ਸਪਲਾਈ 'ਤੇ ਵੀ ਮੁੜ ਤੋਂ ਹੋਵੇਗਾ ਵਿਸਥਾਰਪੂਰਵਕ ਵਿਚਾਰ
Indian Masalas: ਨਵੀਂ ਦਿੱਲੀ- ਮਸਾਲੇ ਦੇ ਬ੍ਰਾਂਡ ਐਵਰੈਸਟ ਦੇ ਕੁਝ ਨਮੂਨਿਆਂ ਵਿਚ ਐਥੀਲੀਨ ਆਕਸਾਈਡ (ਈਟੀਓ) ਰਸਾਇਣ ਦੀ ਮੌਜੂਦਗੀ ਸਖ਼ਤ ਮਾਪਦੰਡਾਂ (0.1 ਮਿਲੀਗ੍ਰਾਮ ਪ੍ਰਤੀ ਕਿਲੋਗ੍ਰਾਮ) ਨੂੰ ਪੂਰਾ ਨਹੀਂ ਕਰਦੀ ਪਾਈ ਗਈ ਹੈ। ਸਰਕਾਰ ਨੇ ਕੰਪਨੀ ਨੂੰ ਇਸ ਦਿਸ਼ਾ ਵਿਚ ਸੁਧਾਰ ਕਰਨ ਲਈ ਕਿਹਾ ਹੈ। ਇਕ ਅਧਿਕਾਰੀ ਨੇ ਸੋਮਵਾਰ ਨੂੰ ਇਸ ਦੀ ਜਾਣਕਾਰੀ ਦਿੱਤੀ। ਜ਼ਿਕਰਯੋਗ ਹੈ ਕਿ ਕੁਝ ਮਸਾਲਿਆਂ ਦੇ ਉਤਪਾਦਾਂ ਵਿੱਚ ਈਟੀਓ ਦੇ ਨਿਸ਼ਾਨ ਪਾਏ ਜਾਣ ਤੋਂ ਬਾਅਦ, ਸਿੰਗਾਪੁਰ ਅਤੇ ਹਾਂਗਕਾਂਗ ਨੇ ਦੋ ਭਾਰਤੀ ਮਸਾਲਾ ਬ੍ਰਾਂਡਾਂ - ਐਮਡੀਐਚ ਅਤੇ ਐਵਰੈਸਟ ਦੇ ਉਤਪਾਦ ਵਾਪਸ ਕਰ ਦਿੱਤੇ ਸਨ।
ਇਸ ਤੋਂ ਬਾਅਦ ਸਰਕਾਰ ਨੇ ਇਨ੍ਹਾਂ ਉਤਪਾਦਾਂ ਵਿਚ ਕਾਰਸੀਨੋਜਨਿਕ ਰਸਾਇਣਾਂ ਦੀ ਮੌਜੂਦਗੀ ਦੀ ਜਾਂਚ ਕਰਨ ਲਈ ਨਮੂਨੇ ਇਕੱਠੇ ਕੀਤੇ। ਅਧਿਕਾਰੀ ਨੇ ਕਿਹਾ, “ਅਸੀਂ ਇਨ੍ਹਾਂ ਦੋ ਕੰਪਨੀਆਂ ਤੋਂ ਲਏ ਗਏ ਨਮੂਨਿਆਂ ਦੀ ਜਾਂਚ ਕੀਤੀ ਹੈ। ਅਸੀਂ ਪਾਇਆ ਕਿ MDH ਦੇ ਸਾਰੇ 18 ਨਮੂਨੇ ਮਿਆਰਾਂ ਅਨੁਸਾਰ ਸਨ। ਪਰ ਐਵਰੈਸਟ ਦੇ 12 ਨਮੂਨਿਆਂ ਵਿਚੋਂ ਕੁਝ ਮਾਪਦੰਡਾਂ ਦੀ ਪਾਲਣਾ ਨਹੀਂ ਕਰਦੇ ਸਨ। ਇਸ ਦੇ ਲਈ ਅਸੀਂ ਉਨ੍ਹਾਂ ਨੂੰ ਸੁਧਾਰਾਤਮਕ ਕਦਮ ਚੁੱਕਣ ਲਈ ਕਿਹਾ ਹੈ। “ਅਸੀਂ ਇਸ ਪਾਲਣਾ ਨੂੰ ਯਕੀਨੀ ਬਣਾਉਣ ਲਈ ਉਨ੍ਹਾਂ ਨਾਲ ਕੰਮ ਕਰ ਰਹੇ ਹਾਂ।” ਹਾਲਾਂਕਿ ਇਸ ਸਬੰਧੀ ਐਵਰੈਸਟ ਤੋਂ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ।
ਵੱਖ-ਵੱਖ ਦੇਸ਼ ETOਸੰਬੰਧੀ ਵੱਖ-ਵੱਖ ਅਧਿਕਤਮ ਸੀਮਾਵਾਂ ਨਿਰਧਾਰਤ ਕਰਦੇ ਹਨ। ਜਦੋਂ ਕਿ ਯੂਰਪੀਅਨ ਯੂਨੀਅਨ ਨੇ ਇਹ ਸੀਮਾ 0.02-0.1 ਮਿਲੀਗ੍ਰਾਮ ਪ੍ਰਤੀ ਕਿਲੋਗ੍ਰਾਮ ਰੱਖੀ ਹੈ, ਸਿੰਗਾਪੁਰ ਵਿਚ ਇਹ 50 ਮਿਲੀਗ੍ਰਾਮ ਪ੍ਰਤੀ ਕਿਲੋਗ੍ਰਾਮ ਅਤੇ ਜਾਪਾਨ ਵਿੱਚ ਇਹ 0.01 ਮਿਲੀਗ੍ਰਾਮ ਪ੍ਰਤੀ ਕਿਲੋਗ੍ਰਾਮ ਹੈ। ਇਨ੍ਹਾਂ ਨਮੂਨਿਆਂ ਦੀ ਜਾਂਚ 0.1 ਮਿਲੀਗ੍ਰਾਮ ਪ੍ਰਤੀ ਕਿਲੋਗ੍ਰਾਮ ਦੇ ਆਧਾਰ 'ਤੇ ਕੀਤੀ ਗਈ। ਅਪ੍ਰੈਲ 'ਚ ਮਸਾਲਿਆਂ ਦੀ ਬਰਾਮਦ 12.27 ਫੀਸਦੀ ਵਧ ਕੇ 405.6 ਮਿਲੀਅਨ ਡਾਲਰ ਹੋ ਗਈ।
(For more Punjabi news apart from Indian Masalas: Guidelines issued on spices to be exported from India, stay tuned to Rozana Spokesman)
