ਹੁਣ ਭਾਜਪਾ ਨੇ ਵੀ ਰਾਹੁਲ ਗਾਂਧੀ ਵਲੋਂ ਨਮੋ ਐਪ 'ਤੇ ਲਗਾਏ ਗਏ ਡੈਟਾ ਸ਼ੇਅਰਿੰਗ ਦੇ ਦੋਸ਼ਾਂ ਦਾ ਜਵਾਬ ਦਿਤਾ ਹੈ। ਭਾਜਪਾ ਦੇ ਆਈਟੀ ਸੈੱਲ ਦੇ ਮੁਖੀ ਅਮਿਤ ਮਾਲਵੀਆ
ਨਵੀਂ ਦਿੱਲੀ : ਹੁਣ ਭਾਜਪਾ ਨੇ ਵੀ ਰਾਹੁਲ ਗਾਂਧੀ ਵਲੋਂ ਨਮੋ ਐਪ 'ਤੇ ਲਗਾਏ ਗਏ ਡੈਟਾ ਸ਼ੇਅਰਿੰਗ ਦੇ ਦੋਸ਼ਾਂ ਦਾ ਜਵਾਬ ਦਿਤਾ ਹੈ। ਭਾਜਪਾ ਦੇ ਆਈਟੀ ਸੈੱਲ ਦੇ ਮੁਖੀ ਅਮਿਤ ਮਾਲਵੀਆ ਨੇ ਦੋਸ਼ ਲਗਾਇਆ ਹੈ ਕਿ ਰਾਹੁਲ ਗਾਂਧੀ ਦੀ ਪਾਰਟੀ ਦਾ ਐਪ ਲੋਕਾਂ ਦੀ ਇਜਾਜ਼ਤ ਤੋਂ ਬਿਨਾ ਉਨ੍ਹਾਂ ਦਾ ਡਾਟਾ ਸਿੰਗਾਪੁਰ ਦੀ ਫ਼ਰਮ ਨਾਲ ਸ਼ੇਅਰ ਕਰ ਰਿਹਾ ਹੈ। ਭਾਜਪਾ ਦੇ ਇਸ ਪਲਟਵਾਰ ਤੋਂ ਬਾਅਦ ਕਾਂਗਰਸ ਨੇ ਪਲੇਅ ਸਟੋਰ ਤੋਂ ਆਪਣਾ ਐਪ ਹਟਾ ਦਿਤਾ ਹੈ।
Congress Deletes Official Mobile Application After BJP Allegation
ਮਾਲਵੀਆ ਨੇ ਆਪਣੇ ਟਵਿੱਟਰ ਹੈਂਡਲ 'ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜਿਸ ਵਿਚ ਉਨ੍ਹਾਂ ਨੇ ਸਾਈਟ ਦਾ ਡਿਸਕਲੇਮਰ ਸ਼ੇਅਰ ਕਰਦੇ ਹੋਏ ਕਾਂਗਰਸ 'ਤੇ ਲੋਕਾਂ ਦਾ ਡੈਟਾ ਥਰਡ ਪਾਰਟੀ ਨਾਲ ਸ਼ੇਅਰ ਦੀ ਗੱਲ ਮੰਨਣ ਨੂੰ ਲੈ ਕੇ ਨਿਸ਼ਾਨਾ ਸਾਧਿਆ ਹੈ। ਉਨ੍ਹਾਂ ਆਖਿਆ ਕਿ ਆਖ਼ਰ ਕਾਂਗਰਸ ਕੀ ਲੁਕਾ ਰਹੀ ਹੈ।
Congress Deletes Official Mobile Application After BJP Allegation
ਉਨ੍ਹਾਂ ਟਵੀਟ ਵਿਚ ਲਿਖਿਆ ਕਿ ਰਾਹੁਲ ਗਾਂਧੀ ਨੇ ਅਪਣੇ ਟਵਿੱਟਰ ਪੇਜ਼ 'ਤੇ ਲਿਖਿਆ #DeleteNaMoApp। ਇਸ ਤੋਂ ਬਾਅਦ ਕਾਂਗਰਸ ਨੇ ਐਪ ਸਟੋਰ ਤੋਂ ਅਪਣਾ ਹੀ ਐਪ ਹਟਾ ਦਿਤਾ। ਉਨ੍ਹਾਂ ਪੁੱਛਿਆ ਕਿ ਆ਼ਖਰ ਕਾਂਗਰਸ ਕੀ ਲੁਕਾ ਰਹੀ ਹੈ। ਮਾਲਵੀ ਨੇ ਅਪਣੇ ਟਵੀਟ ਵਿਚ ਲਿਖਿਆ ''Hi! ਮੇਰਾ ਨਾਂਅ ਰਾਹੁਲ ਗਾਂਧੀ ਹੈ, ਮੈਂ ਦੇਸ਼ ਦੀ ਸਭ ਤੋਂ ਪੁਰਾਣੀ ਰਾਜਨੀਤਕ ਪਾਰਟੀ ਦਾ ਪ੍ਰਧਾਨ ਹਾਂ। ਜਦੋਂ ਸਾਡੇ ਅਧਿਕਾਰਕ ਐਪ ਨੂੰ ਸਾਈਨ ਅਪ ਕਰੋਗੇ ਤਾਂ ਅਸੀਂ ਤੁਹਾਡੇ ਨਾਲ ਜੁੜਿਆ ਪੂਰਾ ਡੈਟਾ ਸਿੰਗਾਪੁਰ ਦੇ ਦੋਸਤਾਂ ਨੂੰ ਦੇ ਦੇਵਾਂਗੇ।''
Congress Deletes Official Mobile Application After BJP Allegation
ਇਕ ਹੋਰ ਟਵੀਟ ਵਿਚ ਉਨ੍ਹਾਂ ਲਿਖਿਆ ਕਿ ਕਾਂਗਰਸ ਨੂੰ ਇਸ ਗੱਲ ਦੇ ਲਈ ਪੂਰੇ ਅੰਕ ਜਿਸ ਵਿਚ ਉਸ ਨੇ ਪਹਿਲਾਂ ਤੋਂ ਕਿਹਾ ਹੈ ਕਿ ਉਹ ਯੂਜ਼ਰ ਦੀ ਇਜਾਜ਼ਤ ਤੋਂ ਬਿਨਾਂ ਉਸ ਦੀ ਜਾਣਕਾਰੀ ਕਿਸੇ ਨੂੰ ਵੀ ਦੇ ਸਕਦੀ ਹੈ, ਚਾਹੇ ਉਹ ਅਣਜਾਣੇ ਵੇਂਜਰਸ ਹੋਣ ਜਾਂ ਵਾਲੰਟੀਅਰਜ਼। ਮਾਲਵੀਆ ਨੇ ਇਕ ਹੋਰ ਟਵੀਟ ਵਿਚ ਦੋਸ਼ ਲਗਾਇਆ ਕਿ 'ਜਦੋਂ ਕਾਂਗਰਸ ਕਹਿੰਦੀ ਹੈ ਕਿ ਉਹ ਅਪਣਾ ਡੈਟਾ ਲਾਈਕ ਮਾਈਂਡਡ ਗਰੁੱਪਸ ਦੇ ਨਾਲ ਸ਼ੇਅਰ ਕਰੇਗੀ ਤਾਂ ਇਸ ਦੇ ਪ੍ਰਭਾਵ ਗੰਭੀਰ ਹੋ ਸਕਦੇ ਹਨ। ਇਨ੍ਹਾਂ ਵਿਚ ਮਾਓਵਾਦੀਆਂ ਦੇ ਇਲਾਵਾ ਪੱਥਰਬਾਜ਼, ਭਾਰਤ ਦੇ ਟੁਕੜੇ ਗੈਂਗ, ਚੀਨੀ ਦੂਤਾਵਾਸ ਤੋਂ ਇਲਾਵਾ ਕੈਂਬ੍ਰਿਜ਼ ਏਨਾਲਿਟਿਕਾ ਵੀ ਹੋ ਸਕਦੇ ਹਨ।'
Congress Deletes Official Mobile Application After BJP Allegation
ਦਸ ਦਈਏ ਕਿ ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਰਾਹੁਲ ਗਾਂਧੀ ਨੇ ਟਵੀਟ ਕਰ ਕੇ ਲਿਖਿਆ ਸੀ ਕਿ ਮੇਰਾ ਨਾਂਅ ਨਰਿੰਦਰ ਮੋਦੀ ਹੈ। ਮੈਂ ਭਾਰਤ ਦਾ ਪ੍ਰਧਾਨ ਮੰਤਰੀ ਹਾਂ। ਜਦੋਂ ਤੁਸੀਂ ਮੇਰੇ ਐਪ ਦੇ ਲਈ ਸਾਈਟ ਅਪ ਕਰੋਗੇ ਤਾਂ ਮੈਂ ਤੁਹਾਡਾ ਸਾਰਾ ਡੈਟਾ ਅਮਰੀਕੀ ਕੰਪਨੀਆਂ ਦੇ ਦੋਸਤਾਂ ਨੂੰ ਦੇਵਾਂਗਾ।
