ਚੋਣ ਕਮਿਸ਼ਨ ਦੇ ਅਧਿਕਾਰੀ ਜਾਂਚ ਕਰਨਗੇ ਕਿ ਆਖ਼ਰ ਈਵੀਐਮ ਅਤੇ ਵੀਵੀਪੀਏਟੀ 'ਚ ਇੰਨਾ ਅੰਤਰ ਕਿਉਂ ਆਇਆ?
ਨਵੀਂ ਦਿੱਲੀ : 2019 ਲੋਕ ਸਭਾ ਚੋਣਾਂ ਦੌਰਾਨ ਵਿਰੋਧੀ ਪਾਰਟੀਆਂ ਨੇ ਈਵੀਐਮ ਨੂੰ ਲੈ ਕੇ ਖੂਬ ਸ਼ੋਰ-ਸ਼ਰਾਬਾ ਕੀਤਾ ਸੀ। ਇਨ੍ਹਾਂ ਚੋਣਾਂ 'ਚ ਸਾਹਮਣੇ ਆਏ 8 ਮਾਮਲਿਆਂ 'ਚ ਵੀਵੀਪੈਟ ਅਤੇ ਈਵੀਐਮ ਦੀ ਗਿਣਤੀ 'ਚ ਸੱਭ ਤੋਂ ਵੱਡਾ ਫ਼ਰਕ ਮੇਘਾਲਿਆ ਦੇ ਸ਼ਿਲਾਂਗ ਸੰਸਦੀ ਖੇਤਰ 'ਚ ਹੋਇਆ। ਇਥੇ ਇਕ ਵੋਟਿੰਗ ਕੇਂਦਰ 'ਤੇ ਸੱਭ ਤੋਂ ਵੱਧ 34 ਵੀਵੀਪੈਟ ਪਰਚੀਆਂ ਅਤੇ ਈਵੀਐਮ ਤੋਂ ਮਿਲਾਨ 'ਚ ਅੰਤਰ ਨਿਕਲਿਆ। ਕਿਸੇ ਵੀ ਬੂਥ 'ਤੇ 34 ਦੀ ਗਿਣਤੀ ਸੱਭ ਤੋਂ ਵੱਧ ਹੈ।
EVM-VVPAT Mahine
ਆਂਧਰਾ ਪ੍ਰਦੇਸ਼ ਦੇ ਰਾਜਮਪੇਟ ਵੋਟਿੰਗ ਕੇਂਦਰ 'ਤੇ ਈਵੀਐਮ ਅਤੇ ਵੀਵੀਪੈਟ 'ਚ 7 ਦਾ ਮਿਲਾਨ ਨਹੀਂ ਹੋਇਆ ਹੈ। ਸ਼ਿਮਲਾ 'ਚ ਇਕ ਵੋਟਿੰਗ ਕੇਂਦਰ 'ਤੇ ਇਕ ਵੋਟ 'ਚ ਈਵੀਐਮ ਅਤੇ ਵੀਵੀਪੈਟ ਦਾ ਮਿਲਾਨ ਵੱਖ ਪਾਇਆ ਗਿਆ। ਰਾਜਸਥਾਨ 'ਚ ਚਿਤੌੜਗੜ੍ਹ ਅਤੇ ਪਾਲੀ ਚੋਣ ਖੇਤਰਾਂ 'ਚ ਇਕ-ਇਕ ਵੋਟਿੰਗ ਕੇਂਦਰ 'ਤੇ ਇਕ ਵੋਟ 'ਚ ਈਵੀਐਮ-ਵੀਵੀਪੈਟ ਦੀ ਗਿਣਤੀ 'ਤੇ ਫ਼ਰਕ ਹੈ। ਮਣੀਪੁਰ 'ਚ ਈਵੀਐਮ ਅਤੇ ਵੀਵੀਪੈਟ ਦੇ ਅੰਤਰ ਦੇ ਦੋ ਮਾਮਲੇ ਸਾਹਮਣੇ ਆਏ। ਇਥੇ ਇਕ ਵੋਟਿੰਗ ਕੇਂਦਰ 'ਤੇ 1 ਅਤੇ ਦੂਜੇ ਵੋਟਿੰਗ ਕੇਂਦਰ 'ਤੇ 2 ਵੋਟਾਂ 'ਚ ਅੰਤਰ ਪਾਇਆ ਗਿਆ ਹੈ।
EVM
ਚੋਣ ਕਮਿਸ਼ਨ ਦੇ ਅਧਿਕਾਰੀ ਇਨ੍ਹਾਂ ਸਾਰੇ ਮਾਮਲਿਆਂ ਦੀ ਜਾਂਚ ਕਰਨਗੇ ਕਿ ਆਖ਼ਰ ਈਵੀਐਮ ਅਤੇ ਵੀਵੀਪੀਏਟੀ 'ਚ ਇੰਨਾ ਅੰਤਰ ਕਿਉਂ ਆਇਆ। ਹਾਲਾਂਕਿ ਇਹ ਅਧਿਕਾਰੀ ਇਨ੍ਹਾਂ ਈਵੀਐਮ ਅਤੇ ਵੀਵੀਪੀਏਟੀ ਤਕ ਨਹੀਂ ਪੁੱਜੇ ਹਨ। ਸੂਬਿਆਂ ਦੇ ਮੁੱਖ ਚੋਣ ਅਧਿਕਾਰੀ ਹਾਈ ਕੋਰਟ 'ਚ ਦਾਖ਼ਲ ਚੋਣ ਪਟੀਸ਼ਨਾਂ ਲਈ ਸੂਚਨਾਵਾਂ ਇਕੱਤਰ ਕਰ ਰਹੇ ਹਨ।
EVM-VVPAT
ਚੋਣ ਕਮਿਸ਼ਨ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਜਿੱਥੇ ਤਕ ਸਾਡੀ ਜਾਣਕਾਰੀ ਹੈ, ਹਾਲੇ ਤਕ ਚੋਣਾਂ ਦੇ ਨਤੀਜਿਆਂ ਨੂੰ ਚੁਣੌਤੀ ਦੇਣ ਸਬੰਧੀ ਕੋਈ ਪਟੀਸ਼ਨ ਦਾਇਰ ਨਹੀਂ ਹੋਈ ਹੈ। ਈਵੀਐਮ ਅਤੇ ਵੀਵੀਪੀਏਟੀ ਮਿਲਾਨ ਨਾ ਹੋਣ ਦੇ 8 ਮਾਮਲੇ ਸਾਹਮਣੇ ਆਏ ਹਨ। ਅਜਿਹੇ 'ਚ ਛੇਤੀ ਹੀ ਈਵੀਐਮ ਅਤੇ ਵੀਵੀਪੀਏਟੀ ਦਾ ਮਿਲਾਨ ਨਾ ਹੋਣ ਦੀ ਜਾਂਚ ਕਰਾਂਗੇ।
Election Commission of India
ਚੋਣ ਕਮਿਸ਼ਨ ਦੇ ਸ਼ੁਰੂਆਤੀ ਅੰਕੜੇ ਮੁਤਾਬਕ ਕੁਲ 20,678 ਈਵੀਐਮ ਅਤੇ ਵੀਵੀਪੀਏਟੀ ਪਰਚੀਆਂ ਦੀ ਜਾਂਚ ਕੀਤੀ ਗਈ। ਇਸ 'ਚ ਲਗਭਗ 0.0004% ਈਵੀਐਮ ਅਤੇ ਵੀਵੀਪੀਏਟੀ 'ਚ ਅੰਤਰ ਸਾਹਮਣੇ ਆਇਆ ਹੈ। ਚੋਣ ਕਮਿਸ਼ਨ ਦਾ ਕਹਿਣਾ ਹੈ ਕਿ ਇਹ ਕਿਸੇ ਮਨੁੱਖੀ ਗਲਤੀ ਕਾਰਨ ਹੋਇਆ ਹੋ ਸਕਦਾ ਹੈ।
