ਮਲੂਕਾ ਦੀ ਨੂੰਹ ਨੇ ਭਾਜਪਾ ਵਲੋਂ ਬਠਿੰਡਾ ’ਚ ਚੋਣ ਲੜੀ ਸੀ ਅਤੇ ਚੋਣ ਮੁਹਿੰਮ ਦੌਰਾਨ ਮਲੂਕਾ ਘਰ ਬੈਠ ਗਏ ਸਨ ਤੇ ਉਨ੍ਹਾਂ ਪਾਰਟੀ ਲਈ ਵੀ ਚੋਣ ਪ੍ਰਚਾਰ ’ਚ ਹਿੱਸਾ ਨਾ ਲਿਆ।
Sikandar Singh Maluka: ਚੰਡੀਗੜ੍ਹ (ਭੁੱਲਰ) : ਪਾਰਟੀ ਦੀ ਕੋਰ ਕਮੇਟੀ ਮੀਟਿੰਗ ’ਚ ਸ਼ਾਮਲ ਮੈਂਬਰਾਂ ਦਾ ਵਿਸ਼ਵਾਸ ਹਾਸਲ ਕਰਨ ਬਾਅਦ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਨੇ ਫ਼ੈਸਲਾ ਲੈਂਦਿਆਂ ਸੀਨੀਅਰ ਆਗੂ ਸਿਕੰਦਰ ਸਿੰਘ ਮਲੂਕਾ ਨੂੰ ਪਾਰਟੀ ਦੀ ਅਨੁਸਾਸ਼ਨੀ ਕਮੇਟੀ ਦੇ ਮੁਖੀ ਅਹੁਦੇ ਤੋਂ ਵੀ ਹਟਾ ਦਿਤਾ ਹੈ। ਉਨ੍ਹਾਂ ਦੀ ਥਾਂ ਹੁਣ ਸੀਨੀਅਰ ਆਗੂ ਅਤੇ ਬਾਦਲ ਪ੍ਰਵਾਰ ਦੇ ਵਫ਼ਾਦਾਰ ਬਲਵਿੰਦਰ ਸਿੰਘ ਭੂੰਦੜ ਨੂੰ ਨਵੀਂ ਅਨੁਸ਼ਾਸਨੀ ਕਮੇਟੀ ਬਣਾ ਇਸਦਾ ਮੁਖੀ ਬਣਾਇਆ ਹੈ।
ਪਾਰਟੀ ਦੇ ਬੁਲਾਰੇ ਡਾ. ਦਲਜੀਤ ਸਿੰਘ ਚੀਮਾ ਵਲੋਂ ਟਵੀਟ ਰਾਹੀਂ ਸੁਖੀਬਰ ਬਾਦਲ ਵਲੋਂ ਬਣਾਈ ਨਵੀਂ ਕਮੇਟੀ ਦੀ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਇਸ ਵਿਚ ਭੂੰਦੜ ਦੇ ਨਾਲ ਗੁਲਜ਼ਾਰ ਸਿੰਘ ਰਣੀਕੇ ਅਤੇ ਮਹੇਸ਼ਇੰਦਰ ਸਿੰਘ ਗਰੇਵਾਲ ਨੂੰ ਮੈਂਬਰ ਬਣਾਇਆ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਮਲੂਕਾ ਦੀ ਨੂੰਹ ਨੇ ਭਾਜਪਾ ਵਲੋਂ ਬਠਿੰਡਾ ’ਚ ਚੋਣ ਲੜੀ ਸੀ ਅਤੇ ਚੋਣ ਮੁਹਿੰਮ ਦੌਰਾਨ ਮਲੂਕਾ ਘਰ ਬੈਠ ਗਏ ਸਨ ਤੇ ਉਨ੍ਹਾਂ ਪਾਰਟੀ ਲਈ ਵੀ ਚੋਣ ਪ੍ਰਚਾਰ ’ਚ ਹਿੱਸਾ ਨਾ ਲਿਆ।
ਭਾਵੇਂ ਮਲੂਕਾ ਨੂੰ ਰਾਮਪੁਰਾ ਫੂਲ ਹਲਕੇ ਦੇ ਇੰਚਾਰਜ ਅਹੁਦੇ ਤੋਂ ਤਾਂ ਸੁਖਬੀਰ ਬਾਦਲ ਨੇ ਪਹਿਲਾਂ ਹੀ ਹਟਾ ਦਿਤਾ ਸੀ ਪਰ ਹੁਣ ਪਾਰਟੀ ਦੀ ਵੱਡੀ ਹਾਰ ਬਾਅਦ ਮਲੂਕਾ ਵਿਰੁਧ ਅਗਲਾ ਕਦਮ ਚੁਕਿਆ ਹੈ। ਪਤਾ ਲੱਗਾ ਹੈ ਕਿ ਹੁਣ ਨਵੀਂ ਬਣਾਈ ਅਨੁਸ਼ਾਸਨੀ ਕਮੇਟੀ ਚੋਣਾਂ ਸਮੇਂ ਪਾਰਟੀ ਦਾ ਸਾਥ ਨਾ ਦੇਣ ਵਾਲੇ ਆਗੂਆਂ ਦੀਆਂ ਸ਼ਿਕਾਇਤਾਂ ’ਤੇ ਕਾਰਵਾਈ ਤੋਂ ਇਲਾਵਾ ਸੁਖਦੇਵ ਸਿੰਘ ਢੀਂਡਸਾ ਦਾ ਹੀ ਸੱਭ ਤੋਂ ਉਪਰ ਨਾਂ ਹੈ ਅਤੇ ਇਨ੍ਹਾਂ ਵਿਰੁਧ ਅਨੁਸ਼ਾਸਨੀ ਕਾਰਵਾਈ ਸ਼ੁਰੂ ਕਰ ਕੇ ਬਾਹਰ ਦਾ ਰਾਸਤਾ ਦਿਖਾਉਣ ਵਲ ਪਾਰਟੀ ਵਧੇਗੀ। ਇਨ੍ਹਾਂ ਵਿਰੁਧ ਸਬੰਧਤ ਹਲਕਿਆਂ ਦੇ ਕੁੱਝ ਆਗੂਆਂ ਤੋਂ ਪਾਰਟੀ ਪ੍ਰਧਾਨ ਸੁਖੀਬਰ ਨੇ ਪਹਿਲਾਂ ਹੀ ਸ਼ਿਕਾਇਤਾਂ ਪ੍ਰਾਪਤ ਕੀਤੀਆਂ ਹੋਈਆਂ ਸਨ।
ਭੂੰਦੜ ਦੀ ਅਗਵਾਈ ’ਚ ਨਵੀਂ ਤਿੰਨ ਮੈਂਬਰੀ ਕਮੇਟੀ ਗਠਿਤ, ਵਲਟੋਹਾ ਨੂੰ ਵੀ ਨਹੀਂ ਲਿਆ ਨਵੀਂ ਕਮੇਟੀ ’ਚ ਮੈਂਬਰ
