''ਸਾਡੇ ਸਬਰ ਦਾ ਇਮਤਿਹਾਨ ਨਾ ਲਿਆ ਜਾਵੇ''
ਅੰਮ੍ਰਿਤਸਰ: ( ਗੁਰਪ੍ਰੀਤ ਸਿੰਘ )ਕੇਂਦਰ ਸਰਕਾਰ ਵੱਲੋਂ ਬਣਾਏ ਗਏ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਨੂੰ ਰੱਦ ਕਰਵਾਉਣ ਲਈ ਕਿਸਾਨਾਂ ਨੇ ਖੇਤੀ ਕਾਨੂੰਨਾਂ ਦੇ ਵਿਰੋਧ ਵਿਚ ਦਿੱਲੀ ਬਾਰਡਰ ’ਤੇ ਮੋਰਚਾ ਲਾਇਆ ਹੋਇਆ ਹੈ। ਉਥੇ ਦੂਜੇ ਪਾਸੇ ਅੰਮ੍ਰਿਤਸਰ ਦੇ ਕਿਸਾਨਾਂ ਵੱਲੋ ਰੋਡ ਸ਼ੋਅ ਕੱਢਿਆ ਗਿਆ।
Gurpreet Singh and Rajan Mann
ਇਹ ਰੋਡ ਸ਼ੋਅ ਦਿੱਲੀ ਧਰਨੇ ਵਿਚ ਬੈਠੇ ਲੋਕਾਂ ਨੂੰ ਸਮਰਪਿਤ ਹੈ ਰੋਡ ਸ਼ੋਅ ਵਿਚ ਸ਼ਾਮਲ ਕਿਸਾਨਾਂ ਵੱਲੋਂ ਕਿਹਾ ਗਿਆ ਕਿ ਉਹ ਨਵਾਂ ਸਾਲ ਦਿੱਲੀ ਵਿਖੇ ਕਿਸਾਨਾਂ ਨਾਲ ਮਨਾਉਣਗੇ। ਸਪੋਕਸਮੈਨ ਦੇ ਪੱਤਰਕਾਰ ਵੱਲੋਂ ਅੰਮ੍ਰਿਤਸਰ ਵਿਖੇ ਰੋਡ ਸ਼ੋਅ ਕਰ ਰਹੇ ਰਾਜਨ ਮਾਨ ਕਿਸਾਨ ਨਾਲ ਗੱਲਬਾਤ ਕੀਤੀ ਗਈ ਉਹਨਾਂ ਨੇ ਦੱਸਿਆ ਕਿ ਰੋਡ ਸ਼ੋਅ ਦਿੱਲੀ ਧਰਨੇ ਵਿਚ ਬੈਠੇ ਲੋਕਾਂ ਨੂੰ ਸਮਰਪਿਤ ਹੈ
Road show
ਅਤੇ ਬਾਕੀ ਜੋ ਨਹੀਂ ਗਏ ਦਿੱਲੀ ਉਹਨਾਂ ਨੂੰ ਜਾਗਰੂਕ ਕਰਵਾਉਣਾ ਹੈ ਵੀ ਤੁਸੀਂ ਵੀ ਜਾਓ ਦਿੱਲੀ। ਦੂਜਾ ਉਹਨਾਂ ਨੇ ਰੋਡ ਸ਼ੋਅ ਜ਼ਰੀਏ ਮੋਦੀ ਸਰਕਾਰ ਨੂੰ ਲਲਕਾਰ ਮਾਰੀ ਹੈ ਵੀ ਇਹ ਨਾ ਸਮਝ ਲਈ ਪੰਜਾਬ ਸਾਰਾ ਉਥੇ ਬੈਠਾ ਨਹੀਂ ਪੰਜਾਬ ਤਾਂ ਸਾਡਾ 2% ਦਿੱਲੀ ਬੈਠਾ ਹੈ ਬਾਕੀ ਪੰਜਾਬ ਤਾਂ ਹਜੇ ਤੁਰਿਆ ਹੀ ਨਹੀਂ।
Road show
ਮੋਦੀ ਸਰਕਾਰ ਨੂੰ ਦੱਸਣਾ ਹੈ ਕਿ ਬਾਕੀ ਪੰਜਾਬ ਤਿਆਰ ਬੈਠਾ ਹੈ ਜਦੋਂ ਉਪਰੋਂ ਸੁਨੇਹਾ ਆ ਗਿਆ ਇਹ ਪੰਜਾਬ ਸਾਰਾ ਕੁੱਝ ਛੱਡ ਕੇ ਦਿੱਲੀ ਵੱਲ ਨੂੰ ਰਵਾਨਾ ਹੋ ਜਾਵੇਗਾ। ਉਹਨਾਂ ਕਿਹਾ ਕਿ ਮੋਦੀ ਆਪਣੀ ਮਨ ਕੀ ਬਾਤ ਕਰਦੇ ਰਹਿੰਦੇ ਹਨ ਕਦੇ ਸਾਡੀ ਵੀ ਸੁਣ ਲੈਣ ਪਰ ਹੁਣ ਮੋਦੀ ਨੂੰ ਕਿਸਾਨਾਂ ਦੀ ਸੁਣਨੀ ਪਵੇਗੀ।
Road show
ਅਸੀਂ ਕਾਲੇ ਕਾਨੂੰਨਾਂ ਨੂੰ ਰੱਦ ਕਰਵਾ ਕੇ ਹੀ ਮੁੜਨਾ ਹੈ ਉਹਨਾਂ ਸਮਾਂ ਅਸੀਂ ਇਥੋਂ ਜਾਣ ਵਾਲੇ ਨਹੀਂ ਹਾਂ। ਉਹਨਾਂ ਕਿਹਾ ਕਿ ਸਰਕਾਰ ਸੰਘਰਸ਼ ਨੂੰ ਲੰਮਾ ਖਿੱਚ ਰਹੀ ਹੈ। ਪਹਿਲਾਂ ਮੀਟਿੰਗਾਂ ਦਾ ਸਿਲਸਿਲਾ ਚੱਲਦਾ ਰਿਹਾ ਬਾਅਦ ਵਿਚ ਚਿੱਠੀਆਂ ਦਾ ਸਿਲਸਿਲਾ ਚੱਲਣ ਲੱਗ ਪਿਆ।
photo
ਇਹ ਬਹੁਤ ਹੀ ਦੁੱਖ ਦੀ ਗੱਲ ਹੈ ਕਿ ਪ੍ਰਧਾਨਮੰਤਰੀ ਕੋਲ ਆਪਣੀ ਪਰਜਾ ਦਾ ਹਾਲ ਪੁੱਛਣ ਦਾ ਸਮਾਂ ਨਹੀਂ ਹੈ ਪਰ ਅੰਬਾਨੀ ਦੇ ਪੋਤਾ ਹੁੰਦਾ ਉਧਰ ਵਧਾਈਆਂ ਦੇਣ ਪਹੁੰਚ ਜਾਂਦਾ ਹੈ। ਉਹਨਾਂ ਮੋਦੀ ਨੂੰ ਕਿਹਾ ਕਿ ਸਾਡੇ ਸਬਰ ਦਾ ਇਮਤਿਹਾਨ ਨਾ ਲਿਆ ਜਾਵੇ।
Gurpreet Singh and Rajan Mann
ਅਸੀਂ ਪਿਛਲੇ ਤਿੰਨ ਮਹੀਨਿਆਂ ਤੋ ਸੜਕਾਂ ਤੇ ਬੈਠੇ ਹਾਂ। ਉਹਨਾਂ ਕਿਹਾ ਕਿ ਸਾਨੂੰ ਅੱਤਵਾਦੀ , ਵੱਖਵਾਦੀ, ਨਸਲਵਾਦੀ ਦਾ ਨਾਮ ਦਿੱਤਾ ਜਾ ਰਿਹਾ ਹੈ ਅਸੀਂ ਇਹ ਨਹੀਂ ਹਾਂ ਅਸੀਂ ਕਿਸਾਨ ਹਾਂ। ਰੋਡ ਸ਼ੇਅ ਵਿਚ ਸ਼ਾਮਲ ਬੱਚੇ ਨੇ ਵੀ ਮੋਦੀ ਸਰਕਾਰ ਨੂੰ ਅਪੀਲ ਕੀਤੀ ਕਿ ਕਾਲੇ ਕਾਨੂੰਨ ਰੱਦ ਕਰ ਦੇਵੋ।
