ਕਿਹਾ, ਓ.ਬੀ.ਸੀ. ਅਤੇ ਹੋਰ ਭਾਈਚਾਰਿਆਂ ਵਿਚਕਾਰ ਕੋਈ ਫ਼ਰਕ ਨਹੀਂ ਹੋਣਾ ਚਾਹੀਦਾ
ਜਲਗਾਉਂ (ਮਹਾਰਾਸ਼ਟਰ): ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ (ਐਨ.ਸੀ.ਪੀ.) ਦੇ ਪ੍ਰਧਾਨ ਸ਼ਰਦ ਪਵਾਰ ਨੇ ਮਹਾਰਾਸ਼ਟਰ ’ਚ ਮਰਾਠਾ ਰਾਖਵੇਂਕਰਨ ’ਤੇ ਜਾਰੀ ਚਰਚਾ ਵਿਚਕਾਰ ਮੰਗਲਵਾਰ ਨੂੰ ਮੰਗ ਕੀਤੀ ਕਿ ਕੇਂਦਰ ਸਰਕਾਰ ਰਾਖਵੇਂਕਰਨ ’ਤੇ 50 ਫ਼ੀ ਸਦੀ ਦੀ ਹੱਦ ਨੂੰ ਹਟਾਏ ਅਤੇ ਇਸ ਨੂੰ 15-16 ਫ਼ੀ ਸਦੀ ਤਕ ਵਧਾਏ ਤਾਕਿ ਹੋਰ ਭਾਈਚਾਰਿਆਂ ਨੂੰ ਇਸ ’ਚ ਸ਼ਾਮਲ ਕੀਤਾ ਜਾ ਸਕੇ।
ਮਹਾਰਾਸ਼ਟਰ ’ਚ ਮਰਾਠਾ ਭਾਈਚਾਰਾ ਸਰਕਾਰੀ ਨੌਕਰੀਆਂ ਅਤੇ ਵਿੱਦਿਅਕ ਸੰਸਥਾਨਾਂ ’ਚ ਰਾਖਵੇਂਕਰਨ ਦੀ ਮੰਗ ਨੂੰ ਲੈ ਕੇ ਪ੍ਰਦਰਸ਼ਨ ਕਰ ਰਿਹਾ ਹੈ।
ਪਵਾਰ ਨੇ ਮਰਾਠਿਆਂ ਨੂੰ ਹੋਰ ਪਿਛੜੇ ਵਰਗ (ਓ.ਬੀ.ਸੀ.) ਲਈ ਮੌਜੂਦਾ ਰਾਖਵੇਂਕਰਨ ’ਚ ਹੀ ਥਾਂ ਦੇਣ ਦੀ ਕੁਝ ਆਗੂਆਂ ਦੀ ਮੰਗ ’ਤੇ ਇਕ ਸਵਾਲ ਦੇ ਜਵਾਬ ’ਚ ਕਿਹਾ, ‘‘ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਹੋਰ ਲੋਕਾਂ (ਭਾਈਚਾਰਿਆਂ) ਨੂੰ ਓ.ਬੀ.ਸੀ. ਰਾਖਵੇਂਕਰਨ ਦਾ ਲਾਭਪਾਤਰੀ ਬਣਾਉਣਾ ਓ.ਬੀ.ਸੀ. ਰਾਖਵੇਂਕਰਨ ਦੇ ਗ਼ਰੀਬ ਲੋਕਾਂ ਨਾਲ ਅਨਿਆਂ ਹੈ।’’
ਉਨ੍ਹਾਂ ਕਿਹਾ, ‘‘ਸਾਡੇ ਕੋਲ ਸੰਸਦ ’ਚ ਕੇਂਦਰ ਵਲੋਂ ਰਾਖਵੇਂਕਰਨ ਦੀ ਮੌਜੂਦਾ 50 ਫ਼ੀ ਸਦੀ ਹੱਦ ’ਚ ਸੋਧ ਕੀਤੇ ਜਾਣ ਅਤੇ ਇਸ ਨੂੰ 15-16 ਫ਼ੀ ਸਦੀ ਤਕ ਵਧਾਉਣ ਦਾ ਬਦਲ ਹੈ।’’ ਉਨ੍ਹਾਂ ਕਿਹਾ ਕਿ ਓ.ਬੀ.ਸੀ. ਅਤੇ ਹੋਰ ਭਾਈਚਾਰਿਆਂ ਵਿਚਕਾਰ ਕੋਈ ਫ਼ਰਕ ਨਹੀਂ ਹੋਣਾ ਚਾਹੀਦਾ।
