ਬੰਬ ਧਮਾਕਿਆਂ ਵਿਚ 300 ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ
ਕੋਲੰਬੋ- ਸ਼੍ਰੀਲੰਕਾ ਵਿਚ ਗਿਰਜਾਘਰ ਉੱਤੇ ਆਤਮਘਾਤੀ ਬੰਬ ਹਮਲੇ ਨੂੰ ਅੰਜਾਮ ਦੇਣ ਵਾਲੇ ਹਮਲਾਵਰ ਦਾ ਹਮਲੇ ਤੋਂ ਕੁੱਝ ਸੈਕਿੰਡ ਪਹਿਲਾਂ ਦਾ ਵੀਡੀਓ ਸਾਹਮਣੇ ਆਇਆ ਹੈ, ਜਿਸ ਵਿਚ ਉਹ ਭੀੜਭਾੜ ਵਾਲੇ ਗਿਰਜਾਘਰ ਵਿਚ ਆਉਣ ਤੋਂ ਪਹਿਲਾਂ ਇੱਕ ਬੱਚੀ ਦੇ ਸਿਰ ਉੱਤੇ ਹੱਥ ਰੱਖਦਾ ਵਿਖਾਈ ਦੇ ਰਿਹਾ ਹੈ। ਸ਼੍ਰੀਲੰਕਾ ਵਿਚ ਈਸਟਰ ਦੇ ਮੌਕੇ ਉੱਤੇ ਹੋਏ ਸਿਲਸਿਲੇਵਾਰ ਬੰਬ ਧਮਾਕਿਆਂ ਵਿਚ 300 ਤੋਂ ਜ਼ਿਆਦਾ ਲੋਕਾਂ ਦੀ ਮੌਤ ਹੋ ਗਈ। ਇਹ ਵੀਡੀਓ ਮੰਗਲਵਾਰ ਨੂੰ ਸਾਹਮਣੇ ਆਇਆ, ਸ਼੍ਰੀਲੰਕਾ ਦੇ ਪੱਛਮ ਤਟ ਉੱਤੇ ਸਥਿਤ ਨੇਗੋਂਬੋ ਵਿਚ ਸੇਂਟ ਸੇਬਾਸਟਿਅਨ ਕੈਥੋਲੀਕ ਗਿਰਜਾਘਰ ਤੋਂ ਸਾਹਮਣੇ ਆਏ ਇਸ ਵੀਡੀਓ ਵਿਚ ਦਾੜੀ ਵਾਲਾ ਇਕ ਸ਼ਖਸ ਆਪਣੀ ਪਿੱਠ ਉੱਤੇ ਇਕ ਬੈਗ ਪਾ ਕੇ ਲਿਜ਼ਾਦਾ ਹੋਇਆ ਨਜ਼ਰ ਆਉਂਦਾ ਹੈ।
Alleged Suicide Bomber
ਜੋ ਗਿਰਜਾਘਰ ਦੇ ਬਾਹਰ ਖੜੀ ਬੱਚੀ ਦੇ ਸਿਰ ਉੱਤੇ ਆਪਣਾ ਹੱਥ ਰੱਖਦਾ ਵੀ ਨਜ਼ਰ ਆਉਂਦਾ ਹੈ, ਕਿਉਂਕਿ ਉਹ ਬੱਚੀ ਨਾਲ ਟਕਰਾਉਣ ਹੀ ਵਾਲਾ ਸੀ। ਵੀਡੀਓ ਵਿਚ ਬੱਚੀ ਇੱਕ ਵਿਅਕਤੀ ਦੇ ਨਾਲ ਨਜ਼ਰ ਆ ਰਹੀ ਹੈ। ਸ਼ੱਕੀ ਇਸਦੇ ਬਾਅਦ ਸ਼ਾਂਤ ਭਾਵ ਨਾਲ ਚਲਦੇ ਹੋਏ ਗਿਰਜਾਘਰ ਵਿਚ ਵੜਦਾ ਹੈ, ਜਿੱਥੇ ਈਸਟਰ ਦੇ ਸਮਾਰੋਹ ਲਈ ਵੱਡੀ ਗਿਣਤੀ ਵਿਚ ਲੋਕ ਖੜੇ ਸਨ। ਜਿਸ ਸਮੇਂ ਅਤਿਵਾਦੀ ਨੇ ਬੰਬ ਸੁੱਟਿਆ ਉਸ ਸਮੇਂ ਈਸਟਰ ਦੀ ਪ੍ਰਾਰਥਨਾ ਹੋ ਰਹੀ ਸੀ। ਇਸ ਗਿਰਜਾ ਘਰ ਵਿਚ ਹੋਏ ਵਿਸਫੋਟ ਵਿਚ 93 ਲੋਕਾਂ ਦੀ ਮੌਤ ਹੋ ਗਈ। ਅਤਿਵਾਦੀ ਸੰਗਠਨ ਆਈਐਸਆਈਐਸ ਨੇ ਮੰਗਲਵਾਰ ਨੂੰ ਇਸ ਹਮਲਿਆਂ ਦੀ ਜ਼ਿੰਮੇਦਾਰੀ ਲਈ, ਇਸਨੂੰ ਅੰਜਾਮ ਦੇਣ ਵਾਲੇ ਸੱਤ ਅਤਿਵਾਦੀ ਬੰਬ ਹਮਲਾਵਰਾਂ ਦੀ ਪਹਿਚਾਣ ਕਰ ਲਈ ਗਈ।
Alleged Suicide Bomber
ਉਥੇ ਹੀ ਈਸਟਰ ਦੇ ਦਿਨ ਗਿਰਜਾਘਰਾਂ ਅਤੇ ਹੋਟਲਾਂ ਨੂੰ ਨਿਸ਼ਾਨਾ ਬਣਾਕੇ ਕੀਤੇ ਗਏ ਹਮਲਿਆਂ ਵਿਚ ਲਾਸ਼ਾਂ ਦੀ ਗਿਣਤੀ ਵਧਕੇ 321 ਹੋ ਗਈ ਹੈ। ਲਾਸ਼ਾਂ ਵਿਚ 10 ਭਾਰਤੀ ਸਮੇਤ 38 ਵਿਦੇਸ਼ੀ ਨਾਗਰਿਕ ਸ਼ਾਮਲ ਸਨ। ਅਤਿਵਾਦੀ ਹਮਲਾਵਰਾਂ ਦੁਆਰਾ ਕਥਿਤ ਤੌਰ ਉੱਤੇ ਇਸਤੇਮਾਲ ਕੀਤੀ ਗਈ ਇੱਕ ਵੈਨ ਦੇ ਚਾਲਕ ਸਮੇਤ 40 ਅਣਪਛਾਤੇ ਹਮਲਾਵਾਰਾਂ ਨੂੰ ਇਸ ਸਿਲਸਿਲੇ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਸ਼੍ਰੀਲੰਕਾ ਵਿਚ ਮੰਗਲਵਾਰ ਨੂੰ ਇੱਕ ਦਿਨ ਦਾ ਰਾਸ਼ਟਰੀ ਸੋਗ ਰੱਖਿਆ ਗਿਆ ਹੈ। ਇਸ ਹਮਲਿਆਂ ਵਿਚ ਮਾਰੇ ਗਏ ਲੋਕਾਂ ਦੀ ਯਾਦ ਵਿਚ ਸਵੇਰੇ ਦੇਸ਼ ਵਿੱਚ ਤਿੰਨ ਮਿੰਟ ਦਾ ਸੋਗ ਰੱਖਿਆ ਗਿਆ। ਇਸ ਦੌਰਾਨ ਰਾਸ਼ਟਰੀ ਝੰਡੇ ਵੀ ਝੁੱਕਾ ਦਿੱਤੇ ਗਏ। ਇਹ ਰਸਮੀ ਸੋਗ ਸਵੇਰੇ ਸਾਢੇ ਅੱਠ ਵਜੇ ਸ਼ੁਰੂ ਹੋਇਆ।
Three Minutes Mourning For The Killed People In Srilanka Attack
ਦੱਸ ਦਈਏ ਕਿ ਪਹਿਲਾ ਧਮਾਕਾ ਸਵੇਰੇ ਸਾਢੇ ਅੱਠ ਵਜੇ ਹੀ ਹੋਇਆ ਸੀ। ਅੰਤਰਰਾਸ਼ਟਰੀ ਅਤਿਵਾਦੀ ਸੰਗਠਨ ਆਈਐਸਆਈਐਸ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਸ਼੍ਰੀਲੰਕਾ ਵਿਚ ਗਠ-ਜੋੜ ਦੇਸ਼ਾਂ ਦੇ ਮੈਬਰਾਂ ਅਤੇ ਈਸਾਈਆਂ ਨੂੰ ਨਿਸ਼ਾਨਾ ਬਣਾ ਕੇ ਜਿਨ੍ਹਾਂ ਲੋਕਾਂ ਨੇ ਹਮਲਾ ਕੀਤਾ, ਉਹ ਇਸਲਾਮੀਕ ਸਟੇਟ ਸਮੂਹ ਦੇ ਅਤਿਵਾਦੀ ਹਨ। ਸ਼੍ਰੀਲੰਕਾ ਨੇ ਕਿਹਾ ਹੈ ਕਿ ਸਥਾਨਕ ਇਸਲਾਮੀ ਚਰਮਪੰਥੀ ਸਮੂਹ ਨੈਸ਼ਨਲ ਤੌਹੀਦ ਜਮਾਤ ਹਮਲਿਆਂ ਦੇ ਪਿੱਛੇ ਸੀ ਅਤੇ ਇਹ ਜਾਂਚ ਕੀਤੀ ਜਾ ਰਹੀ ਹੈ ਕਿ ਕੀ ਉਨ੍ਹਾਂ ਦੇ ਕੋਲ ਅੰਤਰਰਾਸ਼ਟਰੀ ਸਮਰਥਨ ਸੀ।
