ਉੱਤਰ ਪ੍ਰਦੇਸ਼ ਦੇ ਹਸਪਤਾਲਾਂ ਵਿਚ ਇਕ ਵਾਰ ਫਿਰ ਤੋਂ ਮੌਤ ਨੇ ਦਸਤਕ ਦਿਤੀ ਹੈ।
ਲਖਨਊ : ਉੱਤਰ ਪ੍ਰਦੇਸ਼ ਦੇ ਹਸਪਤਾਲਾਂ ਵਿਚ ਇਕ ਵਾਰ ਫਿਰ ਤੋਂ ਮੌਤ ਨੇ ਦਸਤਕ ਦਿਤੀ ਹੈ। ਉੱਤਰ ਪ੍ਰਦੇਸ਼ ਦੇ ਬਹਰਾਇਚ ਜਿਲ੍ਹੇ ਵਿਚ ਬੱਚਿਆਂ ਦੇ ਮੌਤ ਦੇ ਜੋ ਆਂਕੜੇ ਸਾਹਮਣੇ ਆਏ ਹਨ, ਉਹ ਹੈਰਾਨ ਕਰਨ ਵਾਲੇ ਹਨ। ਦਰਅਸਲ, ਬੀਤੇ ਕਈ ਦਿਨਾਂ ਤੋਂ ਬਹਰਾਇਚ ਜਿਲ੍ਹੇ ਦੇ ਹਸਪਤਾਲ ਵਿਚ ਬੱਚਿਆਂ ਦੀ ਮੌਤ ਦਾ ਸਿਲਸਿਲਾ ਜਾਰੀ ਹੈ ਅਤੇ ਇਹ ਸੰਖਿਆ 70 ਪਾਰ ਕਰ ਚੁੱਕੀ ਹੈ।
ਬਹਰਾਇਚ ਜਿਲ੍ਹੇ ਦੇ ਹਸਪਤਾਲ ਵਿੱਚ ਗੁਜ਼ਰੇ 45 ਦਿਨਾਂ ਵਿਚ ਹੁਣ ਤੱਕ 71 ਬੱਚੀਆਂ ਦੀ ਮੌਤ ਹੋ ਚੁੱਕੀ ਹੈ। ਮੈਡੀਕਲ ਸੁਪਰਡੈਂਟ ਨੇ ਕਿਹਾ ਕਿ ਵੱਖਰੀਆਂ ਬਿਮਾਰੀਆਂ ਦੀ ਵਜ੍ਹਾ ਨਾਲ ਬੱਚਿਆਂ ਦੀਆਂ ਮੌਤਾਂ ਹੋਈਆਂ ਹਨ ਸਾਡੇ ਕੋਲ 200 ਬੈੱਡ ਹਨ ਪਰ ਹੁਣ 450 ਮਰੀਜ ਭਰਤੀ ਹਨ। ਅਸੀਂ ਕਈਆਂ ਦੀ ਜਿੰਦਗੀ ਬਚਾਉਣ ਲਈ ਜਿਨ੍ਹਾ ਹੋ ਸਕਦਾ ਹੈ, ਅਸੀਂ ਆਪਣਾ ਮਹੱਤਵਪੂਰਨ ਯੋਗਦਾਨ ਦੇ ਰਹੇ ਹਾਂ।
ਸਰਕਾਰੀ ਬੁਲਾਰੇ ਨੇ ਦੱਸਿਆ ਕਿ ਪਿਛਲੇ ਡੇਢ ਮਹੀਨੇ ਦੇ ਦੌਰਾਨ ਸਿਰਫ ਬੁਖ਼ਾਰ ਦੀ ਵਜ੍ਹਾ ਨਾਲ 79 ਲੋਕਾਂ ਦੀ ਜਾਨ ਗਈ ਹੈ। ਅਧਿਕਾਰੀਆਂ ਨੂੰ ਸੁਚੇਤ ਕੀਤਾ ਗਿਆ ਹੈ ਕਿ ਉਹ ਪੂਰੀ ਸਾਵਧਾਨੀ ਵਰਤਣ। ਬੁਲਾਰੇ ਨੇ ਦੱਸਿਆ ਕਿ ਸਭ ਤੋਂ ਜਿਆਦਾ 24 ਮੌਤਾਂ ਬਰੇਲੀ ਵਿੱਚ ਹੋਈਆਂ ਹਨ। ਬਦਾਯੂੰ ਵਿੱਚ 23, ਹਰਦੋਈ ਵਿੱਚ 12, ਸੀਤਾਪੁਰ ਵਿੱਚ ਅੱਠ, ਬਹਰਾਇਚ ਵਿੱਚ ਛੇ, ਪੀਲੀਭੀਤ ਵਿਚ ਚਾਰ ਅਤੇ ਸ਼ਾਹਜਹਾਂਪੁਰ ਵਿਚ ਦੋ ਲੋਕਾਂ ਦੀ ਮੌਤ ਹੋਈ। ਜਿਲ੍ਹਾਂ ਪੱਧਰ ਟੀਮਾਂ ਨੂੰ ਹਾਈ ਅਲਰਟ ਕੀਤਾ ਗਿਆ ਹੈ ਕਿ ਸਾਰੇ ਮਾਮਲਿਆਂ ਵਿੱਚ ਡੇਥ ਆਡਿਟ ਕਰਾਇਆ ਜਾ ਰਿਹਾ ਹੈ।
