ਕਿਹਾ , ਮੰਡੀ ਨਹੀਂ ਹੋਵੇਗੀ ਤਾਂ ਸਰਕਾਰੀ ਖ਼ਰੀਦ ਨਹੀਂ ਹੋਵੇਗੀ ਜਿਸ ਕਾਰਨ ਦੇਸ਼ ਦਾ ਕਿਸਾਨ ਬਰਬਾਦ ਹੋ ਜਾਵੇਗਾ
ਜੈਪੁਰ : ਸਮਾਜਕ ਕਾਰਕੁਨ ਯੋਗੇਂਦਰ ਯਾਦਵ ਨੇ ਕੇਂਦਰ ਸਰਕਾਰ ਦੇ ਖੇਤੀ ਕਾਨੂੰਨਾਂ ’ਤੇ ਨਿਸ਼ਾਨਾ ਸਾਧਦੇ ਹੋਏ ਮੰਗਲਵਾਰ ਨੂੰ ਕਿਹਾ ਕਿ ਇਹ ਕਾਨੂੰਨ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਦਰਵਾਜੇ ਬੰਦ ਕਰ ਦੇਣਗੇ ਅਤੇ ਮੰਡੀ ਵਿਵਸਥਾ ਬੰਦ ਹੋਣ ਨਾਲ ਦੇਸ਼ ਦਾ ਕਿਸਾਨ ਬਰਬਾਦ ਹੋ ਜਾਵੇਗਾ। ਸਵਰਾਜ ਇੰਡੀਆ ਦੇ ਰਾਸ਼ਟਰੀ ਪ੍ਰਧਾਨ ਯਾਦਵ ਮੰਗਲਵਾਰ ਨੂੰ ਸੰਯੁਕਤ ਕਿਸਾਨ ਮੋਰਚਾ ਵਲੋਂ ਰਾਜਸਥਾਨ ਦੇ ਸੀਕਰ ’ਚ ਆਯੋਜਤ ਕਿਸਾਨ ਮਹਾਂਪਚਾਇਤ ਨੂੰ ਸੰਬੋਧਿਤ ਕਰ ਰਹੇ ਸਨ।
Yogendra yadav
ਉਨ੍ਹਾਂ ਕਿਹਾ ਕਿ ਮੰਡੀ ਦਾ ਕਾਨੂੰਨ ਕਿਸਾਨ ਦੇ ਸਿਰ ਤੋਂ ਛੱਤ ਹਟਾਉਣ ਵਾਲੇ ਕਾਨੂੰਨ ਕਾਨੂੰਨ ਹੈ ਅਤੇ ਮੰਡੀ ਨਹੀਂ ਹੋਵੇਗੀ ਤਾਂ ਸਰਕਾਰ ਖ਼ਰੀਦ ਨਹੀਂ ਹੋਵੇਗੀ, ਜੇਕਰ ਮੰਡੀ ਦੀ ਵਿਵਸਥਾ ਚਲੀ ਗਈ ਤਾਂ ਪੰਜਾਬ ਅਤੇ ਹਰਿਆਣਾ ਦਾ ਕਿਸਾਨ ਤਾਂ ਬਰਬਾਦ ਹੋ ਹੀ ਜਾਵੇਗਾ, ਪਰ ਹੋਰ ਰਾਜਾਂ ਦੇ ਕਿਸਾਨ ਵੀ ਬਰਬਾਦ ਹੋ ਜਾਣਗੇ।
ਯਾਦਵ ਨੇ ਕਿਹਾ, ‘‘ ਪ੍ਰਧਾਨ ਮੰਤਰੀ ਮੋਦੀ ਇਨ੍ਹਾਂ ਕਾਨੂੰਨਾਂ ਨਾਲ ਜੋ ਕਰ ਰਹੇ ਹਨ, ਉਹ ਸਾਡੀਆਂ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਦਰਵਾਜੇ ਬੰਦ ਕਰ ਰਹੇ ਹਨ।
yogendra yadav
ਮੰਡੀ ਜੇਕਰ ਬੰਦ ਹੁੰਦੀ ਹੈ ਤਾਂ ਕਿਸਾਨਾਂ ਦੇ ਅਨਾਜ ਦੀ ਸਰਕਾਰੀ ਖ਼ਰੀਦ ਵੀ ਬੰਦ ਹੋਵੇਗੀ ਅਤੇ ਜੇਕਰ ਇਹ ਬੰਦ ਹੁੰਦੀ ਹੈ ਤਾਂ ਜਲਦੀ ਹੀ ਰਾਸ਼ਨ ਦੀ ਦੁਕਾਨ ਵੀ ਬੰਦ ਹੋਵੇਗੀ ਕਿਉਂਕਿ ਸਰਕਾਰ ਮੰਡੀ ਵਿਚ ਜੋ ਖ਼ਰੀਦ ਕਰਦੀ ਹੈ ਉਹ ਹੀ ਕਣਕ ਅਤੇ ਚੌਲ ਸਾਨੂੰ ਰਾਸ਼ਨ ਦੀ ਦੁਕਾਨ ’ਚੋਂ ਮਿਲਦੇ ਹਨ।’’ ਉਨ੍ਹਾਂ ਕਿਹਾ ਕਿ ਇਸ ਸੰਯੁਕਤ ਕਿਸਾਨ ਮੋਰਚੇ ’ਚ ਦੇਸ਼ ਦੇ 450 ਕਿਸਾਨ ਸੰਗਠਨ ਸ਼ਾਮਲ ਹੋ ਗਏ ਹਨ।
yogendra yadav
ਉਨ੍ਹਾਂ ਦੋਸ਼ ਲਾਉਂਦੇ ਹੋਏ ਕਿਹਾ, ਪਿਛਲੇ ਤਿੰਨ ਮਹੀਨੇ ਮੋਦੀ, ਉਸ ਦੇ ਦਰਬਾਰੀਆਂ, ਆਗੂਆਂ ਦੀ ਤਮਾਮ ਕੋਸ਼ਿਸ਼ਾਂ ਦੇ ਬਾਵਜੂਦ ਇਨ੍ਹਾਂ 450 ਜਥੇਬੰਦੀਆਂ ਵਿਚੋਂ ਇਹ ਵੀ ਜਥੇਬੰਦੀ ਹਾਲੇ ਤਕ ਟੁੱਟੀ ਨਹੀਂ ਹੈ।’’ ਯਾਦਵ ਨੇ ਕਿਹਾ ਖੇਤੀ ਕਾਨੂੰਨ ਤਾਂ ਰੱਦ ਹੋਣਗੇ ਹੀ ਹੋਣਗੇ, ਅਸੀ ਕੇਂਦਰ ਸਰਕਾਰ ਤੋਂ ਫ਼ਸਲਾਂ ਦੇ ਮੁੱਲ ਦੀ ਗਾਰੰਟੀ ਵੀ ਲਿਆਂਗੇ, ਇਸ ਦੇ ਨਾਲ ਹੀ ਸ਼ਾਹਜਹਾਂਪੁਰ ’ਤੇ ਜਾਰੀ ਅੰਦੋਲਨ ਨੂੰ ਮਜਬੂਤ ਬਣਾਉਣ ਦੀ ਅਪੀਲ ਕੀਤੀ।
yogendra yadav
ਉਨ੍ਹਾਂ ਕਿਹਾ ਕਿ 27 ਫ਼ਰਵਰੀ ਨੂੰ ਸੰਯੁਕਤ ਕਿਸਾਨ ਮੋਰਚੇ ਵਲੋਂ ਸਾਰਿਆਂ ਨੂੰ ਅਪਣੇ ਅਪਣੇ ਅੰਦੋਲਨ ਵਾਲੀ ਥਾਵਾਂ ’ਤੇ ਪਹੁੰਚਣ ਦੀ ਅਪੀਲ ਕੀਤੀ ਗਈੇ ਹੈ। ਸਭਾ ਵਿਚ ਕਿਸਾਨ ਆਗੂ ਰਾਕੇਸ਼ ਟਿਕੈਤ ਅਤੇ ਸਾਬਕਾ ਵਿਧਾਹਿਕ ਅਮਰਾਰਾਮ ਵੀ ਸ਼ਾਮਲ ਹੋਏ।
