ਨਿਊਜ਼ੀਲੈਂਡ ਦੇ ਇਕ ਵਕਾਰੀ ਕਾਲਜ ਵਿਚ ਡਿਪਟੀ ਹੈੱਡ ਬੁਆਏ ਬਣੇ ਸਿੱਖ ਨੌਜਵਾਨ ਹਰਜੋਤ ਸਿੰਘ
ਆਕਲੈਂਡ (ਹਰਜਿੰਦਰ ਸਿੰਘ ਬਸਿਆਲਾ): ਨਿਊਜ਼ੀਲੈਂਡ ਦੇ ਵਕਾਰੀ ਸਕੂਲਾਂ-ਕਾਲਜਾਂ ਵਿਚ ਬੱਚਿਆਂ ਲਈ ਦਾਖ਼ਲਾ ਲੈਣਾ ਮਾਪਿਆਂ ਲਈ ਇਕ ਸੁਪਨਾ ਹੁੰਦਾ ਹੈ। ਇਥੇ ਪੜ੍ਹਦੇ ਕੁੱਝ ਬੱਚੇ ਵੀ ਮਾਪਿਆਂ ਦਾ ਸੁਪਨਾ ਪੂਰਾ ਕਰਦਿਆਂ ਇਕ ਦਿਨ ਉਨ੍ਹਾਂ ਦਾ ਸੀਨਾ ਉਦੋਂ ਹੋਰ ਚੌੜਾ ਕਰ ਜਾਂਦੇ ਹਨ ਜਦੋਂ ਉਨ੍ਹਾਂ ਨੂੰ ਪੜ੍ਹਾਈ ਦੇ ਨਾਲ ਕਾਲਜ ਦੀ ਅਗਵਾਈ ਕਰਨ ਲਈ ਵੀ ਚੁਣਿਆ ਜਾਂਦਾ ਹੈ।
Sikh
ਇਥੇ ਦੇ ਸਕੂਲਾਂ ਕਾਲਜਾਂ ਵਿਚ ਹੈੱਡ ਬੁਆਏ ਅਤੇ ਹੈੱਡ ਗਰਲ ਹੁੰਦੇ ਹਨ। ਪਾਕੂਰੰਗਾ ਵਿਖੇ ਸਥਿਤ ਸੇਂਟ ਕੇਂਟੀਗਰਨ ਕਾਲਜ ਦੀ ਚੁਣੀ ਗਈ ਹੈੱਡ ਟੀਮ ਜਿਸ ਵਿਚ ਮੁੰਡੇ ਅਤੇ ਕੁੜੀਆਂ ਸ਼ਾਮਲ ਹਨ, ਵਿਚ ਪਹਿਲੀ ਵਾਰ ਇਕ ਸਿੱਖ ਨੌਜਵਾਨ ਹਰਜੋਤ ਸਿੰਘ ਧਾਰਨੀ ਨੇ ਅਪਣੀ ਥਾਂ ਬਣਾ ਲਈ ਹੈ। ਇਸ ਕਾਲਜ ਵਿਚ ਸ਼ਾਇਦ ਇਹ ਪਹਿਲਾ ਪੰਜਾਬੀ ਅਤੇ ਸਿੱਖ ਨੌਜਵਾਨ ਹੈ ਜਿਸ ਨੂੰ ਡਿਪਟੀ ਹੈੱਡ ਬੁਆਏ ਬਣਾਇਆ ਗਿਆ ਹੈ।
Harjot Singh
ਇਸ ਤੋਂ ਪਹਿਲਾਂ ਵੀ ਉਹ ਨੌਜਵਾਨ ਮਿਸ਼ਨ ਹਾਈਟ ਜੂਨੀਅਰ ਕਾਲਜ ਵਿਚ ਐਗਜੀਕਿਊਟਿਵ ਕੌਂਸਲ ਰਹਿ ਚੁੱਕਾ ਹੈ। ਇਸ ਨੌਜਵਾਨ ਦੇ ਪਿਤਾ ਸ. ਜਸਵਿੰਦਰ ਸਿੰਘ ਮਿੰਟੂ ਹਨ ਜਦਕਿ ਮਾਤਾ ਦਾ ਨਾਂਅ ਅਵਤਾਰ ਕੌਰ ਹੈ। ਇਸ ਪ੍ਰਵਾਰ ਦਾ ਪਿੰਡ ਰਾਮਰਾਏਪੁਰ ਜ਼ਿਲ੍ਹਾ ਨਵਾਂਸ਼ਹਿਰ ਹੈ।
