੇ ਸਰਕਾਰ ਦੇ ਖੋਲ੍ਹੇ ਭੇਦ
ਸੰਗਰੂਰ: ਸਰਕਾਰ ਜਿੰਨੇ ਮਰਜ਼ੀ ਦਾਅਵੇ ਕਰੀ ਜਾਵੇ ਕਿ ਉਸ ਨੇ ਸ਼ਹੀਦਾਂ ਲਈ ਇਹ ਕਰਤਾ, ਉਹ ਕਰਤਾ ਪਰ ਜੇ ਸ਼ਹੀਦ ਪਰਿਵਾਰਾਂ ਵੱਲੋਂ ਸਮੇਂ-ਸਮੇਂ ਤੇ ਲਗਾਏ ਜਾਂਦੇ ਇਲਜ਼ਾਮਾਂ ਨੂੰ ਇੰਨ ਬਿੰਨ ਸਹੀ ਵੀ ਦਰੁਸਤ ਮੰਨ ਲਈਏ ਤਾਂ ਤਰਸ ਆਉਂਦਾ ਹੈ ਉਨ੍ਹਾਂ ਪਰਿਵਾਰਾਂ ਤੇ ਜਿਨ੍ਹਾਂ ਦੇ ਪੁੱਤਰ ਦੇਸ਼ ਤੇ ਕੁਰਬਾਨ ਹੋ ਗਏ ਪਰ ਬਾਅਦ ਵਿੱਚ ਹਾਕਮਾਂ ਨੇ ਵੀ ਅੱਖਾਂ ਫ਼ੇਰ ਲਈਆਂ ਤੇ ਉਹ ਵੀ ਵੱਡੇ-ਵੱਡੇ ਐਲਾਨ ਕਰਨ ਦੇ ਬਾਅਦ।
Man
ਸਪੋਕਸਮੈਨ ਟੀਮ ਵੱਲੋਂ ਸੰਗਰੂਰ ਵਿਚ ਸ਼ਹੀਦ ਜੁਗਿੰਦਰ ਸਿੰਘ ਦੇ ਪਰਿਵਾਰ ਤਕ ਪਹੁੰਚ ਕੀਤੀ ਗਈ ਤੇ ਉਹਨਾਂ ਦੇ ਦੁੱਖ ਜਾਣਨ ਦੀ ਕੋਸ਼ਿਸ਼ ਕੀਤੀ ਹੈ। ਪਰਿਵਾਰ ਨੇ ਦਸਿਆ ਕਿ ਉਹਨਾਂ ਦੇ ਬੱਚੇ ਵੀ ਇਕੱਲੇ ਹਨ ਤੇ ਉਹਨਾਂ ਦਾ ਹੁਣ ਕੋਈ ਸਹਾਰਾ ਨਹੀਂ ਹੈ। ਉੱਥੇ ਹੀ ਉਹਨਾਂ ਦੇ ਪੋਤੇ ਨੇ ਦਸਿਆ ਕਿ ਉਹਨਾਂ ਦੀ ਸਰਕਾਰ ਵੱਲੋਂ ਕੋਈ ਸਾਰ ਨਹੀਂ ਲਈ ਗਈ। ਉਹ ਅਪਣੇ ਘਰ ਦਾ ਗੁਜ਼ਾਰਾ ਦਿਹਾੜੀਆਂ ਕਰ ਕੇ ਕਰਦੇ ਹਨ।
Board
ਜੇ ਸ਼ਹੀਦਾਂ ਦੇ ਪਰਿਵਾਰਾਂ ਦਾ ਹਾਲ ਇਹੀ ਰਿਹਾ ਤਾਂ ਕੋਈ ਵੀ ਵਿਅਕਤੀ ਫ਼ੌਜ ਵਿਚ ਜਾਣਾ ਪਸੰਦ ਨਹੀਂ ਕਰੇਗਾ। ਉੱਥੇ ਹੀ ਜਦੋਂ ਗੁਰਮੇਲ ਸਿੰਘ ਜੰਗ ਤੇ ਜਾਣ ਲਈ ਘਰੋਂ ਤੁਰਿਆ ਸੀ ਤਾਂ ਉਹ ਜਾਂਦੇ ਹੋਏ ਹੀ ਇਹ ਆਖ ਗਿਆ ਸੀ ਕਿ, ਉਹ ਹੁਣ ਮੁੜ ਕੇ ਨਹੀਂ ਆਵੇਗਾ, ਕਿਉਂਕਿ ਉਸ ਦੀ ਜਾਨ ਦੇਸ਼ ਦੀ ਅਮਾਨਤ ਹੈ ਅਤੇ ਹੁਣ ਵੇਲਾ ਆ ਗਿਆ ਹੈ ਦੇਸ਼ ਦੇ ਨਾਮ ਤੇ ਆਪਣੀ ਜ਼ਿੰਦਗੀ ਕਰਨ ਦਾ। ਹੋਇਆ ਵੀ ਠੀਕ ਉਹੀ ਜਿਸ ਦਾ ਕਿ ਗੁਰਮੇਲ ਸਿੰਘ ਪਹਿਲਾਂ ਹੀ ਇਸ਼ਾਰਾ ਕਰ ਗਿਆ ਸੀ।
Boy
ਜੰਗ ਖ਼ਤਮ ਹੋਈ ਉਹ ਖ਼ੁਦ ਨਹੀਂ ਆਇਆ ਪਰ ਤਿਰੰਗੇ ਵਿੱਚ ਲਿਪਟੀ ਹੋਈ ਉਸ ਦੀ ਲਾਸ਼ ਹੀ ਘਰੇ ਆਈ। ਸ਼ਹੀਦ ਦੇ ਪਿਤਾ ਮੇਹਰ ਸਿੰਘ ਦੀ ਮੰਨੀਏ ਤਾਂ ਗੁਰਮੇਲ ਸਿੰਘ ਦਾ ਅੰਤਿਮ ਸੰਸਕਾਰ ਪਿੰਡ ਦੇ ਗੁਰਦੁਆਰੇ ਦੇ ਨਾਲ ਹੀ ਕੀਤਾ ਗਿਆ ਜਿੱਥੇ ਬਕਾਇਦਾ ਤੌਰ ਤੇ ਉਸ ਦੀ ਸਮਾਧੀ ਬਣਾਈ ਗਈ।
Indian Army
ਸ਼ਹੀਦ ਨੂੰ ਸਨਮਾਨ ਦੇਣ ਲਈ ਸਰਕਾਰ ਨੇ ਉਸ ਦੇ ਨਾਮ ਤੇ ਪਿੰਡ ਦਾ ਗੇਟ ਵੀ ਬਣਾਇਆ, ਸਕੂਲ ਦਾ ਨਾਮ ਵੀ ਗੁਰਮੇਲ ਸਿੰਘ ਦੇ ਨਾਮ ਤੇ ਹੀ ਰੱਖ ਦਿੱਤਾ ਗਿਆ। ਹੁਣ ਜੇ ਗੱਲ ਕਰੀਏ ਅਲੋਚਕਾਂ ਦੀ ਤਾਂ ਉਨ੍ਹਾਂ ਦਾ ਕਹਿਣਾ ਹੈ ਕਿ ਕੇਵਲ ਕਿਸੇ ਸ਼ਹੀਦ ਦੇ ਨਾਮ ਤੇ ਗੇਟ ਬਣਾ ਦੇਣਾ ਜਾਂ ਉਸ ਦੇ ਨਾਮ ਤੇ ਸਕੂਲ ਦਾ ਨਾਮ ਰੱਖ ਦੇਣਾ ਹੀ ਕਾਫ਼ੀ ਨਹੀਂ ਹੁੰਦਾ ਸ਼ਹੀਦ ਦੇ ਪਰਿਵਾਰ ਦੀਆਂ ਲੋੜਾਂ ਉਨ੍ਹਾਂ ਦੀਆਂ ਜ਼ਰੂਰਤਾਂ ਦਾ ਧਿਆਨ ਰੱਖਣਾ ਵੀ ਲਾਜ਼ਮੀ ਹੁੰਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
