ਗੁਜਰਾਤ ਦੇ ਕੱਛ ਜਿਲ੍ਹੇ ਵਿਚ ਭਚਾਊ ਦੇ ਕੋਲ ਐਤਵਾਰ ਨੂੰ ਸੜਕ ਹਾਦਸੇ......
ਗੁਜਰਾਤ (ਭਾਸ਼ਾ): ਗੁਜਰਾਤ ਦੇ ਕੱਛ ਜਿਲ੍ਹੇ ਵਿਚ ਭਚਾਊ ਦੇ ਕੋਲ ਐਤਵਾਰ ਨੂੰ ਸੜਕ ਹਾਦਸੇ ਵਿਚ ਇਕ ਹੀ ਪਰਵਾਰ ਦੇ 10 ਮੈਬਰਾਂ ਦੀ ਮੌਤ ਹੋ ਗਈ। ਇਹ ਪਰਵਾਰ ਇਕ ਐਸਿਊਵੀ ਵਿਚ ਸਵਾਰ ਸੀ ਅਤੇ ਉਨ੍ਹਾਂ ਦੀ ਗੱਡੀ ਦੋ ਟਰੱਕਾਂ ਦੇ ਵਿਚ ਆ ਗਈ ਸੀ। ਪੁਲਿਸ ਨੇ ਇਹ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਭਚਾਊ ਰੋਡ ਉਤੇ ਐਤਵਾਰ ਸ਼ਾਮ ਨੂੰ ਇਹ ਹਾਦਸਾ ਹੋਇਆ।
Accident
ਲੂਣ ਨਾਲ ਭਰਿਆ ਟਰੱਕ ਡਿਵਾਇਡਰ ਦੇ ਉਤੇ ਚੜ੍ਹ ਗਿਆ ਅਤੇ ਫਿਰ ਸੜਕ ਦੇ ਦੂਜੇ ਪਾਸੇ ਚਲਿਆ ਗਿਆ, ਜਿਥੇ ਉਹ ਐਸਿਊਵੀ ਨਾਲ ਟਕਰਾ ਗਿਆ। ਐਸਿਊਵੀ ਵਿਚ 11 ਲੋਕ ਸਵਾਰ ਸਨ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਕਿ ਉਸੀ ਸਮੇਂ ਪਿੱਛੇ ਤੋਂ ਆ ਰਹੇ ਇਕ ਹੋਰ ਟਰੱਕ ਨੇ ਵੀ ਐਸਿਊਵੀ ਨੂੰ ਟੱਕਰ ਮਾਰ ਦਿਤੀ, ਜਿਸ ਦੇ ਨਾਲ ਗੱਡੀ ਵਿਚ ਸਵਾਰ 10 ਮੁਸਾਫਰਾਂ ਦੀ ਮੌਤ ਹੋ ਗਈ।
ਇਹ ਸਾਰੇ ਅਪਣੇ ਗ੍ਰਹਿ ਨਗਰ ਪਹੁੰਚ ਰਹੇ ਸਨ ਉਦੋਂ ਰਸਤੇ ਵਿਚ ਭਚਾਊ ਇਹ ਹਾਦਸਾ ਹੋ ਗਿਆ। ਇਕ ਸਰਕਾਰੀ ਇਸ਼ਤਿਹਾਰ ਦੇ ਅਨੁਸਾਰ ਮੁੱਖ ਮੰਤਰੀ ਵਿਜੇ ਰੂਪਾਣੀ ਨੇ ਇਸ ਹਾਦਸੇ ਉਤੇ ਸੋਗ ਜਤਾਇਆ ਅਤੇ ਜਿਲ੍ਹਾ ਪ੍ਰਸ਼ਾਸਨ ਨੂੰ ਪੀੜਿਤਾ ਦੇ ਨਾਲ ਸਾਰੇ ਜਰੂਰੀ ਸਹਿਯੋਗ ਉਪਲੱਬਧ ਕਰਵਾਉਣ ਦਾ ਨਿਰਦੇਸ਼ ਦਿਤਾ।
