Vikramaditya Singh
ਦਿੱਲੀ ਦੀ ਅਦਾਲਤ ਨੇ ਹਿਮਾਚਲ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਵੀਰਭਦਰ ਸਿੰਘ ਦੇ ਬੇਟੇ ਵਿਕਰਮਾਦਿਤਯ ਅਤੇ ਹੋਰਾਂ ਨੂੰ ਕਾਲੇ ਧਨ ਦੇ ਮਾਮਲੇ ਵਿਚ 27 ਅਗੱਸਤ............
ਨਵੀਂ ਦਿੱਲੀ : ਦਿੱਲੀ ਦੀ ਅਦਾਲਤ ਨੇ ਹਿਮਾਚਲ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਵੀਰਭਦਰ ਸਿੰਘ ਦੇ ਬੇਟੇ ਵਿਕਰਮਾਦਿਤਯ ਅਤੇ ਹੋਰਾਂ ਨੂੰ ਕਾਲੇ ਧਨ ਦੇ ਮਾਮਲੇ ਵਿਚ 27 ਅਗੱਸਤ ਤਕ ਪੇਸ਼ ਹੋਣ ਲਈ ਸੰਮਨ ਭੇਜਿਆ ਹੈ। ਵਿਸ਼ੇਸ਼ ਜੱਜ ਅਰਵਿੰਦ ਕੁਮਾਰ ਨੇ ਕਾਲੇ ਧਨ ਦੇ ਮਾਮਲੇ ਵਿਚ ਵਿਕਰਮਾਦਿਤਯ ਵਿਰੁਧ 21 ਜੁਲਾਈ ਨੂੰ ਈਡੀ ਦੁਆਰਾ ਦਾਖ਼ਲ ਦੋਸ਼ਪੱਤਰ 'ਤੇ ਵਿਚਾਰ ਕੀਤਾ। ਇਸ ਮਾਮਲੇ ਵਿਚ ਵੀਰਭਦਰ ਸਿੰਘ ਵੀ ਸ਼ਾਮਲ ਹਨ।
ਇਨ੍ਹਾਂ ਤੋਂ ਇਲਾਵਾ ਤਾਰਾਨੀ ਇਨਫ਼ਰਾਸਟਰਕਚਰ ਦੇ ਪ੍ਰਬੰਧਕੀ ਨਿਰਦੇਸ਼ਕ ਵਾਕਮੁੱਲਾ ਚੰਦਰਸ਼ੇਖ਼ਰ ਅਤੇ ਰਾਮ ਪ੍ਰਕਾਸ਼ ਭਾਟੀਆ ਨਾਮ ਦਾ ਵਿਅਕਤੀ ਵੀ ਨਾਮਜ਼ਦ ਹੈ।
ਈਡੀ ਨੇ 83 ਸਾਲਾ ਵੀਰਭਦਰ ਸਿੰਘ ਅਤੇ ਉਨ੍ਹਾਂ ਦੀ ਪਤਨੀ 62 ਸਾਲਾ ਪ੍ਰਤਿਭਾ ਸਿੰਘ ਤੋਂ ਇਲਾਵਾ ਯੂਨੀਵਰਸਲ ਐਸੋਸੀਏਟ ਦੇ ਮਾਲਕ ਚੁੰਨੀ ਲਾਲ ਚੌਹਾਨ, ਐਲਆਈਸੀ ਏਜੰਟ ਆਨੰਦ ਚੌਹਾਨ ਸਮੇਤ ਹੋ ਹੋਰਾਂ ਨੂੰ ਮੁਲਜ਼ਮ ਬਣਾਇਆ ਹੈ। (ਏਜੰਸੀ)
