Yogi Adityanath
ਉੱਤਰ ਪ੍ਰਦੇਸ਼ ਦੀ ਯੋਗੀ ਸਰਕਾਰ ਨੇ ਸੂਬੇ ਵਿਚ ਮਦਰੱਸਿਆਂ ਬਾਰੇ ਨਵਾਂ ਹੁਕਮ ਜਾਰੀ ਕੀਤਾ ਹੈ। ਸੂਬੇ ਵਿਚ ਚਲਦੇ ਸਾਰੇ ਮਦਰੱਸਿਆਂ ਨੂੰ ਆਨਲਾਈਨ ਕੀਤਾ ਜਾਵੇਗਾ।
ਨਵੀਂ ਦਿੱਲੀ, 18 ਅਗੱਸਤ : ਉੱਤਰ ਪ੍ਰਦੇਸ਼ ਦੀ ਯੋਗੀ ਸਰਕਾਰ ਨੇ ਸੂਬੇ ਵਿਚ ਮਦਰੱਸਿਆਂ ਬਾਰੇ ਨਵਾਂ ਹੁਕਮ ਜਾਰੀ ਕੀਤਾ ਹੈ। ਸੂਬੇ ਵਿਚ ਚਲਦੇ ਸਾਰੇ ਮਦਰੱਸਿਆਂ ਨੂੰ ਆਨਲਾਈਨ ਕੀਤਾ ਜਾਵੇਗਾ। ਇਹ ਕਦਮ ਯੋਗੀ ਸਰਕਾਰ ਨੇ ਮਦਰੱਸਿਆਂ ਵਿਚ ਹੋਣ ਵਾਲੀ ਕਥਿਤ ਧਾਂਦਲੀ ਨੂੰ ਰੋਕਣ ਲਈ ਚੁਕਿਆ ਹੈ। ਸਰਕਾਰ ਨੇ ਅੱਜ ਇਕ ਪੋਰਟਲ ਵੀ ਲਾਂਚ ਕੀਤਾ।
ਕਿਹਾ ਗਿਆ ਹੈ ਕਿ ਹੇਰਾਫੇਰੀ ਰੋਕਣ ਲਈ ਇੰਜ ਕੀਤਾ ਜਾ ਰਿਹਾ ਹੈ। ਮਦਰੱਸਿਆਂ ਦੀ ਵਿਵਸਥਾ ਨੂੰ ਪਾਰਦਰਸ਼ੀ ਬਣਾਉਣ ਵਿਚ ਵੀ ਸਰਕਾਰ ਨੂੰ ਮਦਦ ਮਿਲੇਗੀ। ਪੋਰਟਲ ਦੇ ਲਾਂਚ ਹੋਣ ਤੋਂ ਬਾਅਦ ਤਨਖ਼ਾਹ ਭੁਗਤਾਨ, ਵਜ਼ੀਫ਼ਾ ਸਮੇਤ ਤਮਾਮ ਦਿੱਕਤਾਂ ਦਾ ਨਿਪਟਾਰਾ ਆਨਲਾਈਨ ਕੀਤਾ ਜਾਵੇਗਾ। ਆਨਲਾਈਨ ਪੋਰਟਲ 'ਤੇ ਮਦਰੱਸਿਆਂ ਦੀ ਫ਼ੋਟੋ ਵੀ ਅਪਲੋਡ ਕੀਤੀ ਜਾਵੇਗੀ। ਪੋਰਟਲ 'ਤੇ ਤਮਾਮ ਕਰਮਚਾਰੀ ਅਤੇ ਅਧਿਆਪਕ ਤਨਖ਼ਾਹ ਸਮੇਤ ਤਮਾਮ ਬਿਲਾਂ ਦੇ ਭੁਗਤਾਨ ਲਈ ਵੀ ਅਰਜ਼ੀ ਦੇ ਸਕਦੇ ਹਨ। ਇਸ ਦਾ ਨਿਪਟਾਰਾ ਆਨਲਾਈਨ ਕਰਨ ਦੀ ਵਿਵਸਥਾ ਕੀਤੀ ਗਈ ਹੈ। (ਏਜੰਸੀ)
