ਛਪਾਈ ਨਾਲ ਜੁੜੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਵੀ ਬਾਹਰ ਆਉਣ ਜਾਣ ਦੀ ਇਜਾਜ਼ਤ ਨਹੀਂ ਹੁੰਦੀ।
ਨਵੀਂ ਦਿੱਲੀ : ਵਿੱਤ ਮੰਤਰਾਲੇ ਵਿਚ ਬਜਟ ਦਸਤਾਵੇਜ਼ਾਂ ਦੀ ਛਪਾਈ ਦਾ ਕੰਮ ਸ਼ੁਰੂ ਹੋ ਗਿਆ ਹੈ। 10 ਦਿਨਾਂ ਲਈ ਵਿੱਤ ਮੰਤਰਾਲੇ ਦੇ 100 ਕਰਮਚਾਰੀ ਹੁਣ ਜ਼ਮੀਨ ਦੀ ਹੇਠਲੀ ਮੰਜ਼ਲ ਵਿਚ ਬਣੀ ਪ੍ਰਿੰਟਿਗ ਪ੍ਰੈਸ ਵਿਚ ਬੰਦ ਕਰ ਦਿਤੇ ਗਏ ਹਨ। ਇਹਨਾਂ ਕਰਮਚਾਰੀਆਂ 'ਤੇ ਬਜਟ ਭਾਸ਼ਣ ਨਾਲ ਜੁੜੇ ਦਸਤਾਵੇਜ਼ਾਂ ਦੀ ਛਪਾਈ ਦੀ ਜਿੰਮੇਵਾਰੀ ਹੁੰਦੀ ਹੈ। ਬਜਟ ਤੋਂ ਪਹਿਲਾਂ ਕਰਵਾਏ ਗਏ ਇਸ ਕੜਾਅ ਸਮਾਗਮ ਵਿਚ ਇਸ ਵਾਰ ਵਿੱਤ ਮਤੰਰੀ ਅਰੁਣ ਜੇਤਲੀ ਹਾਜ਼ਰ ਨਹੀਂ ਹੋਏ ਕਿਉਂਕਿ ਉਹ ਇਲਾਜ ਲਈ ਅਮਰੀਕਾ ਗਏ ਹੋਏ ਹਨ।
Delhi: Halwa Ceremony held in Finance Ministry to mark the beginning of printing of documents relating to General Budget 2019, attended by Minister of State for Finance Shiv Pratap Shukla, Secretary DEA Subash Garg and MoS Road Transport and Highways Pon Radhakrishnan pic.twitter.com/pvX0pXWfc9
— ANI (@ANI) January 21, 2019
ਉਹਨਾਂ ਦੀ ਥਾਂ 'ਤੇ ਵਿੱਤ ਰਾਜਮੰਤਰੀ ਸ਼ਿਵ ਪ੍ਰਤਾਪ ਸ਼ੁਕਲਾ ਅਤੇ ਵਿੱਤੀ ਮਾਮਲਿਆਂ ਦੇ ਸਕੱਤਰ ਸੁਭਾਸ਼ ਗਰਗ ਨੇ ਇਸ ਰੀਤ ਨੂੰ ਪੂਰਾ ਕੀਤਾ। ਬਜਟ ਛਪਾਈ ਪੂਰੀ ਤਰ੍ਹਾਂ ਨਾਲ ਗੁਪਤ ਕੰਮ ਹੁੰਦਾ ਹੈ। ਬਜਟ ਛਪਾਈ ਨਾਲ ਜੁੜੇ ਅਧਿਕਾਰੀ ਅਤੇ ਕਰਮਚਾਰੀਆਂ ਦਾ 10 ਦਿਨਾਂ ਤੱਕ ਦੁਨੀਆਂ ਨਾਲ ਕੋਈ ਰਾਬਤਾ ਨਹੀਂ ਰਹਿੰਦਾ। ਇਹਨਾਂ 100 ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਘਰ ਜਾਣ ਦੀ ਇਜਾਜ਼ਤ ਵੀ ਨਹੀਂ ਹੁੰਦੀ। ਵਿੱਤ ਮੰਤਰੀ ਦੇ ਇਕ ਸੀਨੀਅਰ ਅਧਿਕਾਰੀ ਨੂੰ ਹੀ ਘਰ ਜਾਣ ਦੀ ਇਜਾਜ਼ਤ ਹੁੰਦੀ ਹੈ।
Shiv pratap shukla
ਛਪਾਈ ਦੌਰਾਨ ਸੁਰੱਖਿਆ ਦੇ ਪੁਖ਼ਤਾ ਪ੍ਰਬੰਧ ਕੀਤੇ ਜਾਂਦੇ ਹਨ। ਕਿਸੇ ਵੀ ਬਾਹਰ ਦੇ ਵਿਅਕਤੀ ਨੂੰ ਵਿੱਤ ਮੰਤਰਾਲੇ ਅੰਦਰ ਦਾਖਲ ਨਹੀਂ ਹੋਣ ਦਿਤਾ ਜਾਂਦਾ। ਛਪਾਈ ਨਾਲ ਜੁੜੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਨੂੰ ਵੀ ਬਾਹਰ ਆਉਣ ਜਾਣ ਦੀ ਇਜਾਜ਼ਤ ਨਹੀਂ ਹੁੰਦੀ। ਕਿਸੇ ਵਿਜ਼ੀਟਰ ਦਾ ਆਉਣਾ ਬਹੁਤ ਜ਼ਰੂਰੀ ਹੋਵੇ ਤਾਂ ਉਸ ਨੂੰ ਸੁਰੱਖਿਆ ਕਰਮਚਾਰੀਆਂ ਦੀ ਨਿਗਰਾਨੀ ਵਿਚ ਹੀ ਅੰਦਰ ਭੇਜਿਆ ਜਾਂਦਾ ਹੈ। ਵਿੱਤ ਮੰਤਰਾਲੇ ਵਿਚ ਖੁਫੀਆ ਵਿਭਾਗ ਤੋਂ ਲੈ ਕੇ ਸਾਈਬਰ ਸਿਕਊਰਿਟੀ ਸੈੱਲ ਤੱਕ ਦਾ ਪਹਿਰਾ ਰਹਿੰਦਾ ਹੈ।
Ministry of Finance
ਇਹਨਾਂ 10 ਦਿਨਾਂ ਦੌਰਾਨ ਅੰਦਰ ਕੋਈ ਮੋਬਾਈਲ ਨੈਟਵਰਕ ਕੰਮ ਨਹੀਂ ਕਰਦਾ। ਸਿਰਫ ਲੈਂਡਲਾਈਨ ਰਾਹੀਂ ਹੀ ਗੱਲ ਹੁੰਦੀ ਹੈ। ਇਸ ਦੌਰਾਨ ਡਾਕਟਰਾਂ ਦੀ ਇਕ ਟੀਮ ਵੀ ਤੈਨਾਤ ਰਹਿੰਦੀ ਹੈ ਤਾਂ ਕਿ ਲੋੜ ਪੈਣ 'ਤੇ ਮੈਡੀਕਲ ਸਹੂਲਤ ਉਪਲਬਧ ਕਰਵਾਈ ਜਾ ਸਕੇ। ਜਿਹਨਾਂ ਕੰਪਿਊਟਰਾਂ ਵਿਚ ਬਜਟ ਦਸਤਾਵੇਜ਼ ਹੁੰਦੇ ਹਨ, ਉਹਨਾਂ ਤੋਂ ਇੰਟਰਨੈਟ ਅਤੇ ਐਨਆਈਸੀ ਦੇ ਸਰਵਰ ਨੁੰ ਡਿਲਿੰਕ ਕਰ ਦਿਤਾ ਜਾਂਦਾ ਹੈ, ਜਿਸ ਨਾਲ ਹੈਕਿੰਗ ਦਾ ਖ਼ਤਰਾ ਨਹੀਂ ਰਹਿੰਦਾ। ਇਸ ਹਿੱਸੇ ਵਿਚ ਸਿਰਫ ਚੋਣਵੇਂ ਸੀਨੀਅਰ ਅਧਿਕਾਰੀਆਂ ਨੂੰ ਹੀ ਜਾਣ ਦਿਤਾ ਜਾਂਦਾ ਹੈ।
