'ਰਾਮ ਮੰਦਰ ਨਿਰਮਾਣ ਦੇ ਮੁੱਦੇ ਨੂੰ ਹਵਾ ਦੇ ਕੇ ਜੇਹਾਦੀ ਅਤਿਵਾਦੀਆਂ ਨੂੰ ਭੜਕਾ ਸਕਦੀ ਹੈ ਬੀਜੇਪੀ'...
ਨਵੀਂ ਦਿੱਲੀ : ਭਾਰਤ ਵਿਚ ਲੋਕਸਭਾ ਚੋਣ ਹੋਣ ਵਿਚ ਹੁਣ ਕੁੱਝ ਹੀ ਮਹੀਨੇ ਬਾਕੀ ਹਨ। ਇਹਨਾਂ ਚੋਣਾਂ 'ਤੇ ਪੂਰੀ ਦੁਨੀਆਂ ਦੀ ਨਜ਼ਰ ਹੈ। ਚੋਣ ਨੂੰ ਲੈ ਕੇ ਅਮਰੀਕਾ ਦੀ ਇਕ ਹੈਰਾਨ ਕਰ ਦੇਣ ਵਾਲੀ ਰਿਪੋਰਟ ਸਾਹਮਣੇ ਆਈ ਹੈ ਜੋ ਹਰ ਕਿਸੇ ਨੂੰ ਵੀ ਹੈਰਾਨ ਕਰ ਸਕਦੀ ਹੈ। ਅਮਰੀਕੀ ਸੀਨੇਟ ਨੂੰ ਸੌਂਪੀ ਗਈ ਇਕ ਰਿਪੋਰਟ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਜੇਕਰ ਭਾਰਤੀ ਜਨਤਾ ਪਾਰਟੀ ਚੋਣ ਤੋਂ ਪਹਿਲਾਂ ਹਿੰਦੂ ਰਾਸ਼ਟਰਵਾਦ ਦੇ ਮੁੱਦੇ 'ਤੇ ਜ਼ੋਰ ਦਿੰਦੀ ਹੈ ਤਾਂ ਭਾਰਤ ਵਿਚ ਦੰਗੇ ਹੋਣ ਦਾ ਸ਼ੱਕ ਹੈ।
Senator Daniel Coats
ਇਹ ਰਿਪੋਰਟ ਉਸ ਲੇਖਾ ਜੋਖਾ ਦਾ ਹਿੱਸਾ ਹੈ ਜਿਸ ਵਿਚ ਅਮਰੀਕਾ ਦੀ ਇੰਟੈਲਿਜੈਂਸ ਏਜੰਸੀਆਂ ਦੁਨਿਆਂਭਰ ਵਿਚ ਪੈਦਾ ਹੋਣ ਵਾਲੇ ਖਤਰਿਆਂ ਨੂੰ ਮਿਣਦੀ ਹੈ। ਇਸ ਰਿਪੋਰਟ ਨੂੰ ਅਮਰੀਕੀ ਸੀਨੇਟ ਦੀ ਚੋਣਵੀ ਕਮੇਟੀ ਦੇ ਸਾਹਮਣੇ ਪੇਸ਼ ਕੀਤੀ ਗਈ ਹੈ, ਜਿਸ ਨੂੰ ਡਾਇਰੈਕਟਰ ਆਫ਼ ਨੈਸ਼ਨਲ ਇੰਟੈਲਿਜੈਂਸ ਡੈਨ ਕੋਟਸ ਨੇ ਤਿਆਰ ਕੀਤਾ ਹੈ। ਰਿਪੋਰਟ ਵਿਚ ਲਿਖਿਆ ਗਿਆ ਹੈ ਕਿ ਜੇਕਰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਭਾਰਤੀ ਜਨਤਾ ਪਾਰਟੀ ਹਿੰਦੂ ਰਾਸ਼ਟਰਵਾਦੀ ਮੁੱਦਿਆਂ 'ਤੇ ਅੱਗੇ ਵਧਦੀ ਹੈ ਤਾਂ ਭਾਰਤ ਵਿਚ ਹੋਣ ਵਾਲੇ ਲੋਕ ਸਭਾ ਚੋਣ ਤੋਂ ਪਹਿਲਾਂ ਫ਼ਿਰਕੂ ਹਿੰਸਾ ਦੀਆਂ ਸੰਭਾਵਨਾਵਾਂ ਵੱਧ ਸਕਦੀਆਂ ਹਨ।
PM Modi
ਤੁਹਾਨੂੰ ਦੱਸ ਦਈਏ ਕਿ ਅਮਰੀਕਾ ਵਿਚ ਹਰ ਸਾਲ ਦੀ ਸ਼ੁਰੂਆਤ ਵਿਚ ਉੱਥੇ ਦੀ ਸਾਰੇ ਇੰਟੈਲਿਜੈਂਸ ਏਜੰਸੀਆਂ ਇਕ ਰਿਪੋਰਟ ਜਾਰੀ ਕਰਦੀ ਹੈ, ਜਿਸ ਵਿਚ ਦੁਨਿਆਂਭਰ ਵਿਚ ਹੋਣ ਵਾਲੀਆਂ ਸਾਰੀਆਂ ਘਟਨਾਵਾਂ ਦਾ ਲੇਖਾ ਜੋਖਾ ਕੀਤਾ ਜਾਂਦਾ ਹੈ। ਇਸ ਰਿਪੋਰਟ ਨੂੰ ਤਿਆਰ ਕਰਨ ਵਿਚ ਅਮਰੀਕੀ ਖੁਫੀਆ ਏਜੰਸੀ ਸੀਆਈਏ ਦੀ ਡਾਇਰੈਕਟਰ ਜੀਨਾ ਹਾਸਪੇਲ, ਐਫ਼ਬੀਆਈ ਡਾਇਰੈਕਟਰ ਕ੍ਰਿਸਟੋਫਰ ਨੀ ਅਤੇ ਡੀਆਈਏ ਦੇ ਡਾਇਰੈਕਟਰ ਰਾਬਰਟ ਏਸ਼ਲੇ ਵੀ ਸ਼ਾਮਿਲ ਹਨ।
Violence
ਅਪਣੇ ਲਿਖਤੀ ਬਿਆਨ ਵਿਚ ਡੈਨ ਕੋਟਸ ਨੇ ਕਿਹਾ ਹੈ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਪਹਿਲੇ ਕਾਰਜਕਾਲ ਦੇ ਦੌਰਾਨ ਬੀਜੇਪੀ ਸ਼ਾਸਤ ਰਾਜਾਂ ਵਿਚ ਫ਼ਿਰਕੂ ਹਿੰਸਾ ਤਨਾਅ ਹੋਰ ਵਧ ਗਿਆ ਅਤੇ ਰਾਜਾਂ ਵਿਚ ਕੁੱਝ ਹਿੰਦੂਵਾਦੀ ਨੇਤਾਵਾਂ ਨੇ ਇਸ ਨੂੰ ਹਿੰਦੂ ਰਾਸ਼ਟਰਵਾਦ ਦਾ ਸੰਕੇਤ ਮੰਨ ਕੇ ਅਪਣੇ ਸਮਰਥਕਾਂ ਵਿਚ ਊਰਜਾ ਭਰਨ ਲਈ ਛੋਟੀਆਂ ਮੋਟੀਆਂ ਹਿੰਸਾ ਦਾ ਸਹਾਰਾ ਲਿਆ। ਚੋਣ ਤੋਂ ਪਹਿਲਾਂ ਇਸ ਤਰ੍ਹਾਂ ਦੀ ਹਿੰਸਾ ਭਾਰਤ ਵਿਚ ਇਸਲਾਮੀ ਅਤਿਵਾਦੀ ਸੰਗਠਨਾਂ ਨੂੰ ਬੜਾਵਾ ਦੇਣ ਲਈ ਪ੍ਰੋਤਸਾਹਿਤ ਕਰ ਸਕਦੀ ਹੈ।
Prime Minister Narendra Modi
ਇਸ ਰਿਪੋਰਟ ਵਿਚ ਦਾਅਵਾ ਕੀਤਾ ਹੈ ਕਿ ਚੋਣ ਤੋਂ ਪਹਿਲਾਂ ਭਾਰਤ ਅਤੇ ਪਾਕਿਸਤਾਨ ਦੇ ਸਬੰਧ ਵੀ ਤਨਾਵ ਭਰਿਆ ਹੋ ਸਕਦੇ ਹਨ। ਉਨ੍ਹਾਂ ਨੇ ਰਿਪੋਰਟ ਵਿਚ ਕਿਹਾ ਕਿ ਭਾਰਤ - ਪਾਕਿਸਤਾਨ ਬਾਰਡਰ 'ਤੇ ਲਾਈਨ ਆਫ਼ ਕੰਟਰੋਲ, ਕਰਾਸ ਬਾਰਡਰ ਟੈਰੇਰਿਜ਼ਮ ਵਿਚ ਚੋਣ ਤੱਕ ਵਾਧਾ ਹੋ ਸਕਦਾ ਹੈ ਜੋ ਦੋਨਾਂ 'ਚ ਹੀ ਦੇਸ਼ਾਂ ਵਿਚ ਤਨਾਅ ਨੂੰ ਵਧਾਏਗਾ। ਤੁਹਾਨੂੰ ਦੱਸ ਦਈਏ ਕਿ ਭਾਰਤ ਵਿਚ ਇਸ ਸਾਲ ਅਪ੍ਰੈਲ - ਮਈ ਦੇ ਮਹੀਨੇ ਵਿਚ ਆਮ ਚੋਣ ਹੋ ਸਕਦੇ ਹਨ।
