ਰਿਪੋਰਟ ਮੁਤਾਬਕ ਇਜ਼ਰਾਈਲ ਦੀ ਭਾਰਤ ਬਾਰੇ ਜ਼ਿਆਦਾਤਰ ਸਕਾਰਾਤਮਕ ਰਾਏ ਹੈ, ਜਿੱਥੇ 71 ਫ਼ੀਸਦੀ ਲੋਕਾਂ ਨੇ ਕਿਹਾ ਕਿ ਭਾਰਤ ਬਾਰੇ ਉਨ੍ਹਾਂ ਦੀ ਰਾਏ ਚੰਗੀ ਹੈ।
ਨਵੀਂ ਦਿੱਲੀ - ਅਮਰੀਕਾ ਦੇ Pew Research Center ਦੇ ਨਵੇਂ ਸਰਵੇਖਣ ਵਿਚ ਖ਼ੁਲਾਸਾ ਹੋਇਆ ਹੈ ਕਿ ਕਰੀਬ 80 ਫ਼ੀਸਦੀ ਭਾਰਤੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੋਂ ਖ਼ੁਸ਼ ਹਨ ਅਤੇ ਲਗਭਗ 10 ਵਿਚੋਂ 8 ਭਾਰਤੀ ਮੰਨਦੇ ਹਨ ਕਿ ਉਹਨਾਂ ਦਾ ਦੇਸ਼ ਮੌਜੂਦਾ ਸਮੇਂ ਵਿਚ ਬਹੁਤ ਪ੍ਰਭਾਵਸ਼ਾਲੀ ਬਣਿਆ ਹੈ। ਜੀ-20 ਸੰਮੇਲਨ ਤੋਂ ਪਹਿਲਾਂ ਜਾਰੀ ਕੀਤੀ ਗਈ ਸਰਵੇਖਣ ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਦੁਨੀਆਂ ਭਰ 'ਚ ਭਾਰਤ ਬਾਰੇ ਲੋਕਾਂ ਦੀ ਰਾਏ ਆਮ ਤੌਰ 'ਤੇ ਸਕਾਰਾਤਮਕ ਰਹੀ ਹੈ ਅਤੇ ਔਸਤਨ 46 ਫ਼ੀਸਦੀ ਲੋਕਾਂ ਨੇ ਦੇਸ਼ ਦੇ ਪੱਖ 'ਚ ਰਾਏ ਜ਼ਾਹਰ ਕੀਤੀ ਹੈ, ਜਦਕਿ 34 ਫ਼ੀਸਦੀ ਲੋਕਾਂ ਨੇ ਪ੍ਰਤੀਕੂਲ ਰਾਏ ਰੱਖੀ ਹੈ। 16 ਫ਼ੀਸਦੀ ਲੋਕਾਂ ਨੇ ਬਿਲਕੁਲ ਵੀ ਕੋਈ ਰਾਏ ਨਹੀਂ ਜ਼ਾਹਰ ਕੀਤੀ।
ਰਿਪੋਰਟ ਮੁਤਾਬਕ ਇਜ਼ਰਾਈਲ ਦੀ ਭਾਰਤ ਬਾਰੇ ਜ਼ਿਆਦਾਤਰ ਸਕਾਰਾਤਮਕ ਰਾਏ ਹੈ, ਜਿੱਥੇ 71 ਫ਼ੀਸਦੀ ਲੋਕਾਂ ਨੇ ਕਿਹਾ ਕਿ ਭਾਰਤ ਬਾਰੇ ਉਨ੍ਹਾਂ ਦੀ ਰਾਏ ਚੰਗੀ ਹੈ। ਪੀਯੂ ਦੇ ਅਨੁਸਾਰ, ਇਹ ਸਰਵੇਖਣ 20 ਫਰਵਰੀ ਤੋਂ 22 ਮਈ ਤੱਕ ਕੀਤਾ ਗਿਆ ਸੀ ਜਿਸ ਵਿਚ ਭਾਰਤ ਸਮੇਤ 24 ਦੇਸ਼ਾਂ ਦੇ 30,861 ਬਾਲਗ ਪ੍ਰਤੀਯੋਗੀਆਂ ਨੇ ਹਿੱਸਾ ਲਿਆ ਸੀ। ਇਸ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਬਾਰੇ ਸੰਸਾਰਕ ਰਾਏ ਅਤੇ ਦੂਜੇ ਦੇਸ਼ਾਂ ਬਾਰੇ ਭਾਰਤੀਆਂ ਦੀ ਰਾਏ ਨੂੰ ਪਰਖਿਆ ਗਿਆ।
ਮੰਗਲਵਾਰ ਨੂੰ ਜਾਰੀ ਸਰਵੇਖਣ ਦੇ ਨਤੀਜਿਆਂ ਅਨੁਸਾਰ ਹਰ 10 ਵਿਚੋਂ ਅੱਠ ਭਾਰਤੀਆਂ ਦਾ ਮੋਦੀ ਪ੍ਰਤੀ ਅਨੁਕੂਲ ਨਜ਼ਰੀਆ ਹੈ, ਬਹੁਗਿਣਤੀ (55 ਪ੍ਰਤੀਸ਼ਤ) ਦੇ ਨਾਲ 'ਬਹੁਤ ਅਨੁਕੂਲ' ਨਜ਼ਰੀਆ ਹੈ। ਪ੍ਰਧਾਨ ਮੰਤਰੀ ਵਜੋਂ ਮੋਦੀ ਦਾ ਇਹ ਦੂਜਾ ਕਾਰਜਕਾਲ ਹੈ ਅਤੇ ਉਹ 2024 ਵਿਚ ਵੀ ਸਰਕਾਰ ਬਣਾਉਣ ਦਾ ਭਰੋਸਾ ਪ੍ਰਗਟ ਕਰ ਰਹੇ ਹਨ। ਪੀਯੂ ਸਰਵੇਖਣ ਵਿਚ ਪਾਇਆ ਗਿਆ ਹੈ ਕਿ 2023 ਵਿਚ ਸਿਰਫ਼ 20 ਪ੍ਰਤੀਸ਼ਤ ਭਾਰਤੀਆਂ ਨੇ ਮੋਦੀ ਪ੍ਰਤੀ ਅਣਉਚਿਤ ਰਾਏ ਜ਼ਾਹਰ ਕੀਤੀ ਸੀ।
ਇਸ ਵਿਚ ਕਿਹਾ ਗਿਆ ਹੈ, 'ਭਾਰਤੀ ਬਾਲਗ ਇਹ ਵਿਸ਼ਵਾਸ ਕਰਨ ਦੀ ਜ਼ਿਆਦਾ ਸੰਭਾਵਨਾ ਰੱਖਦੇ ਹਨ ਕਿ ਭਾਰਤ ਦੀ ਸ਼ਕਤੀ ਵਧ ਰਹੀ ਹੈ। ਦਸ ਵਿਚੋਂ ਸੱਤ ਭਾਰਤੀਆਂ ਦਾ ਮੰਨਣਾ ਹੈ ਕਿ ਉਨ੍ਹਾਂ ਦਾ ਦੇਸ਼ ਹਾਲ ਹੀ ਵਿਚ ਵਧੇਰੇ ਪ੍ਰਭਾਵਸ਼ਾਲੀ ਬਣ ਗਿਆ ਹੈ। ਜਦੋਂ ਕਿ 2022 ਵਿਚ 19 ਦੇਸ਼ਾਂ ਵਿਚ ਕੀਤੇ ਗਏ ਪਿਛਲੇ ਸਰਵੇਖਣ ਵਿਚ ਔਸਤਨ ਸਿਰਫ਼ 28 ਪ੍ਰਤੀਸ਼ਤ ਲੋਕਾਂ ਨੇ ਅਜਿਹਾ ਕਿਹਾ ਸੀ।
