MBBS ਕਰ ਰਹੇ ਬੱਚਿਆਂ ਦੀਆਂ ਕਿਤਾਬਾਂ ਪੜ੍ਹ ਕੇ ਕੀਤੀ ਤਿਆਰੀ, ਜੁਆਨਾ ਅਬਦੁੱਲਾ ਡਾਕਟਰ ਘਰਵਾਲੇ ਤੋਂ ਲਈ ਸੇਧ
Mother of 4 children clears NEET exam at the age of 47 Kerala News: ਇਸ ਦੁਨੀਆਂ ਵਿੱਚ, ਹਰ ਕੋਈ ਸਫਲਤਾ ਦੀ ਪੌੜੀ ਚੜ੍ਹਨਾ ਚਾਹੁੰਦਾ ਹੈ, ਪਰ ਉਸ ਪੌੜੀ ਚੜ੍ਹਨ ਲਈ ਲੋੜੀਂਦਾ ਜਨੂੰਨ ਕੁਝ ਕੁ ਲੋਕਾਂ ਕੋਲ ਹੀ ਹੁੰਦਾ ਹੈ ਅਤੇ ਸਿਰਫ਼ ਉਹੀ ਲੋਕ ਇਤਿਹਾਸ ਲਿਖਦੇ ਹਨ ਜਿਨ੍ਹਾਂ ਕੋਲ ਇਹ ਜਨੂੰਨ ਹੁੰਦਾ ਹੈ।
ਕੇਰਲ ਦੀ ਜੁਆਨਾ ਦੀ ਕਹਾਣੀ ਵੀ ਕੁਝ ਇਸੇ ਤਰ੍ਹਾਂ ਦੀ ਹੈ, ਜਿਸਨੇ 47 ਸਾਲ ਦੀ ਉਮਰ ਵਿੱਚ NEET ਪ੍ਰੀਖਿਆ ਪਾਸ ਕਰਕੇ ਧਿਆਨ ਖਿੱਚਿਆ ਹੈ।
ਜੁਆਨਾ ਦੇ ਤਿੰਨੋਂ ਬੱਚੇ ਐਮਬੀਬੀਐਸ ਦੀ ਪੜ੍ਹਾਈ ਕਰ ਰਹੇ ਹਨ, ਜਦੋਂ ਕਿ ਉਸਦਾ ਪਤੀ ਵੀ ਇੱਕ ਡਾਕਟਰ ਹੈ ਅਤੇ ਹੁਣ ਜੁਆਨਾ ਖੁਦ ਡਾਕਟਰ ਬਣ ਕੇ ਆਪਣੇ ਸਵਰਗਵਾਸੀ ਪਿਤਾ ਦੇ ਸੁਪਨੇ ਨੂੰ ਪੂਰਾ ਕਰਨ ਜਾ ਰਹੀ ਹੈ।
ਜੁਆਨਾ ਨੇ ਕਿਹਾ ਕਿ ਆਪਣੇ ਬੱਚਿਆਂ ਅਤੇ ਪਤੀ ਨੂੰ ਦੇਖ ਕੇ, ਮੈਂ ਸੋਚਿਆ, 'ਕਿਉਂ ਨਾ ਮੈਂ ਵੀ ਡਾਕਟਰ ਬਣਾਂ?' ਇਸ ਲਈ ਮੈਂ NEET ਦੀ ਪ੍ਰੀਖਿਆ ਦੇਣ ਦਾ ਫ਼ੈਸਲਾ ਕੀਤਾ। ਜਦੋਂ ਨਤੀਜੇ ਆਏ, ਮੈਂ ਪਾਸ ਹੋ ਚੁੱਕੀ ਸੀ।" ਹੁਣ ਮੈਂ ਸੀਟ ਮਿਲਣ ਦੀ ਉਡੀਕ ਕਰ ਰਹੀ ਹਾਂ ਅਤੇ ਡੈਂਟਲ ਸਰਜਨ ਬਣਨ ਦੇ ਆਪਣੇ ਸੁਪਨੇ ਨੂੰ ਪੂਰਾ ਕਰਨਾ ਚਾਹੁੰਦੀ ਹਾਂ।'' ਜੁਆਨਾ ਅਬਦੁੱਲਾ ਕੇਰਲ ਦੇ ਕਾਸਰਗੋਡ ਦੇ ਕੋਟਾਚੇਰੀ ਤੋਂ ਹੈ।
ਜੁਆਨਾ ਨੇ ਦੱਸਿਆ ਕਿ ਉਸ ਦੇ ਪਤੀ ਅਤੇ ਉਸ ਦੇ ਬੱਚਿਆਂ ਨੇ ਉਸ ਦਾ ਪੂਰਾ ਸਮਰਥਨ ਕੀਤਾ ਅਤੇ ਉਸਨੇ ਯੂਟਿਊਬ ਅਤੇ ਆਪਣੇ ਬੱਚਿਆਂ ਦੇ ਨੋਟਸ ਦੀ ਵਰਤੋਂ ਕਰਕੇ ਤਿਆਰੀ ਕਰਨੀ ਸ਼ੁਰੂ ਕਰ ਦਿੱਤੀ। ਜੁਆਨਾ ਨੇ ਦੱਸਿਆ ਕਿ ਉਸ ਨੇ ਇਹ ਸਭ ਪੈਸਾ ਕਮਾਉਣ ਲਈ ਨਹੀਂ ਹੈ ਸਗੋਂ ਇਹ ਸਾਬਤ ਕਰਨ ਲਈ ਕੀਤਾ ਕਿ ਜੇ ਕੋਈ ਵਿਅਕਤੀ ਚਾਹੇ ਤਾਂ ਉਹ ਕੁਝ ਵੀ ਪ੍ਰਾਪਤ ਕਰ ਸਕਦਾ ਹੈ।
