ਅਗਲੇ ਸਾਲ ਜਨਵਰੀ ਤੋਂ ਦਿੱਲੀ ਦੇ ਸਫਦਰਜੰਗ ਹਸਪਤਾਲ ਦੇ ਯੂਰੋਲਾਜੀ ਵਿਭਾਗ ਵਿਚ ਰੋਬੋਟਿਕ ਟੈਕਨੋਲਾਜੀ ਨਾਲ ਸਰਜਰੀ ਸ਼ੁਰੂ ਕਰ ਦਿਤੀ ਜਾਵੇਗੀ। ਇਸ ਓਟੀ ਵਿਚ ਜ਼ਿਆਦਾ ਤੋਂ ...
ਨਵੀਂ ਦਿੱਲੀ (ਭਾਸ਼ਾ) :- ਅਗਲੇ ਸਾਲ ਜਨਵਰੀ ਤੋਂ ਦਿੱਲੀ ਦੇ ਸਫਦਰਜੰਗ ਹਸਪਤਾਲ ਦੇ ਯੂਰੋਲਾਜੀ ਵਿਭਾਗ ਵਿਚ ਰੋਬੋਟਿਕ ਟੈਕਨੋਲਾਜੀ ਨਾਲ ਸਰਜਰੀ ਸ਼ੁਰੂ ਕਰ ਦਿਤੀ ਜਾਵੇਗੀ। ਇਸ ਓਟੀ ਵਿਚ ਜ਼ਿਆਦਾ ਤੋਂ ਜ਼ਿਆਦਾ ਟਰੀਟਮੈਂਟ ਲਈ ਸ਼ੁਰੂ ਕੀਤਾ ਜਾ ਰਿਹਾ ਹੈ। ਸੂਤਰਾਂ ਦੇ ਅਨੁਸਾਰ ਯੂਰੋਲਾਜੀ ਵਿਭਾਗ ਦੇ ਡਾਕਟਰ ਅਤੇ ਪ੍ਰੋਫੈਸਰ ਅਨੂਪ ਕੁਮਾਰ ਦੇ ਅਨੁਸਾਰ ਫਿਲਹਾਲ ਹਸਪਤਾਲ ਵਿਚ ਇਕ ਦਿਨ ਵਿਚ 2 ਤੋਂ 3 ਸਰਜਰੀ ਹੁੰਦੀਆਂ ਹਨ ਪਰ ਰੋਬੋਟਿਕ ਸਰਜਰੀ ਦੀ ਮਦਦ ਨਾਲ ਅਸੀਂ ਇਕ ਦਿਨ ਵਿਚ 4 ਤੋਂ 5 ਸਰਜਰੀ ਕਰ ਸਕਾਂਗੇ। ਇਸ ਨਾਲ ਪੈਂਡਿੰਗ ਪਏ ਕੇਸ ਦਾ ਬੋਝ ਘੱਟ ਹੋਵੇਗਾ।
Safdarjung Hospital
ਦੱਸ ਦਈਏ ਕਿ ਸਫਦਰਜੰਗ ਹਸਪਤਾਲ ਵਿਚ ਫਿਲਹਾਲ ਯੂਰੋਲਾਜੀ ਸਰਜਰੀ ਲਈ 3ਡੀ ਲੇਪ੍ਰੋਸਕੋਪੀ ਤਕਨੀਕ ਦਾ ਪ੍ਰਯੋਗ ਕੀਤਾ ਜਾਂਦਾ ਹੈ। ਉਥੇ ਹੀ ਕਈ ਕੇਸ ਵਿਚ ਡਾਕਟਰਾਂ ਨੂੰ ਚੀਰਾ ਲਗਾ ਕੇ ਮਰੀਜ਼ ਦੇ ਕਈ ਅੰਗਾਂ ਤੱਕ ਪੁੱਜਣਾ ਹੁੰਦਾ ਹੈ ਜਦੋਂ ਕਿ ਰੋਬੋਟਿਕ ਤਕਨੀਕ ਨਾਲ 3 ਛੇਦਾਂ ਦੀ ਮਦਦ ਨਾਲ ਸਰਜਰੀ ਆਸਾਨ ਹੋ ਜਾਵੇਗੀ।
Doctor
ਜਿੱਥੇ ਇਕ ਛੇਦ ਨਾਲ ਕੈਮਰਾ ਪਾ ਕੇ 3ਡੀ ਵਿਚ ਅੰਦਰ ਦੀ ਤਸਵੀਰ ਵੇਖੀ ਜਾਵੇਗੀ ਉਥੇ ਹੀ ਹੋਰ ਦੋ ਛੇਦਾਂ ਦੀ ਮਦਦ ਨਾਲ ਡਾਕਟਰ ਰੋਬੋਟਿਕਰ ਆਰਮ ਦੀ ਮਦਦ ਨਾਲ ਸਰਜਰੀ ਕਰਣਗੇ। ਡਾਕਟਰ ਅਨੂਪ ਕੁਮਾਰ ਨੇ ਕਿਹਾ ਕਿ ਰੋਬੋਟਿਕ ਸਰਜਰੀ ਦੀ ਮਦਦ ਨਾਲ ਘੱਟ ਸਮੇਂ ਵਿਚ ਸਰਜਰੀ ਪੂਰੀ ਕੀਤੀ ਜਾ ਸਕੇਗੀ ਅਤੇ ਗੜਬੜੀ ਦਾ ਚਾਂਸ ਵੀ ਘੱਟ ਹੋਵੇਗਾ। ਉਨ੍ਹਾਂ ਨੇ ਇਹ ਵੀ ਦਾਅਵਾ ਕੀਤਾ ਕਿ ਸਫਦਰਜੰਗ ਰੋਬੋਟਿਕ ਤਕਨੀਕ ਯੂਜ ਕਰਨ ਵਾਲਾ ਪਹਿਲਾ ਸਰਕਾਰੀ ਹਸਪਤਾਲ ਹੋਵੇਗਾ।
