ਕੌਣ ਬਣੇਗਾ ਕਰੋੜਪਤੀ ਟੀਵੀ ਸ਼ੋਅ ਪੂਰੀ ਦੁਨੀਆ 'ਚ ਹਰਮਨ ਪਿਆਰਾ ਹੈ ਅਤੇ ਇਸਦੇ ਜ਼ਰੀਏ ਕਈ ਗਰੀਬਾਂ ਨੇ ਵੀ ਆਪਣੀ ਕਿਸਮਤ..
ਨਵੀਂ ਦਿੱਲੀ : ਕੌਣ ਬਣੇਗਾ ਕਰੋੜਪਤੀ ਟੀਵੀ ਸ਼ੋਅ ਪੂਰੀ ਦੁਨੀਆ 'ਚ ਹਰਮਨ ਪਿਆਰਾ ਹੈ ਅਤੇ ਇਸਦੇ ਜ਼ਰੀਏ ਕਈ ਗਰੀਬਾਂ ਨੇ ਵੀ ਆਪਣੀ ਕਿਸਮਤ ਬਦਲੀ ਹੈ ਪਰ ਕੀ ਤੁਹਾਨੂੰ ਪਤਾ ਹੈ ਭਾਰਤ ਦੇ ਖਿਲਾਫ਼ ਨਵੀਆਂ - ਨਵੀਆਂ ਸਾਜਿਸ਼ਾਂ 'ਚ ਜੁਟਿਆ ਪਾਕਿਸਤਾਨ ਹੁਣ ਇਸ ਸ਼ੋਅ ਨੂੰ ਆਪਣਾ ਹਥਿਆਰ ਬਣਾ ਕੇ ਭਾਰਤੀ ਸੁਰੱਖਿਆ ਏਜੰਸੀਆਂ ਨਾਲ ਜੁੜੇ ਲੋਕਾਂ ਨੂੰ ਨਿਸ਼ਾਨਾ ਬਣਾ ਰਿਹਾ ਹੈ। ਇਸ ਗੱਲ ਦਾ ਖੁਲਾਸਾ ਰੱਖਿਆ ਮੰਤਰਾਲੇ ਨੇ ਕੀਤਾ ਹੈ।
Pakistan cabal social media
ਧਾਰਾ 370 ਹਟਾਉਣ 'ਤੇ ਹਰ ਅੰਤਰਰਾਸ਼ਟਰੀ ਰੰਗ ਮੰਚ 'ਤੇ ਭਾਰਤ ਦੇ ਹੱਥਾਂ ਮੂੰਹ ਦੀ ਖਾਣ ਤੋਂ ਬਾਅਦ ਗੁਆਂਢੀ ਪਾਕਿਸਤਾਨ ਸਾਡੇ ਦੇਸ਼ ਦੇ ਖਿਲਾਫ਼ ਹਰ ਦਿਨ ਨਵੀਂ ਸਾਜਿਸ਼ ਅਤੇ ਹਥਕੰਡਿਆਂ ਨੂੰ ਅਪਨਾਉਣ 'ਚ ਜੁਟਿਆ ਹੋਇਆ ਹੈ। ਰੱਖਿਆ ਮੰਤਰਾਲੇ ਮੁਤਾਬਕ ਪਾਕਿਸਤਾਨ ਆਧਾਰਿਤ ਸੋਸ਼ਲ ਮੀਡਿਆ ਹੈਂਡਲ ਦੇ ਜ਼ਰੀਏ ਅਮਿਤਾਭ ਬੱਚਨ ਦੇ ਨਾਂ 'ਤੇ ਕੌਣ ਬਣੇਗਾ ਕਰੋੜਪਤੀ ਟੀਮ ਦੇ ਰੂਪ 'ਚ ਆਪਣੇ ਆਪ ਨੂੰ ਪ੍ਰਚਾਰਿਤ ਕਰ ਭਾਰਤ 'ਚ ਗਲਤ ਸੂਚਨਾਵਾਂ ਦਾ ਪ੍ਰਸਾਰ ਕਰ ਰਹੇ ਹਨ।
Pakistan cabal social media
ਇਸ ਮਾਮਲੇ 'ਚ ਰੱਖਿਆ ਮੰਤਰਾਲਾ ਨੇ ਇੱਕ ਦਿਸ਼ਾ - ਨਿਰਦੇਸ਼ ਜਾਰੀ ਕੀਤਾ ਹੈ ਜਿਸ 'ਚ ਦੱਸਿਆ ਗਿਆ ਹੈ ਕਿ ਪਾਕਿਸਤਾਨ ਦਾ ਸਾਇਬਰ ਸੈੱਲ ਟੀਵੀ ਸ਼ੋਅ 'ਕੌਣ ਬਣੇਗਾ ਕਰੋੜਪਤੀ' ਦੀ ਲੋਕਪ੍ਰਿਅਤਾ ਦਾ ਮੁਨਾਫ਼ਾ ਚੁੱਕਦੇ ਹੋਏ ਲੋਕਾਂ ਨੂੰ ਵੱਟਸਐਪ ਗਰੁੱਪ 'ਚ ਸ਼ਾਮਿਲ ਕਰ ਰਹੇ ਹਨ ਅਤੇ ਨਕਲੀ ਕੇਬੀਸੀ ਮੈਸਜ਼ ਭੇਜ ਕੇ ਲੋਕਾਂ ਨੂੰ ਫਸਾ ਰਹੇ ਹਨ।
Pakistan cabal social media
ਰੱਖਿਆ ਮੰਤਰਾਲੇ ਦੇ ਦਿਸ਼ਾ - ਨਿਰਦੇਸ਼ 'ਚ ਦੋ ਪਾਕਿਸਤਾਨ - ਆਧਾਰਿਤ ਨੰਬਰਾਂ ਦਾ ਖੁਲਾਸਾ ਕੀਤਾ ਹੈ, ਜੋ ਵੱਟਸਐਪ ਗਰੁਪਾਂ ਦੇ ਐਡਮਿਨ ਸਨ। ਜਿਨ੍ਹਾਂ ਦੇ ਮਾਧਿਅਮ ਨਾਲ ਉਹ ਭਾਰਤ 'ਚ ਲੋਕਾਂ ਨੂੰ ਫਸਾਉਣ ਦੀ ਕੋਸ਼ਿਸ਼ ਕਰ ਰਹੇ ਸਨ। ਮੰਤਰਾਲੇ ਨੇ ਲੋਕਾਂ ਨੂੰ ਇਨ੍ਹਾਂ ਗਰੁੱਪਾਂ ਤੋਂ ਬਾਹਰ ਨਿਕਲਣ ਦੀ ਸਲਾਹ ਦਿੱਤੀ ਹੈ ਤੇ ਕਿਹਾ ਅਜਿਹੇ ਨੰਬਰਾਂ ਨੂੰ ਬਲਾਕ ਕਰਨਾ ਚਾਹੀਦਾ ਹੈ।
Whatsapp
ਪਾਕਿਸਤਾਨੀ ਖੂਫੀਆ ਏਜੰਸੀਆਂ ਅਤੇ ਫਰਜੀ ਸੋਸ਼ਲ ਮੀਡੀਆ ਹੈਂਡਲਸ ਸਰਗਰਮ ਰੂਪ ਰਾਹੀਂ ਅਫ਼ਵਾਹਾਂ ਫੈਲਾ ਰਹੀਆਂ ਹਨ ਅਤੇ ਕੇਂਦਰ ਸਰਕਾਰ ਦੁਆਰਾ ਧਾਰਾ 370 ਨੂੰ ਹਟਾਏ ਜਾਣ ਤੋਂ ਬਾਅਦ ਭਾਰਤੀ ਰੱਖਿਆ ਬਲਾਂ ਨੂੰ ਨਿਸ਼ਾਨਾ ਬਣਾ ਰਹੀ ਹਨ, ਜਿਸਦੇ ਨਾਲ ਜੰਮੂ - ਕਸ਼ਮੀਰ ਦੀ ਹਾਲਤ ਵਿਗੜ ਸਕਦੀ ਹੈ।ਸਾਇਬਰ ਸੈੱਲ ਨੇ ਸੋਸ਼ਲ ਮੀਡੀਆ 'ਤੇ ਸੇਵਾਰਤ ਅਤੇ ਸੇਵਾਮੁਕਤ ਅਧਿਕਾਰੀਆਂ ਸਹਿਤ ਫੌਜੀ ਅਧਿਕਾਰੀਆਂ ਦੇ 200 ਤੋਂ ਜਿਆਦਾ ਨਕਲੀ ਹੈਂਡਲ ਪਾਏ ਸਨ, ਜਿਸਦੇ ਜ਼ਰੀਏ ਕਸ਼ਮੀਰ ਮੁੱਦੇ 'ਤੇ ਪਾਕਿਸਤਾਨੀ ਟਵੀਟ ਅਤੇ ਮੈਸੇਜ਼ ਫੈਲਾ ਰਹੇ ਸਨ। ਇਸ ਤੋਂ ਬਾਅਦ ਏਜੰਸੀਆਂ ਨੇ ਟਵਿਟਰ ਨਾਲ ਸੰਪਰਕ ਕੀਤਾ ਅਤੇ ਵੱਡੀ ਗਿਣਤੀ ਵਿੱਚ ਅਜਿਹੇ ਨਕਲੀ ਹੈਂਡਲਸ ਨੂੰ ਬੰਦ ਕਰਾ ਦਿੱਤਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ
