ਇਸ ਸਾਲ ਦਾ ਪਹਿਲਾ ਅਤੇ ਸਭ ਤੋਂ ਵੱਡਾ ਸੂਰਜ ਗ੍ਰਹਿਣ 21 ਜੂਨ 2020 ਨੂੰ ਲਗਣ ਜਾ ਰਿਹਾ ਹੈ।
ਨਵੀਂ ਦਿੱਲੀ, 20 ਜੂਨ : ਇਸ ਸਾਲ ਦਾ ਪਹਿਲਾ ਅਤੇ ਸਭ ਤੋਂ ਵੱਡਾ ਸੂਰਜ ਗ੍ਰਹਿਣ 21 ਜੂਨ 2020 ਨੂੰ ਲਗਣ ਜਾ ਰਿਹਾ ਹੈ। ਇਸ ਵਿਚ ਤਾਰਿਆਂ ਦੇ ਨਾਲ ਸੂਰਜ ਦਾ ਅਜਿਹਾ ਦੁਰਲੱਭ ਸੁਮੇਲ ਬਣਨ ਜਾ ਰਿਹਾ ਹੈ, ਜੋ ਕਿ 500 ਸਾਲ ਪਹਿਲਾਂ ਤਕ ਨਹੀਂ ਬਣਿਆ ਸੀ। ਇਸ ਦੇ ਨਾਲ ਹੀ ਇਹ ਇਸ ਸਾਲ ਦਾ ਸਭ ਤੋਂ ਲੰਮਾ ਸੂਰਜ ਗ੍ਰਹਿਣ ਹੋਵੇਗਾ। ਇਹ ਸੂਰਜ ਗ੍ਰਹਿਣ ਹਾੜ ਮਹੀਨੇ ਦੇ ਨਵੇਂ ਚੰਦਰਮਾ ਦਿਵਸ ਦੇ ਭਾਰਤੀ ਸਮੇਂ ਅਨੁਸਾਰ ਸਵੇਰੇ 9.15 ਵਜੇ ਹੋਵੇਗਾ।
File Photo
ਇਹ ਸੂਰਜ ਗ੍ਰਹਿਣ ਮ੍ਰਿਗਸਿਰਾ ਅਤੇ ਅਦ੍ਰਾ ਨਕਸ਼ਤਰਾ 'ਚ ਮਿਲਾਉਣ ਵਾਲੇ ਚਿੰਨ੍ਹ 'ਚ ਦਿਖਾਈ ਦਿੰਦਾ ਹੈ, ਜੋ ਇਕ ਦੁਰਲੱਭ ਇਤਫ਼ਾਕ ਬਣਾ ਰਿਹਾ ਹੈ। ਗ੍ਰਹਿਣ ਦਾ ਮੋਕਸ਼ ਕਾਲ 3 ਤੋਂ 5 ਮਿੰਟ ਦਾ ਹੋਵੇਗਾ। ਗ੍ਰਹਿਣ ਦੁਪਹਿਰ 12 ਵਜ ਕੇ 2 ਮਿੰਟ ਅਪਣੇ ਸਿਖਰ 'ਤੇ ਹੋਵੇਗਾ। ਉਥੇ ਹੀ ਭਾਰਤ ਵਿਚ ਇਹ ਸੂਰਜ ਗ੍ਰਹਿਣ ਸਵੇਰੇ 10.13 ਅਤੇ 52 ਸੈਕਿੰਡ ਤੇ ਸ਼ੁਰੂ ਹੋ ਕੇ ਦੁਪਹਿਰ 1.29 ਮਿੰਟ ਅਤੇ 52 ਸੈਕਿੰਡ ਤਕ ਜਾਰੀ ਰਹੇਗਾ। ਜ਼ਿਕਰਯੋਗ ਹੈ ਕਿ ਇਹ ਦੇਸ਼ ਦੇ ਵੱਖ-ਵੱਖ ਹਿੱਸਿਆਂ ਵਿਚ ਅਲੱਗ-ਅਲੱਗ ਤਰੀਕਿਆਂ ਨਾਲ ਦਿਖਾਈ ਦੇਵੇਗਾ। (ਏਜੰਸੀ)
