Accident
ਦਿਹਾੜੀ ਮਜ਼ਦੂਰੀ ਕਰਨ ਜਾ ਔਰਤਾਂ ਹੋਈਆਂ ਹਾਦਸੇ ਦਾ ਸ਼ਿਕਾਰ
ਗੁਰਦਾਸਪੁਰ (ਅਵਤਾਰ ਸਿੰਘ): ਗੁਰਦਾਸਪੁਰ ਦੇ ਕਸਬਾ ਕਲਾਨੋਰ ਦੇ ਪਿੰਡ ਵਡਾਲਾ ਬਾਂਗਰ ਨੇੜੇ 25 ਤੋਂ 30 ਔਰਤਾਂ ਨਾਲ ਭਰਿਆ ਆਟੋ ਹਾਦਸਾਗ੍ਰਸਤ ਹੋ ਗਿਆ। ਜਾਣਕਾਰੀ ਅਨੁਸਾਰ ਇਹ ਆਟੋ ਆਪਣਾ ਸੰਤੁਲਨ ਗੁਆਚਣ ਕਾਰਨ ਪਲਟ ਗਿਆ।
ਹਾਦਸੇ ਕਾਰਨ ਡਰਾਈਵਰ ਸਮੇਤ 20 ਤੋਂ 25 ਸਵਾਰੀਆਂ ਗੰਭੀਰ ਰੂਪ ਵਿੱਚ ਜ਼ਖਮੀ ਹੋ ਗਈਆਂ ਹਨ ਜਿਨ੍ਹਾਂ ਨੂੰ ਇਲਾਜ ਲਈ ਗੁਰਦਾਸਪੁਰ ਦੇ ਸਿਵਲ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ।
ਸਿਵਲ ਹਸਪਤਾਲ ਗੁਰਦਾਸਪੁਰ ਪਹੁੰਚੇ ਜ਼ਖਮੀਆਂ ਅਤੇ ਉਨ੍ਹਾਂ ਦੇ ਰਿਸ਼ਤੇਦਾਰਾਂ ਨੇ ਦੱਸਿਆ ਕਿ ਇਹ ਸਾਰੀਆਂ ਔਰਤਾਂ ਪਿੰਡ ਖੁਸ਼ੀਪੁਰ ਦੀਆਂ ਵਸਨੀਕ ਹਨ ਜੋ ਦਿਹਾੜੀ ਮਜ਼ਦੂਰੀ ਕਰਦੀਆਂ ਹਨ ਅਤੇ ਅੱਜ ਵੀ ਉਹ ਦਿਹਾੜੀ ਕਰਨ ਲਈ ਪਿੰਡ ਪਗੋਵਾਲ ਜਾ ਰਹੀਆ ਸਨ। ਜਦੋਂ ਇਨ੍ਹਾਂ ਸਵਾਰੀਆਂ ਨੂੰ ਲਿਜਾ ਰਿਹਾ ਆਟੋ ਵਡਾਲਾ ਬਾਂਗਰ ਨੇੜੇ ਪਹੁੰਚਿਆ ਤਾਂ ਆਪਣਾ ਸੰਤੁਲਨ ਖੋਹ ਕੇ ਪਲਟ ਗਿਆ ਅਤੇ ਇਹ ਹਾਦਸਾ ਵਾਪਰਿਆ ਹੈ।
