ਮੰਤਰਾਲੇ ਨੇ ਮੌਤ ਦੇ 7 ਨਵੇਂ ਮਾਮਲੇ ਦਰਜ ਕੀਤੇ ਹਨ।
ਨਵੀਂ ਦਿੱਲੀ- ਭਾਰਤ ਵਿਚ ਕੋਰੋਨਾ ਵਾਇਰਸ ਨਾਲ ਪ੍ਰਭਾਵਿਤ ਲੋਕਾਂ ਦੀ ਗਿਣਤੀ 1000 ਤੋਂ ਪਾਰ ਹੋ ਗਈ ਹੈ। ਸਿਹਤ ਮੰਤਰਾਲੇ ਦੇ ਮੁਤਾਬਿਕ ਭਾਰਤ ਵਿਚ ਐਤਵਾਰ ਨੂੰ ਕੋਰੋਨਾ ਵਾਇਰਸ ਨਾਲ ਪ੍ਰਭਾਵਿਤ ਲੋਕਾਂ ਦੀ ਗਿਣਤੀ 979 ਤੱਕ ਪਹੁੰਚ ਗਈ ਸੀ। ਜਦੋਂ ਕਿ ਮਰਨ ਵਾਲੇ ਲੋਕਾਂ ਦੀ ਗਿਣਤੀ 26 ਹੋ ਗਈ ਸੀ। ਮੰਤਰਾਲੇ ਨੇ ਮੌਤ ਦੇ 7 ਨਵੇਂ ਮਾਮਲੇ ਦਰਜ ਕੀਤੇ ਹਨ।
File Photo
ਦਿੱਲੀ, ਗੁਜਰਾਤ, ਕਰਨਾਟਕਾਂ, ਮਹਾਰਾਸ਼ਟਰਾਂ, ਜੰਮੂ ਕਸ਼ਮੀਰ ਅਤੇ ਤੇਲੰਗਨਾ ਵਿਚ ਇਕ-ਇਕ ਦੀ ਮੌਤ ਹੋਈ ਹੈ। ਇਸ ਤਰਾਂ ਦੇਸ਼ ਭਰ ਵਿਚ ਹੁਣ ਤੱਕ ਮਹਾਰਾਸ਼ਟਰਾਂ ਵਿਚ 6, ਗੁਜਰਾਤ ਵਿਚ 4, ਕਰਨਾਟਕ ਵਿਚ 3, ਮੱਧ ਪ੍ਰਦੇਸ਼ ਵਿਚ 2, ਦਿੱਲੀ ਵਿਚ ਵੀ ਦੋ ਦੀ ਮੌਤ ਹੋ ਚੁੱਕੀ ਹੈ। ਸਵੇਰੇ 10 ਵਜੇ ਜਾਰੀ ਕੀਤੇ ਅੰਕੜੇ ਵਿਚ ਮੰਤਰਾਲੇ ਨੇ ਦੱਸਿਆ ਕਿ 867 ਲੋਕ ਸੰਕਰਮਿਤ ਸਨ ਜਦੋਂ ਕਿ 86 ਲੋਕਾਂ ਦਾ ਇਲਾਜ ਕਰ ਦਿੱਤਾ ਗਿਆ ਹੈ ਉਹਨਾਂ ਨੂੰ ਛੁੱਟੀ ਵੀ ਦੇ ਦਿੱਤੀ ਗਈ ਹੈ ਅਤੇ ਉਹ ਦੂਸਰੀ ਜਗਾ ਤੇ ਚਲੇ ਗਏ ਹਨ। ਇਸ ਦੇ ਮੁਤਾਬਿਕ ਦੇਸ਼ ਵਿਚ 48 ਵਿਦੇਸ਼ੀਆਂ ਸਮੇਤ ਕੁੱਲ 979 ਕੋਰੋਨਾ ਵਾਇਰਸ ਸੰਕਰਮਿਤ ਹਨ।
