ਬਠਿੰਡਾ ਦੇ ਭਗਤਾ ਭਾਈਕਾ 'ਚ ਸੋਗ ਦੀ ਲਹਿਰ
ਬਠਿੰਡਾ : ਪਿੰਡ ਭਗਤਾ ਭਾਈਕਾ ਤੋਂ ਇੱਕ ਬਹੁਤ ਹੀ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ ਜਿਥੇ ਇੱਕ ਭਰਾ ਦੇ ਵਿਛੋੜੇ ਵਿਚ ਦੂਜੇ ਭਰਾ ਨੇ ਦਮ ਤੋੜ ਦਿਤਾ। ਅਜਿਹੀ ਪਿਆਰ ਦੀ ਮਿਸਾਲ ਅੱਜ ਦੇ ਜ਼ਮਾਨੇ ਵਿਚ ਬਹੁਤ ਹੀ ਘੱਟ ਦੇਖਣ ਨੂੰ ਮਿਲਦੀ ਹੈ ਜਿਥੇ ਜਿਉਂਦੇ ਜੀਅ ਤਾਂ ਪ੍ਰੇਮ ਹੁੰਦਾ ਹੀ ਹੈ ਪਰ ਮੌਤ ਵੀ ਉਨ੍ਹਾਂ ਨੂੰ ਅਲਗ ਨਹੀਂ ਕਰ ਸਕੀ।
photo
ਮਿਲੀ ਜਾਣਕਾਰੀ ਅਨੁਸਾਰ ਭਗਤ ਭਾਈਕਾ ਵਿਚ ਮੰਗਲਵਾਰ ਨੂੰ ਇਕ ਵੱਡੇ ਭਰਾ ਦੀ ਮੌਤ ਹੋਣ ਦੇ ਕੁਝ ਪਲਾਂ ਮਗਰੋਂ ਹੀ ਉਸ ਦਾ ਵਿਛੋੜਾ ਨਾ ਸਹਾਰਦੇ ਹੋਏ ਛੋਟੇ ਭਰਾ ਦੀ ਵੀ ਮੌਤ ਹੋ ਗਈ। ਇਸ ਖ਼ਬਰ ਨੂੰ ਸੁਣਦਿਆਂ ਹੀ ਸ਼ਹਿਰ ਅੰਦਰ ਸੋਗ ਦੀ ਲਹਿਰ ਦੌੜ ਗਈ। ਦੱਸ ਦੇਈਏ ਕਿ ਵੱਡਾ ਭਰਾ ਪ੍ਰੀਤਮ ਸਿੰਘ (75) ਕਿਸੇ ਬਿਮਾਰੀ ਤੋਂ ਪੀੜਤ ਸੀ ਅਤੇ ਉਨ੍ਹਾਂ ਨੂੰ ਇਲਾਜ ਲਈ ਪ੍ਰਾਈਵੇਟ ਹਸਪਤਾਲ ਦਾਖ਼ਲ ਕਰਵਾਇਆ ਗਿਆ ਸੀ।
photo
ਜਿਥੇ ਇਲਾਜ ਦੌਰਾਨ ਪ੍ਰੀਤਮ ਸਿੰਘ ਦੀ ਮੌਤ ਹੋ ਗਈ। ਮ੍ਰਿਤਕ ਪ੍ਰੀਤਮ ਸਿੰਘ ਦੀ ਨੂੰ ਜਦ ਘਰ ਲਿਆਂਦਾ ਗਿਆ ਤਾਂ ਕੁਝ ਹੀ ਪਲਾਂ ਦੇ ਅੰਦਰ ਹੀ ਉਨ੍ਹਾਂ ਦੇ ਛੋਟੇ ਭਰਾ ਮਨਜੀਤਇੰਦਰ ਸਿੰਘ ਉਰਫ਼ ਅਮਰਜੀਤ ਸਿੰਘ ਮੈਂਬਰ ਦੀ ਵੀ ਮੌਤ ਹੋ ਗਈ। ਘਰ ਵਿਚ ਇੱਕੋ ਸਮੇਂ ਦੋ ਮੌਤਾਂ ਹੋਣ ਕਾਰਨ ਪਰਿਵਾਰ 'ਤੇ ਦੁਖਾਂ ਦਾ ਪਹਾੜ ਟੁੱਟ ਗਿਆ। ਦੱਸ ਦੇਈਏ ਕਿ ਉਨ੍ਹਾਂ ਦੋਹਾਂ ਭਰਾਵਾਂ ਦਾ ਸਸਕਾਰ ਵੀ ਇਕੱਠਿਆਂ ਹੀ ਕਰ ਦਿਤਾ ਗਿਆ ਹੈ।
