ਆਵਾਜਾਈ ਮਹਿਕਮੇ ਦੇ ਮੰਤਰੀ ਕੈਲਾਸ਼ ਗਹਿਲੋਤ ਦੀ ਪ੍ਰਧਾਨਗੀ ਹੇਠ ਅੱਜ ਹੋਈ ਦਿੱਲੀ ਟਰਾਂਸਪੋਰਟ ਕਾਰਪੋਰੇਸ਼ਨ (ਡੀਟੀਸੀ) ਬੋਰਡ ਦੀ ਮੀਟਿੰਗ ਵਿਚ 500 ਵਾਧੂ ...
ਨਵੀਂ ਦਿੱਲੀ, ਆਵਾਜਾਈ ਮਹਿਕਮੇ ਦੇ ਮੰਤਰੀ ਕੈਲਾਸ਼ ਗਹਿਲੋਤ ਦੀ ਪ੍ਰਧਾਨਗੀ ਹੇਠ ਅੱਜ ਹੋਈ ਦਿੱਲੀ ਟਰਾਂਸਪੋਰਟ ਕਾਰਪੋਰੇਸ਼ਨ (ਡੀਟੀਸੀ) ਬੋਰਡ ਦੀ ਮੀਟਿੰਗ ਵਿਚ 500 ਵਾਧੂ ਲੋਅ ਫਲੋਰ ਬੱਸਾਂ ਦੀ ਖ਼ਰੀਦ ਨੂੰ ਪ੍ਰਵਾਨਗੀ ਦੇਣ, ਡੀਟੀਸੀ ਦੇ ਪੈਨਸ਼ਨਰਾਂ ਨੂੰ ਹੋਰ ਲਾਭ ਦੇਣ ਅਤੇ ਵਿਦਿਆਰਥੀਆਂ ਨੂੰ ਰਿਆਇਤੀ ਬੱਸ ਪਾਸ ਦੇਣ ਦੇ ਫ਼ੈਸਲੇ ਲਏ ਗਏ।
ਡੀਟੀਸੀ ਦੇ ਕਾਰਜਕਾਰੀ ਨਿਰਦੇਸ਼ਕ ਸਣੇ ਹੋਰ ਨਿਰਦੇਸ਼ਕਾਂ ਤੋਂ ਇਲਾਵਾ ਲੈਂਡ ਐਂਡ ਬਿਲਡਿੰਗ ਦੇ ਸਕੱਤਰ, ਟਰਾਂਸਪੋਰਟ ਕਮਿਸ਼ਨਰ ਆਦਿ ਮੀਟਿੰਗ ਵਿਚ ਸ਼ਾਮਲ ਹੋਏ। ਬੋਰਡ ਡੇ ਫ਼ੈਸਲੇ ਮੁਤਾਬਕ ਪੰਜ ਸੋ ਲੋਅ ਫਲੋਰ ਬੱਸਾਂ ਦੀ ਖਰੀਦ ਕੀਤੀ ਜਾਵੇਗੀ ਜਿਨ੍ਹਾਂ ਵਿਚ 20 ਫ਼ੀ ਸਦੀ ਏ ਸੀ ਅਤੇ 80 ਫ਼ੀ ਸਦੀ ਬਿਨਾਂ ਏ ਸੀ ਦੀਆਂ ਬੱਸਾਂ ਸ਼ਾਮਲ ਹਨ।
ਬੋਰਡ ਨੇ ਪੈਨਸ਼ਨਰਾਂ ਦੇ ਦੇ ਲਟਕੇ ਹੋਏ ਮਸਲਿਆਂ ਦਾ ਹੱਲ ਕਰ ਦਿਤਾ ਹੈ ਜਿਸ ਨਾਲ ਪੈਂਸ਼ਨਰਾਂ ਨੂੰ ਵੱਡਾ ਫਾਇਦਾ ਹੋਵੇਗਾ। ਬੋਰਡ ਨੇ 19 ਨਵੰਬਰ 2014 ਤੋਂ ਬਾਅਦ ਹਰ ਪੈਨਸ਼ਨ ਭੋਗੀ ਨੂੰ 300 ਰੁਪਏ ਤੋਂ 500 ਰੁਪਏ ਤੱਕ ਹਰ ਮਹੀਨੇ ਮੈਡੀਕਲ ਭੱਤਾ ਦੇਣ, ਜੁਲਾਈ 2014 ਤੋਂ ਬਾਅਦ ਡੀਏ ਵਿਚ ਵਾਧਾ ਕਰਨ, 7 ਵੇਂ ਪੇ ਕਮਿਸ਼ਨ ਮੁਤਾਬਕ 1 ਜਨਵਰੀ 2016 ਤੋਂ ਹੋਰ ਫਾਇਦੇ ਦੇਣ ਦਾ ਫ਼ੈਸਲਾ ਲਿਆ ਹੈ ਜਿਸ ਨਾਲ ਕੁਲ 16 ਹਜ਼ਾਰ ਤੋਂ ਵੱਧ ਪੈਨਸ਼ਨਰਾਂ /ਪਰਵਾਰਾਂ ਨੂੰ ਫਾਇਦਾ ਹੋਵੇਗਾ।ਦਿੱਲੀ ਦੇ ਮਾਨਤਾ ਪ੍ਰਾਪਤ ਵਿਦਿਅਕ ਇੰਸਟੀਚਿਊਟਾਂ ਦੇ ਵਿਦਿਆਰਥੀਆਂ ਨੂੰ ਰਿਆਇਤੀ ਬੱਸ ਪਾਸ ਦਿਤੇ ਜਾਣ ਦੀ ਸਹੂਲਤ ਵਿਚ ਵਾਧਾ ਕਰ ਦਿਤਾ ਗਿਆ ਹੈ।
