DGCI ਨੇ ਕੋਵਿਡ-19 ਦੀ ਹਲਕੀ ਲਾਗ ਵਾਲੇ ਮਰੀਜ਼ਾਂ ਦੇ ਇਲਾਜ ਲਈ ਜ਼ੈਡਸ ਕੈਡਿਲਾ ਦੀ ਵਿਰਾਫਿਨ (PegIFN ) ਨੂੰ ਐਮਰਜੈਂਸੀ ਵਰਤੋਂ ਲਈ ਮਨਜ਼ੂਰੀ ਦੇ ਦਿੱਤੀ ਹੈ।
ਨਵੀਂ ਦਿੱਲੀ: ਕੋਰੋਨਾ ਮਹਾਂਮਾਰੀ ਦੇ ਚਲਦਿਆਂ ਡਰੱਗ ਕੰਟਰੋਲਰ ਜਨਰਲ ਆਫ ਇੰਡੀਆ ਨੇ ਕੋਵਿਡ-19 ਦੀ ਹਲਕੀ ਲਾਗ ਵਾਲੇ ਮਰੀਜ਼ਾਂ ਦੇ ਇਲਾਜ ਲਈ ਜ਼ੈਡਸ ਕੈਡਿਲਾ ਦੀ ਵਿਰਾਫਿਨ (PegIFN ) ਨੂੰ ਐਮਰਜੈਂਸੀ ਵਰਤੋਂ ਲਈ ਮਨਜ਼ੂਰੀ ਦੇ ਦਿੱਤੀ ਹੈ। ਅਹਿਮਦਾਬਾਦ ਦੀ ਦਵਾ ਨਿਰਮਾਤਾ ਕੰਪਨੀ ਜ਼ੈਡਸ ਨੇ ਦੱਸਿਆ ਕਿ Pegylated Interferon Alpha 2b ਜਾਂ PegiHep ਦਵਾਈ 91.15 ਫੀਸਦ ਅਸਰਦਾਰ ਸਾਬਿਤ ਹੋਈ ਹੈ।
DGCI approves emergency use for Zydus Cadila's ‘Virafin
ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਦਵਾਈ ਦੀ ਵਰਤੋਂ ਨਾਲ ਕੋਵਿਡ ਮਰੀਜ਼ਾਂ ਵਿਚ ਆਕਸੀਜਨ ਸਪਲਾਈ ਦੀ ਲੋੜ ਨੂੰ ਵੀ ਕਾਫੀ ਹੱਦ ਤੱਕ ਘੱਟ ਕੀਤਾ ਜਾ ਸਕਦਾ ਹੈ।
ਕੰਪਨੀ ਨੇ ਇਕ ਬਿਆਨ ਜਾਰੀ ਕਰਦਿਆਂ ਦੱਸਿਆ ਕਿ ਵਿਰਾਫਿਨ ਐਂਟੀ ਵਾਇਰਲ ਦਵਾਈ ਹੈ ਜੋ ਕਿ ਕੋਵਿਡ ਦੀ ਹਲਕੀ ਲਾਗ ਵਾਲੇ ਮਰੀਜਾਂ ਦੇ ਇਲਾਜ ਲਈ ਵਰਤੀ ਜਾ ਸਕਦੀ ਹੈ। ਇਕ ਖੁਰਾਕ ਨਾਲ ਹੀ ਮਰੀਜ਼ ਦੇ ਇਲਾਜ ਵਿਚ ਕਾਫੀ ਮਦਦ ਮਿਲ ਸਕਦੀ ਹੈ।
Covid Vaccination
ਦੱਸ ਦਈਏ ਕਿ ਦੇਸ਼ ਵਿਚ ਕੋਰੋਨਾ ਦੀ ਦੂਸਰੀ ਲਹਿਰ ਦੇ ਚਲਦਿਆਂ ਕਈ ਸੰਸਥਾਵਾਂ ਵੱਲੋਂ ਇਲਾਜ ਦੀ ਖੋਜ ਕੀਤੀ ਜਾ ਰਹੀ ਹੈ। ਇਸ ਦੌਰਾਨ ਰੇਮਡੇਸਿਵਿਰ ਅਤੇ ਫੈਬੀਪਿਰਾਵਿਰ ਆਦਿ ਦਵਾਈਆਂ ਦੀ ਮਦਦ ਨਾਲ ਹਲਕੀ ਲਾਗ ਵਾਲੇ ਕੋਵਿਡ ਮਰੀਜ਼ਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ।
