ਲੋਕਾਂ ਨੇ ਕੀਤਾ ਸਖ਼ਤ ਵਿਰੋਧ
ਗੁਰਦਾਸਪੁਰ: ਗੁਰਦਾਸਪੁਰ ਤੋਂ ਸੰਸਦ ਅਤੇ ਅਦਾਕਾਰ ਸੰਨੀ ਦਿਓਲ ਨੇ ਸਕਰੀਨਪਲੇ ਰਾਈਟਰ ਗੁਰਪ੍ਰੀਤ ਸਿੰਘ ਫਲਹੇਰੀ ਨੂੰ ਅਪਣਾ ਪ੍ਰਤੀਨਿਧੀ ਨਿਯੁਕਤ ਕਰ ਕੇ ਨਵੇਂ ਵਿਵਾਦ ਨੂੰ ਜਨਮ ਦੇ ਦਿੱਤਾ ਹੈ। ਮਾਮਲੇ ਦਾ ਵਾਧਾ ਹੁੰਦਾ ਦੇਖ ਸੰਨੀ ਦਿਓਲ ਨੇ ਨਵਾਂ ਬਿਆਨ ਜਾਰੀ ਕਰ ਕੇ ਕਿਹਾ ਕਿ ਇਸ ਮਾਮਲੇ 'ਤੇ ਵਿਵਾਦ ਤੋਂ ਉਹ ਦੁੱਖੀ ਹੈ। ਗੁਰਦਾਸਪੁਰ ਲਈ ਪੂਰੀ ਤਰ੍ਹਾਂ ਤੋਂ ਸਮਰਪਿਤ ਹੈ। ਦਿਓਲ ਦਾ ਕਹਿਣਾ ਹੈ ਕਿ ਇਸ ਨੂੰ ਬੇਕਾਰ ਵਿਚ ਹੀ ਮੁੱਦਾ ਬਣਾਇਆ ਜਾ ਰਿਹਾ ਹੈ।
Sunny Deol's Tweet
ਰਾਜ ਦੇ ਇਕ ਸੀਨੀਅਰ ਭਾਜਪਾ ਆਗੂ ਨੇ ਆਈਏਐਨਐਲ ਨੂੰ ਕਿਹਾ ਪਲਹੇਰੀ ਦੀ ਨਿਯੁਤਕੀ ਸਾਫ਼ ਸੰਕੇਤ ਹੈ ਕਿ ਉਹਨਾਂ ਨੂੰ ਦਿਓਲ ਵੱਲੋਂ ਬੈਠਕ ਦੀ ਪ੍ਰਧਾਨਗੀ ਕਰਨ ਦਾ ਅਧਿਕਾਰ ਦਿੱਤਾ ਗਿਆ ਹੈ ਜਿਸ ਵਿਚ ਕੇਂਦਰ ਸਰਕਾਰ ਵੱਲੋਂ ਸਪਾਂਸਰ ਯੋਜਨਾਵਾਂ ਦੀ ਸਮੀਖਿਆ ਬੈਠਕਾਂ ਵੀ ਸ਼ਾਮਲ ਹਨ।
ਉਹਨਾਂ ਨੇ ਕਿਹਾ ਕਿ ਦਿਓਲ ਨੇ ਇਹ ਸਹੀ ਨਹੀਂ ਕੀਤਾ ਕਿਉਂ ਕਿ ਉਹ ਜਨਤਾ ਲਈ ਜਵਾਬਦੇਹ ਹਨ ਜਿਹਨਾਂ ਨੇ ਵੋਟਾਂ ਦਿੱਤੀਆਂ ਹਨ। ਸੰਨੀ ਦਿਓਲ ਨੇ ਕਿਹਾ ਕਿ ਉਸ ਨੇ ਗੁਰਦਾਸਪੁਰ ਵਿਚ ਅਪਣੇ ਆਫ਼ਿਸ ਲਈ ਨਿਜੀ ਸਹਾਇਕ ਨਿਯੁਕਤ ਕੀਤਾ ਹੈ। ਅਜਿਹਾ ਇਸ ਲਈ ਕੀਤਾ ਗਿਆ ਹੈ ਕਿਉਂ ਕਿ ਜੇ ਉਹ ਸੰਸਦ ਲਈ ਜਾਂ ਹੋਰ ਕੰਮ ਲਈ ਬਾਹਰ ਜਾਂਦਾ ਹੈ ਤਾਂ ਗੁਰਦਾਸਪੁਰ ਵਿਚ ਕੋਈ ਕੰਮ ਨਾ ਰੁਕੇ।
