ਕਿਸਾਨ ਪ੍ਰਦਰਸ਼ਨ ਵਿਚ ਡਿਊਟੀ 'ਤੇ ਤਾਇਨਾਤ ਪੀ.ਏ.ਸੀ. ਦੇ 2 ਜਵਾਨਾਂ ਦੀ ਸੜਕ ਹਾਦਸੇ 'ਚ ਮੌਤ
ਬੁਲੰਦਸ਼ਹਿਰ, 2 ਫ਼ਰਵਰੀ : ਨਵੇਂ ਖੇਤੀ ਕਾਨੂੰਨਾਂ ਦੇ ਵਿਰੋਧ 'ਚ ਚੱਲ ਰਹੇ ਕਿਸਾਨਾਂ ਦੇ ਪ੍ਰਦਰਸ਼ਨ 'ਚ ਡਿਊਟੀ 'ਤੇ ਤਾਇਨਾਤ ਦੋ ਪੁਲਿਸ ਕਰਮੀਆਂ ਦੀ ਮੰਗਲਵਾਰ ਨੂੰ ਇਕ ਤੇਜ਼ ਰਫ਼ਤਾਰ ਟਰੱਕ ਦੀ ਚਪੇਟ 'ਚ ਆਉਣ ਕਾਰਨ ਮੌਤ ਹੋ ਗਈ | ਇਸ ਹਾਦਸੇ 'ਚ ਪੰਜ ਹੋਰ ਜ਼ਖ਼ਮੀ ਹੋ ਗਏ | ਅਧਿਕਾਰੀਆਂ ਨੇ ਦਸਿਆ ਕਿ ਉੱਤਰ ਪ੍ਰਦੇਸ਼ ਦੇ ਬੁਲੰਦਸ਼ਿਹਰ 'ਚ ਮੰਗਲਵਾਰ ਨੂੰ ਇਕ ਦਰਦਨਾਕ ਹਾਦਸਾ ਵਾਪਰਿਆ | ਇਥੇ ਇਕ ਟਰੱਕ ਬੈਰੀਕੇਡ ਤੋੜਦੇ ਹੋਏ ਪ੍ਰਦੇਸ਼ਕ ਆਰਮਡ ਕਾਂਸਟੇਬੁਲੇਰੀ (ਪੀ.ਏ.ਸੀ.) ਜਵਾਨਾਂ 'ਤੇ ਜਾ ਚੜਿ੍ਹਆ | ਦਰਅਸਲ ਇਕ ਟੈਂਕਰ ਅਤੇ ਟਰੱਕ ਦੀ ਟੱਕਰ ਤੋਂ ਬਾਅਦ ਟਰੱਕ ਬੇਕਾਬੂ ਹੋ ਕੇ ਕੈਂਪ 'ਤੇ ਚੜ੍ਹ ਗਿਆ, ਜਿਥੇ ਜਵਾਨ ਬੈਠੇ ਹੋਏ ਸਨ | ਰਾਸ਼ਟਰੀ ਰਾਜਮਾਰਗ-91 'ਤੇ ਹੋਏ ਇਸ ਭਿਆਨਕ ਹਾਦਸੇ 'ਚ 2 ਜਵਾਨਾਂ ਦੀ ਮੌਤ ਹੋ ਗਈ, ਜਦੋਂ ਕਿ 5 ਹੋਰ ਜਵਾਨ ਜ਼ਖ਼ਮੀ ਹੋ ਗਏ | ਜ਼ਖ਼ਮੀਆਂ ਨੂੰ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ ਹੈ | ਸੂਬੇ ਦੇ ਮੁੱਖ ਮੰਤਰੀ ਯੋਗੀ ਆਦਿੱਤਿਯਨਾਥ ਨੇ ਇਸ ਘਟਨਾ 'ਤੇ ਸੋਗ ਜਾਹਰ ਕੀਤਾ ਹੈ | ਕਿਸਾਨ ਅੰਦੋਲਨ ਕਾਰਨ ਇਨ੍ਹਾਂ ਜਵਾਨਾਂ ਦੀ ਡਿਊਟੀ ਹਾਈਵੇਅ 'ਤੇ ਲਗਾਈ ਗਈ ਸੀ | ਜਿਥੇ ਇਨ੍ਹਾਂ ਨੇ ਅਸਥਾਈ ਟੈਂਟ ਲਗਾ ਲਿਆ ਸੀ | ਹਾਦਸਾ ਸਵੇਰੇ ਕਰੀਬ 4 ਵਜੇ ਹੋਇਆ ਅਤੇ ਦੋਵੇਂ ਮਿ੍ਤਕ ਜਵਾਨ ਗਾਜੀਆਬਾਦ ਦੇ ਰਹਿਣ ਵਾਲੇ ਦੱਸੇ ਜਾ
image ਰਹੇ ਹਨ | ਜਿਸ ਸਮੇਂ ਹਾਦਸਾ ਹੋਇਆ, ਉਸ ਸਮੇਂ ਉੱਥੇ ਇਕ ਦਰਜਨ ਜਵਾਨ ਤਾਇਨਾਤ ਸਨ | (ਪੀਟੀਆਈ)
