ਬੀਤੇ ਦਿਨ ਹੀ ਪਟਨਾ ਹਾਈ ਕੋਰਟ ਨੇ ਬਿਹਾਰ ਸਕੂਲ ਪ੍ਰੀਖਿਆ ਕੌਂਸਲ `ਤੇ 5 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਤੁ
ਪਟਨਾ : ਬੀਤੇ ਦਿਨ ਹੀ ਪਟਨਾ ਹਾਈ ਕੋਰਟ ਨੇ ਬਿਹਾਰ ਸਕੂਲ ਪ੍ਰੀਖਿਆ ਕੌਂਸਲ `ਤੇ 5 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਹੈ। ਤੁਹਾਨੂੰ ਦਸ ਦਈਏ ਕਿ ਇਹ ਜੁਰਮਾਨਾ 2017 ਵਿਚ 10ਵੀ ਦੀ ਪ੍ਰੀਖਿਆ ਵਿਚ ਸ਼ਾਮਿਲ ਹੋਈ ਇੱਕ ਵਿਦਿਆਰਥਣ ਦੇ ਮਾਮਲੇ ਵਿਚ ਲਗਾਇਆ ਗਿਆ , ਜਿਸ ਦੀ ਹਿੰਦੀ ਦੀ ਕਾਪੀ ਚੈੱਕ ਕਰਨ ਵਿਚ 2 ਨੰਬਰ ਦੇ ਇੱਕ ਜਵਾਬ ਦੇ ਨੰਬਰ ਅੰਤਿਮ ਰਿਜਲਟ ਵਿਚ ਨਹੀਂ ਜੋੜੇ ਗਏ ਸਨ।
ਦਸਿਆ ਜਾ ਰਿਹਾ ਹੈ ਕਿ ਬਾਅਦ ਵਿਚ ਜਦੋਂ ਕਾਪੀ ਦੁਬਾਰਾ ਚੈੱਕ ਕੀਤੀ ਗਈ ਤਾਂ ਉਹੀ ਵਿਦਿਆਰਥਣ ਸੂਬੇ `ਚੋ ਦੂਸਰੇ ਨੰਬਰ `ਤੇ ਆਉਣ ਵਾਲੀ ਲੜਕੀ ਨਿਕਲੀ। ਨਾਲ ਹੀ ਰਿਜਲਟ ਦੇ ਰਿਵਿਜਨ ਆਉਣ ਦੇ ਬਾਅਦ ਬੇਗੂਸਰਾਏ ਦੀ ਰਹਿਣ ਵਾਲੀ ਭਵਿਆ ਕੁਮਾਰੀ ਨੂੰ ਉਸ ਜਵਾਬ ਦੇ ਬਦਲੇ ਇੱਕ ਅੰਕ ਦਿੱਤਾ ਗਿਆ ਹੈ। ਕਿਹਾ ਜਾ ਰਿਹਾ ਹੈ ਕਿ ਭਵਿਆ ਦੇ ਹੁਣ 500 ਵਿੱਚ 465 ਨੰਬਰ ਹੋ ਗਏ ਹਨ , ਜੋ ਸਾਲ 2017 ਵਿਚ ਟਾਪ ਕਰਨ ਵਾਲੇ ਵਿਦਿਆਰਥੀ ਦੇ ਬਰਾਬਰ ਹੀ ਹਨ।
ਦਸਿਆ ਜਾ ਰਿਹਾ ਹੈ ਕਿ ਜੁਲਾਈ 2017 ਵਿਚ ਰਿਜਲਟ ਜਾਰੀ ਹੋਣ ਦੇ ਬਾਅਦ ਭਵਿਆ ਨੇ ਆਪਣੀ ਕਾਪੀ ਦੁਬਾਰਾ ਚੈੱਕ ਕਰਨ ਲਈ ਕਿਹਾ ਸੀ। ਭਵਿਆ ਨੇ ਆਰਟੀਆਈ ਦੇ ਤਹਿਤ ਹਿੰਦੀ , ਸੋਸ਼ਲ ਸਾਇੰਸ ਅਤੇ ਸੰਸਕ੍ਰਿਤ ਦੀ ਕਾਪੀ ਮੰਗੀ ਸੀ। ਇਸ ਮਾਮਲੇ ਸਬੰਧੀ ਭਵਿਆ ਦੇ ਵਕੀਲ ਨੇ ਦੱਸਿਆ , ਭਵਿਆ ਨੂੰ ਮਾਰਚ 2018 ਵਿਚ ਤਿੰਨਾਂ ਕਾਪੀਆਂ ਦੇ ਡੁਪਲੀਕੇਟ ਉਪਲਬਧ ਕਰਵਾਏ ਗਏ ਸਨ ਜਿਸ ਦੇ ਬਾਅਦ ਉਸ ਨੇ ਹਾਈ ਕੋਰਟ ਦਾ ਰੁਖ਼ ਕੀਤਾ। ਭਵਿਆ ਦਾ ਮੰਨਣਾ ਸੀ ਕਿ ਉਸ ਦੇ ਅੰਕਾਂ `ਚ ਕਮੀ ਹੈ, ਜਿਸ ਦੌਰਾਨ ਉਸ ਨੇ ਹਾਈ ਕੋਰਟ ਦਾ ਦਰਵਾਜ਼ਾ ਖਟਕਖੜਾਇਆ ਹੈ।
ਇਸ ਮਾਮਲੇ ਸਬੰਧੀ ਕੋਰਟ ਨੂੰ ਦੱਸਿਆ ਗਿਆ ਕਿ ਹਿੰਦੀ ਦੀ ਕਾਪੀ ਵਿਚ ਤਿੰਨ ਜਵਾਬ ਅਤੇ ਸੰਸਕ੍ਰਿਤ ਅਤੇ ਸੋਸ਼ਲ ਸਾਇੰਸ ਦੀ ਕਾਪੀ ਵਿਚ ਇਕ - ਇਕ ਜਵਾਬ ਦਾ ਲੇਖਾ ਜੋਖਾ ਹੀ ਨਹੀਂ ਕੀਤਾ ਗਿਆ ਸੀ। ਹਾਲਾਂਕਿ ਵਕੀਲ ਦੇ ਮੁਤਾਬਕ , ਬੋਰਡ ਨੇ ਸਿਰਫ ਇਕ ਹੀ ਜਵਾਬ ਦੇ ਮਾਰਕਸ ਜੋੜਨ ਦੀ ਸਹਿਮਤੀ ਦਿਤੀ ਹੈ। ਨਾਲ ਹੀ ਬੋਰਡ ਦਾ ਕਹਿਣਾ ਹੈ ਕਿ ਜਲਦੀ ਹੀ ਇਹਨਾਂ ਨੰਬਰਾਂ `ਚ ਵਾਧਾ ਕਰ ਦਿੱਤਾ ਜਾਵੇਗਾ।
