ਵਾਰਦਾਤ ਤੋਂ ਬਾਅਦ ਹਰਿਆਦੁਆਰ ਗਿਆ ਸੀ ਸੁਸ਼ੀਲ ਪਹਿਲਵਾਨ
ਨਵੀਂ ਦਿੱਲੀ - ਦਿੱਲੀ ਪੁਲਿਸ ਦੀ ਕ੍ਰਾਈਮ ਬ੍ਰਾਂਚ ਪਹਿਲਵਾਨ ਸੁਸ਼ੀਲ ਕੁਮਾਰ ਨੂੰ ਲੈ ਕੇ ਹਰਿਦੁਆਰ ਪਹੁੰਚੀ ਹੈ। ਸਾਗਰ ਧਨਖੜ ਦੀ ਮੌਤ ਤੋਂ ਬਾਅਦ ਸੁਸ਼ੀਲ ਕੁਮਾਰ ਫਰਾਰ ਹੋ ਗਿਆ ਸੀ, ਜਿਸ ਤੋਂ ਬਾਅਦ ਉਹ ਵੀ ਹਰਿਦੁਆਰ ਵੀ ਗਿਆ ਸੀ। ਇਹੀ ਕਾਰਨ ਹੈ ਕਿ ਪੁਲਿਸ ਉਸ ਨੂੰ ਜਾਂਚ ਲਈ ਹਰਿਦੁਆਰ ਲੈ ਕੇ ਪਹੁੰਚੀ ਹੈ।
ਜਾਣਕਾਰੀ ਅਨੁਸਾਰ ਪੁਲਿਸ ਇੱਥੇ ਸੁਸ਼ੀਲ ਕੁਮਾਰ ਦਾ ਮੋਬਾਈਲ ਵੀ ਬਰਾਮਦ ਕਰਨ ਦੀ ਕੋਸ਼ਿਸ਼ ਕਰੇਗੀ।
ਖ਼ਾਸ ਗੱਲ ਇਹ ਹੈ ਕਿ ਗ੍ਰਿਫਤਾਰੀ ਦੇ ਇੰਨੇ ਦਿਨਾਂ ਬਾਅਦ ਵੀ ਸੁਸ਼ੀਲ ਦਾ ਮੋਬਾਈਲ ਪੁਲਿਸ ਦੇ ਹੱਥ ਨਹੀਂ ਲੱਗਾ ਹੈ। ਇਸ ਮੋਬਾਈਲ ਦੇ ਜ਼ਰੀਏ ਪੁਲਿਸ ਕਈ ਵੱਡੇ ਰਾਜ਼ਾਂ ਤੱਕ ਪਹੁੰਚਣ ਦੀ ਕੋਸ਼ਿਸ਼ ਕਰੇਗੀ ਅਤੇ ਸੁਸ਼ੀਲ ਦੇ ਖਿਲਾਫ ਸਬੂਤ ਇਕੱਠੇ ਕਰੇਗੀ ਤਾਂ ਜੋ ਉਸ ਦਾ ਕੇਸ ਕਿਸੇ ਵੀ ਤਰਾਂ ਕਮਜ਼ੋਰ ਨਾ ਹੋ ਜਾਵੇ।
Sushil Kumar
ਦੱਸ ਦਈਏ ਕਿ ਕ੍ਰਾਈਮ ਬ੍ਰਾਂਚ ਦੀ ਸਭ ਤੋਂ ਵੱਡੀ ਨਾਕਾਮਯਾਬੀ ਇਹ ਹੈ ਕਿ ਉਹ ਅਜੇ ਤੱਕ ਸੁਸ਼ੀਲ ਦੀ ਮੋਬਾਇਲ ਫੋਨ ਬਰਾਮਦ ਨਹੀਂ ਕਰ ਸਕੀ। ਸੁਸ਼ੀਲ ਨੇ ਪੁਲਿਸ ਅਧਿਕਾਰੀਆਂ ਨੂੰ ਦੱਸਿਆ ਕਿ ਉਸ ਨੇ ਵਾਰਦਾਤ ਤੋਂ ਬਾਅਦ ਆਪਣਾ ਫੋਨ ਤੋੜ ਦਿੱਤਾ ਸੀ ਅਤੇ ਸੁੱਟ ਦਿੱਤਾ ਸੀ। ਸੁਸ਼ੀਲ ਪੁਲਿਸ ਨੂੰ ਜ਼ਿਆਦਾ ਜਾਣਕਾਰੀ ਨਹੀਂ ਦੇ ਰਿਹਾ ਹੈ। ਉਹ ਪੁਲਿਸ ਨੂੰ ਜਾਣਕਾਰੀ ਦੇਣ ਵਿਚ ਜ਼ਿਆਦਾ ਸਹਿਯੋਗ ਨਹੀਂ ਪਾ ਰਿਹਾ ਹੈ।
