ਪੈਸੇ ਭੇਜਣ ਦਾ ਸਮਾਂ ਵਧਾ ਕੇ ਸ਼ਾਮ ਦੇ 6 ਵਜੇ ਤੱਕ ਕਰ ਦਿੱਤਾ ਹੈ
ਨਵੀਂ ਦਿੱਲੀ- ਭਾਰਤੀ ਰਿਜ਼ਰਵ ਬੈਂਕ ਨੇ ਆਮ ਆਦਮੀ ਨੂੰ ਰਾਹਤ ਦਿੰਦੇ ਹੋਏ ਆਰਟੀਜੀਐਸ ਦੇ ਜਰੀਏ ਪੈਸੇ ਭੇਜਣ ਦਾ ਸਮਾਂ ਵਧਾ ਕੇ ਸ਼ਾਮ ਦੇ 6 ਵਜੇ ਤੱਕ ਕਰ ਦਿੱਤਾ ਹੈ। ਇਹ ਸਹੂਲਤ 1 ਜੂਨ ਤੋਂ ਸ਼ੁਰੂ ਹੋਵੇਗੀ। ਫਿਲਹਾਲ ਆਰਟੀਜੀਐਸ ਦੇ ਜ਼ਰੀਏ ਸ਼ਾਮ 4 ਵਜੇ ਤੱਕ ਹੀ ਪੈਸੇ ਭੇਜੇ ਜਾ ਸਕਦੇ ਹਨ। ਰੀਅਲ ਟਾਈਮ ਗ੍ਰਾਸ ਸੈਟਲਮੈਂਟ ਵਿਵਸਥਾ ਦੇ ਤਹਿਤ ਪੂੰਜੀ ਨੂੰ ਟ੍ਰਾਂਸਫਰ ਕਰਨ ਦਾ ਕੰਮ ਤੁਰੰਤ ਹੋ ਜਾਂਦਾ ਸੀ। ਆਰਟੀਜੀਐਸ ਦੀ ਵਰਤੋਂ ਮੁੱਖ ਤੌਰ ਤੇ ਵੱਡੀ ਰਾਸ਼ੀ ਟ੍ਰਾਂਸਫਰ ਕਰਨ ਲਈ ਕੀਤੀ ਜਾਂਦੀ ਹੈ।
Reserve Bank of India
ਇਸਦੇ ਤਹਿਤ 2 ਲੱਖ ਦੀ ਰਾਸ਼ੀ ਭੇਜੀ ਜਾ ਸਕਦੀ ਹੈ ਅਤੇ ਇਸ ਤੋਂ ਵੱਧ ਰਾਸ਼ੀ ਭੇਜਣ ਦੀ ਕੋਈ ਸੀਮਾ ਨਹੀਂ ਹੈ। ਆਰਬੀਆਈ ਨੇ ਕਿਹਾ ਕਿ ਉਹਨਾਂ ਨੇ ਗਾਹਕਾਂ ਤੋਂ ਲੈਣ ਦੇਣ ਦਾ ਸਮਾਂ ਸ਼ਾਮ 4 ਵਜੇ ਤੋਂ ਵਧਾ ਕੇ 6 ਵਜੇ ਤੱਕ ਕਰਨ ਦਾ ਫੈਸਲਾ ਕੀਤਾ ਹੈ। ਆਰਟੀਜੀਐਸ ਦੇ ਤਹਿਤ ਇਹ ਸੁਵਿਧਾ ਇਕ ਜੂਨ ਤੋਂ ਮਿਲੇਗੀ। ਆਰਟੀਜੀਐਸ ਤੋਂ ਇਲਾਵਾ ਪੈਸੇ ਇਕ ਖਾਤੇ ਤੋਂ ਦੂਸਰੇ ਖਾਤੇ ਵਿਚ ਭੇਜਣ ਦਾ ਇਕ ਹੋਰ ਮਾਧਿਅਮ ਨੈਸ਼ਨਲ ਇਲੈਕਟ੍ਰਾਨਿਕ ਫੰਡ ਟ੍ਰਾਂਸਫਰ ਹੈ।
