ਰੇਟਿੰਗ ਏਜੰਸੀ ਫਿਚ ਸਲਿਉਸ਼ਨਜ਼ ਮੁਤਾਬਕ ਸਰਕਾਰ ਦੇ ਤਾਜ਼ਾ ਰਾਹਤ ਪੈਕੇਜ ਵਿਚ ਸਿਹਤ ਖੇਤਰ ਦੀ ਜ਼ਰੂਰਤਾਂ ਨੂੰ ਧਿਆਨ ਵਿਚ ਨਹੀਂ
ਨਵੀਂ ਦਿੱਲੀ, 21 ਮਈ : ਰੇਟਿੰਗ ਏਜੰਸੀ ਫਿਚ ਸਲਿਉਸ਼ਨਜ਼ ਮੁਤਾਬਕ ਸਰਕਾਰ ਦੇ ਤਾਜ਼ਾ ਰਾਹਤ ਪੈਕੇਜ ਵਿਚ ਸਿਹਤ ਖੇਤਰ ਦੀ ਜ਼ਰੂਰਤਾਂ ਨੂੰ ਧਿਆਨ ਵਿਚ ਨਹੀਂ ਰਖਿਆ ਗਿਆ ਹੈ। ਕੋਵਿਡ-19 ਮਹਾਂਮਾਰੀ ਦੇ ਚੱਲਦੇ ਇਸ ਖੇਤਰ ’ਤੇ ਬਹੁਤ ਦਬਾਅ ਹੈ। ਇਸ ਬਾਰੇ ਵਿਚ ਫਿਚ ਸਮੂਹ ਇਕਾਈ ਫਿਚ ਸਲਿਉਸ਼ਨਜ਼ ਕੰਟਰੀ ਰਿਸਕ ਐਂਡ ਇੰਡਸਟਰੀ ਰਿਸਰਚ ਨੇ ਇਕ ਰੀਪੋਰਟ ਜਾਰੀ ਕੀਤੀ ਹੈ। ਰੀਪੋਰਟ ਮੁਤਾਬਕ ਵਿੱਤ ਮੰਤਰਾਲਾ ਨੇ 11 ਮਾਰਚ ਨੂੰ ਸਿਹਤ ਖੇਤਰ ਲਈ ਅਲਾਟਮੈਂਟ ਨੂੰ ਜੀ.ਡੀ.ਪੀ. ਦੇ ਮੁਕਾਬਲੇ 0.008 ਫ਼ੀ ਸਦੀ ਵਧਾਉਣ ਦਾ ਐਲਾਨ ਕੀਤਾ ਸੀ, ਤਾਂ ਕਿ ਸਿਹਤ ਖੇਤਰ ’ਤੇ ਖ਼ਰਚ ਨੂੰ ਵਧਾਇਆ ਜਾ ਸਕੇ।
File photo
ਰੀਪੋਰਟ ਮੁਤਾਬਕ ਇਹ ਕੋਈ ਨਵਾਂ ਬਜਟ ਅਲਾਟਮੈਂਟ ਨਹੀਂ ਹੈ, ਸਗੋਂ ਮੌਜੂਦਾ ਖ਼ਰਚ ਨੂੰ ਹੀ ਇੱਧਰ-ਉੱਧਰ ਕਰਨਾ ਹੈ ਅਤੇ ਸਰਕਾਰ ਦਾ ਰਾਹਤ ਪੈਕੇਜ ਸਿਹਤ ਖੇਤਰ ਦੀਆਂ ਸਮਸਿਆਵਾਂ ਨੂੰ ਦੂਰ ਕਰਨ ਵਿਚ ਸਮਰਥ ਨਹੀਂ ਹੈ। ਕੋਵਿਡ-19 ਮਹਾਮਾਰੀ ਵਰਗੇ ਸੰਕਟ ਕਾਰਨ ਦੇਸ਼ ਵਿਚ ਸਿਹਤ ਖੇਤਰ ਵਿਚ ਨਿਵੇਸ਼ ਵਧਾਉਣ ਦੀ ਜ਼ਰੂਰਤ ਨੂੰ ਬੱਲ ਮਿਲਿਆ ਹੈ। ਰੀਪੋਰਟ ਵਿਚ ਕਿਹਾ ਗਿਆ ਹੈ ਕਿ ਲਗਾਤਾਰ ਸਿਹਤ ਖਰਚ ਨੂੰ ਘੱਟ ਰੱਖਣ ਅਤੇ ਸਿਹਤ ਬੁਨਿਆਦੀ ਢਾਂਚੇ ’ਤੇ ਨਿਵੇਸ਼ ਨਾ ਕਰਨ ਕਾਰਨ ਜੇਕਰ ਕੋਰੋਨਾ ਵਾਇਰਸ ਨੂੰ ਸਹੀ ਤਰੀਕੇ ਨਾਲ ਸੀਮਿਤ ਨਹੀਂ ਕੀਤਾ ਗਿਆ ਤਾਂ ਦੇਸ਼ ਵਿਚ ਵਾਇਰਸ ਦਾ ਕਹਿਰ ਹੋਰ ਡੂੰਘਾ ਹੋਵੇਗਾ। (ਪੀਟੀਆਈ)
