ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਅਮਿਤ ਸ਼ਾਹ ਦੀਆਂ ਸਹਿਯੋਗੀ ਦਲਾਂ ਨੂੰ ਮਨਾਉਣ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਦੇ ਕੁੱਝ ਹੀ ਦਿਨ ...
ਲਖਨਊ : ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਅਮਿਤ ਸ਼ਾਹ ਦੀਆਂ ਸਹਿਯੋਗੀ ਦਲਾਂ ਨੂੰ ਮਨਾਉਣ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਦੇ ਕੁੱਝ ਹੀ ਦਿਨ ਬਾਅਦ ਉਤਰ ਪ੍ਰਦੇਸ਼ ਵਿਚ ਪਾਰਟੀ ਦੀ ਸਹਿਯੋਗੀ ਸੁਹੇਲਦੇਵ ਭਾਰਤੀ ਸਮਾਜ ਪਾਰਟੀ (ਐਸ-ਬੀਐਸਪੀ) ਦੇ ਵਿਚਕਾਰ ਨਵੀਂ ਸਮੱਸਿਆ ਪੈਦਾ ਹੋ ਗਈ ਹੈ। ਸੰਸਦ ਦੇ ਹੇਠਲੇ ਸਦਨ ਲੋਕ ਸਭਾ ਵਿਚ ਸਭ ਤੋਂ ਜ਼ਿਆਦਾ ਨੁਮਾਇੰਦੇ ਭੇਜਣ ਵਾਲੇ ਰਾਜ ਦੀ ਭਾਜਪਾ ਇਕਾਈ ਦੇ ਮੁਖੀ ਮਹੇਂਦਰ ਨਾਥ ਪਾਂਡੇ ਨੇ ਐਸ-ਬੀਐਸਪੀ ਨੇਤਾ ਕੈਲਾਸ਼ ਸੋਨਕਰ ਦੀ ਜਨਤਕ ਤੌਰ 'ਤੇ 'ਚੋਰ' ਨਾਲ ਤੁਲਨਾ ਕਰ ਦਿਤੀ ਅਤੇ ਭੜਕੇ ਸੋਨਕਰ ਨੇ ਉਨ੍ਹਾਂ ਨੂੰ ਅਦਾਲਤ ਤਕ ਲਿਜਾਣ ਦੀ ਚਿਤਾਵਨੀ ਦਿਤੀ ਹੈ।
amit shah
ਵਾਰਾਨਸੀ ਦੇ ਨੇੜੇ ਕੈਲਾਸ਼ ਸੋਨਕਰ ਦੇ ਵਿਧਾਨ ਸਭਾ ਖੇਤਰ ਅਜਘਰਾ ਵਿਚ ਕੇਂਦਰੀ ਯੋਜਨਾਵਾਂ ਦਾ ਉਦਘਾਟਨ ਕਰਦੇ ਹੋਏ ਮਹੇਂਦਰਨਾਥ ਪਾਂਡੇ ਨੇ ਕਿਹਾ ਕਿ ਵਿਧਾਇਕ ਦਾ ਨਾਮ ਨੀਂਹ ਪੱਥਰ ਦੇ ਸਮੇਂ ਲਗਾਏ ਗਏ ਪੱਥਰ 'ਤੇ ਨਹੀਂ ਲਿਖਵਾਇਆ ਜਾ ਸਕਦਾ ਕਿਉਂਕਿ ਉਹ 'ਚੋਰ' ਨਿਕਲੇ...। ਉਨ੍ਹਾਂ ਕਿਹਾ ਕਿ ਮੈਂ ਸਾਫ਼-ਸਾਫ਼ ਕਹਿੰਦਾ ਹਾਂ ਕਿ ਮੈਨੂੰ ਦਸਿਆ ਗਿਆ ਹੈ ਕਿ ਉਹ ਗਰੀਬਾਂ ਨੂੰ ਲੁੱਟਦੇ ਰਹੇ ਹਨ। ਲੋਕ ਹੀ ਉਨ੍ਹਾਂ ਵਿਰੁਧ ਸ਼ਿਕਾਇਤ ਕਰ ਰਹੇ ਹਨ। ਅਸੀਂ ਚੁਣੋ ਹੋਏ ਨੁਮਾਇੰਦਿਆਂ ਦੇ ਕਿਸੇ ਵੀ ਤਰ੍ਹਾਂ ਦੇ ਭ੍ਰਿਸ਼ਟਾਚਾਰ ਨੂੰ ਬਰਦਾਸ਼ਤ ਨਹੀਂ ਕਰਾਂਗੇ।
Mohinder Nath Pandey Om Prakash
ਐਸ-ਬੀਐਸਪੀ ਦੇ ਨਾਲ ਭਾਜਪਾ ਦੇ ਸਬੰਧ ਪਿਛਲੇ ਕੁੱਝ ਮਹੀਨਿਆਂ ਤੋਂ ਕੜਵਾਹਟ ਭਰੇ ਚੱਲ ਰਹੇ ਹਨ। ਮਾਰਚ ਵਿਚ ਰਾਜ ਸਭਾ ਚੋਣਾਂ ਤੋਂ ਠੀਕ ਪਹਿਲਾਂ ਯੋਗੀ ਆਦਿੱਤਿਆਨਾਥ ਦੀ ਆਲੋਚਨਾ ਕੀਤੀ ਗਈ ਸੀ ਅਤੇ ਕਿਹਾ ਸੀ ਕਿ ਉਹ ਪ੍ਰਸ਼ਾਸਨ ਨਾਲ ਜੁੜੇ ਮਾਮਲਿਆਂ ਵਿਚ ਸਹਿਯੋਗੀ ਦਲਾਂ ਨਾਲ ਸਲਾਹ ਮਸ਼ਵਰਾ ਨਹੀਂ ਕਰਦੇ ਹਨ। ਓਮ ਪ੍ਰਕਾਸ਼ ਰਾਜ ਭਰ ਨੇ ਭਾਜਪਾ ਨੂੰ ਧਮਕਾਇਆ ਵੀ ਸੀ ਕਿ ਉਨ੍ਹਾਂ ਦੀ ਪਾਰਟੀ ਦੇ ਚਾਰ ਵਿਧਾਇਕ ਰਾਜ ਸਭਾ ਚੋਣ ਵਿਚ ਭਾਜਪਾ ਦੇ ਉਮੀਦਵਾਰ ਨੂੰ ਵੋਟ ਨਹੀਂ ਕਰਨਗੇ। ਆਖ਼ਰਕਾਰ ਭਾਜਪਾ ਮੁਖੀ ਅਮਿਤ ਸ਼ਾਹ ਨੂੰ ਓਮ ਪ੍ਰਕਾਸ਼ ਨਾਲ ਮੁਲਾਕਾਤ ਕਰ ਕੇ ਉਨ੍ਹਾਂ ਨੂੰ ਮਨਾਉਣਾ ਪਿਆ ਸੀ।
Om Prakash
ਹਾਲ ਹੀ ਵਿਚ ਭਾਜਪਾ ਦੇ ਕਈ ਸਹਿਯੋਗੀਆਂ ਨੇ ਮਿਲਦੇ-ਜੁਲਦੇ ਤੇਵਰ ਦਿਖਾਏ ਹਨ। ਪੰਜਾਬ ਵਿਚ ਸਹਿਯੋਗੀ ਸ਼੍ਰੋਮਣੀ ਅਕਾਲੀ ਦਲ ਅਤੇ ਬਿਹਾਰ ਦੇ ਮੁੱਖ ਮੰਤਰੀ ਅਤੇ ਜੇਡੀਯੂ ਨੇਤਾ ਨਿਤੀਸ਼ ਕੁਮਾਰ ਨੇ ਵੀ ਸੰਕੇਤ ਦਿਤੇ ਹਨ ਕਿ ਉਹ ਚੰਗੇ ਵਿਵਹਾਰ ਦੀ ਉਮੀਦ ਕਰਦੇ ਹਨ। ਮਹਾਰਸ਼ਟਰ ਵਿਚ ਸਹਿਯੋਗੀ ਸ਼ਿਵ ਸੈਨਾ ਕਹਿ ਚੁੱਕੀ ਹੈ ਕਿ ਉਹ 2019 ਦੀਆਂ ਆਮ ਚੋਣਾਂ ਵਿਚ ਐਨਡੀਏ ਦਾ ਹਿੱਸਾ ਨਹੀਂ ਰਹੇਗੀ ਅਤੇ ਆਂਧਰਾ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਅਤੇ ਟੀਡੀਪੀ ਨੇਤਾ ਚੰਦਰਬਾਬੂ ਨਾਇਡੂ ਪਹਿਲਾਂ ਹੀ ਗਠਜੋੜ ਤੋਂ ਵੱਖ ਹੋ ਚੁੱਕੇ ਹਨ।
amit shah
ਇਨ੍ਹਾਂ ਸਾਰੇ ਬਿਆਨਾਂ ਤੋਂ ਇਲਾਵਾ ਹਾਲ ਦੀਆਂ ਉਪ ਚੋਣਾਂ ਵਿਚ ਵੀ ਕਰਾਰੀ ਹਾਰ ਮਿਲਣ ਤੋਂ ਬਾਅਦ ਭਾਜਪਾ ਮੁਖੀ ਅਮਿਤ ਸ਼ਾਹ ਨੂੰ ਖੇਤਰੀ ਸਹਿਯੋਗੀਆਂ ਦੇ ਕੋਲ ਉਨ੍ਹਾਂ ਨੂੰ ਮਨਾਉਣ ਲਈ ਜਾਣਾ ਪਿਆ, ਤਾਕਿ ਅਗਲੀਆਂ ਲੋਕ ਸਭਾ ਚੋਣਾਂ ਵਿਚ ਗਠਜੋੜ ਨੂੰ ਕਾਇਮ ਰੱਖਿਆ ਜਾ ਸਕੇ। ਹਾਲ ਹੀ ਵਿਚ ਵਿਰੋਧੀਆਂ ਨੇ ਜੋ ਇਕਜੁਟਤਾ ਦਿਖਾਈ ਹੈ, ਉਸ ਦੇ ਕਾਰਨ ਉਤਰ ਪ੍ਰਦੇਸ਼ ਵਿਚ ਗਠਜੋੜ ਦਾ ਬਣੇ ਰਹਿਣਾ ਖ਼ਾਸ ਤੌਰ 'ਤੇ ਅਹਿਮ ਹੈ। ਹਾਲ ਦੀਆਂ ਉਪ ਚੋਣਾਂ ਵਿਚ ਭਾਜਪਾ ਨੇ ਕੈਰਾਨਾ ਅਤੇ ਨੂਰਪੁਰ ਲੋਕ ਸਭਾ ਸੀਟਾਂ 'ਤੇ ਹਾਰ ਦਾ ਸਾਹਮਣਾ ਕੀਤਾ।
Mohinder Nath Pandey
ਇਸ ਤੋਂ ਪਹਿਲਾਂ ਮਾਰਚ ਵਿਚ ਵੀ ਭਾਜਪਾ ਨੇ ਰਾਜ ਵਿਚ ਦੋ ਅਹਿਮ ਸੰਸਦੀ ਖੇਤਰ ਗੋਰਖ਼ਪੁਰ ਅਤੇ ਫੂਲਪੁਰ ਵਿਰੋਧੀਆਂ ਦੇ ਏਕਤਾ ਦੇ ਚਲਦੇ ਗਵਾ ਦਿਤੇ ਸਨ। ਪਿਛਲੇ ਸਾਲ ਅਗੱਸਤ ਵਿਚ ਕੇਸ਼ਵ ਪ੍ਰਸਾਦ ਮੌਰੀਆ ਦੇ ਸਥਾਨ 'ਤੇ ਮਹੇਂਦਰ ਨਾਥ ਪਾਂਡੇ ਨੂੰ ਰਾਜ ਇਕਾਈ ਦਾ ਚਾਰਜ ਸੌਂਪਿਆ ਗਿਆ ਸੀ। ਪਾਰਟੀ ਸੂਤਰਾਂ ਦਾ ਕਹਿਣਾ ਸੀ ਕਿ ਕੇਂਦਰੀ ਨੇਤਾਵਾਂ ਨੇ ਬ੍ਰਾਹਮਣ ਵੋਟਾਂ ਨੂੰ ਵਾਪਸ ਹਾਸਲ ਕਰਨ ਲਈ ਇਹ ਕਦਮ ਉਠਾਇਆ ਸੀ, ਕਿਉਂਕਿ ਇਕ ਠਾਕੁਰ ਯੋਗੀ ਅਦਿਤਿਆਨਾਥ ਨੂੰ ਮੁੱਖ ਮੰਤਰੀ ਬਣਾਏ ਜਾਣ ਤੋਂ ਬਾਅਦ ਬ੍ਰਾਹਮਣ ਠੱਗਿਆ ਹੋਇਆ ਮਹਿਸੂਸ ਕਰ ਰਹੇ ਸਨ।
Yogi Adityanath
ਇਸ ਦੌਰਾਨ ਉਦਘਾਟਨ ਸਮਾਗਮ ਤੋਂ ਦੂਰ ਰਹੇ ਕੈਲਾਸ਼ ਸੋਨਕਰ ਦਾ ਕਹਿਣਾ ਹੈ ਕਿ ਮੈਂ ਸਮਝ ਨਹੀਂ ਪਾ ਰਿਹਾ ਹਾਂ ਕਿ ਉਨ੍ਹਾਂ ਨੇ ਮੇਰੇ ਵਿਰੁਧ ਅਜਿਹੇ ਸ਼ਬਦਾਂ ਦੀ ਵਰਤੋਂ ਕਿਉਂ ਕੀਤੀ, ਮੈਂ ਕਾਨੂੰਨੀ ਕਾਰਵਾਈ ਕਰਨ 'ਤੇ ਵਿਚਾਰ ਕਰ ਰਿਹਾ ਹਾਂ ਅਤੇ ਯਕੀਨੀ ਕਰਾਂਗਾ ਕਿ ਮੇਰੇ ਨਾਮ 'ਤੇ ਇਸ ਤਰ੍ਹਾਂ ਅੱਗੇ ਤੋਂ ਚਿੱਕੜ ਨਾਲ ਉਛਾਲਿਆ ਜਾਵੇ। ਸਵਾਲ ਇਹ ਪੈਦਾ ਹੁੰਦਾ ਹੈ ਕਿ ਜੇਕਰ ਇਸੇ ਤਰ੍ਹਾਂ ਭਾਜਪਾ ਤੋਂ ਪਾਰਟੀਆਂ ਦਾ ਨਾਰਾਜ਼ ਹੋਣਾ ਜਾਰੀ ਰਿਹਾ ਤਾਂ 2019 ਦੀਆਂ ਚੋਣ ਤਕ ਗਠਜੋੜ ਦੀ ਹਾਲਤ ਕਾਫ਼ੀ ਕਮਜ਼ੋਰ ਹੋ ਜਾਵੇਗੀ, ਜਿਸ ਨਾਲ ਜਿੱਤ ਹਾਸਲ ਕਰਨੀ ਭਾਜਪਾ ਲਈ ਔਖੀ ਹੋ ਸਕਦੀ ਹੈ।
