ਕਿਹਾ ਦੇਸ਼ ਦੇ ਕਿਸਾਨ 90 ਫੀਸਦੀ ਭਾਰਤ ਦੇ ਲੋਕਾਂ ਦੀ ਲੜਾਈ ਲੜ ਰਹੇ ਹਨ।
ਨਵੀਂ ਦਿੱਲੀ : ਦੇਸ਼ ਦੇ ਕਿਸਾਨ 90 ਫੀਸਦੀ ਭਾਰਤ ਦੇ ਲੋਕਾਂ ਦੀ ਲੜਾਈ ਲੜ ਰਹੇ ਹਨ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਨਵਜੋਤ ਸਿੰਘ ਸਿੱਧੂ ਨੇ ਟਵਿੱਟਰ ‘ਤੇ ਪਾਈ ਵੀਡੀਓ ਵਿੱਚ ਕਿਸਾਨਾਂ ਨਾਲ ਗੱਲਬਾਤ ਕਰਦਿਆਂ ਕੀਤਾ । ਉਨ੍ਹਾਂ ਕਿਹਾ ਕਿ ਕਿਸਾਨ ਪੂਰੇ ਦੇਸ਼ ਦੇ ਨੱਬੇ ਫ਼ੀਸਦੀ ਲੋਕਾਂ ਦੀ ਲੜਾਈ ਲੜ ਰਹੇ ਹਨ ਜਿਸ ਵਿਚ ਮਜ਼ਦੂਰ, ਛੋਟੇ ਵਪਾਰੀ, ਦੁਕਾਨਦਾਰ ਅਤੇ ਹੋਰ ਗਰੀਬ ਵਰਗਾਂ ਦੇ ਲੋਕਾਂ ਦੀ ਲੜਾਈ ਲੜ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਕੋਈ ਛੋਟੀ ਲੜਾਈ ਨਹੀਂ, ਇਹ ਇੱਕ ਸਮਾਜਿਕ ਲਹਿਰ ਬਣ ਚੁੱਕੀ ਹੈ ਜਿਸ ਰਾਜਨੀਤਕ ਪਾਰਟੀਆਂ ਲਾਹਾ ਨਹੀਂ ਲੈ ਸਕਦੀਆਂ।
photoਉਨ੍ਹਾਂ ਕਿਹਾ ਕਿ ਕਿਸਾਨਾਂ ਨੇ ਇਕ ਸ਼ਾਂਤਮਈ ਅੰਦੋਲਨ ਖੜ੍ਹਾ ਕਰ ਦਿੱਤਾ ਹੈ, ਜਿਹੜਾ ਸਰਕਾਰ ਨੂੰ ਗੋਡਿਆਂ ਭਰ ਲੈ ਆਇਆ ਹੈ । ਉਨ੍ਹਾਂ ਕਿਹਾ ਕਿ ਇਹ ਭਾਰਤ ਦੇ ਇਤਿਹਾਸ ਵਿਚ ਆਜ਼ਾਦੀ ਤੋਂ ਬਾਅਦ ਪਹਿਲੀ ਵਾਰ ਹੋਇਆ ਹੈ। ਦੇਸ਼ ਦੇ ਲੱਖਾਂ ਕਿਸਾਨਸਰਕਾਰ ਦੇ ਖਿਲਾਫ ਖੜੇ ਹੋ ਗਏ ਹਨ। ਸਿੱਧੂ ਨੇ ਕਿਹਾ ਕਿ ਇਸ ਸਮਾਜਿਕ ਲਹਿਰ ਨੂੰ ਰਾਜਨੀਤਿਕ ਕਰਨਾ ਇਸ ਲਹਿਰ ਨੂੰ ਛੋਟਾ ਕਰਨ ਦੇ ਬਰਾਬਰ ਹੈ ,
photo ਉਨ੍ਹਾਂ ਕਿਹਾ ਕਿ ਦੇਸ਼ ਦਾ ਕਿਸਾਨ ਸਭ ਤੋਂ ਵੱਧ ਸਿਆਣਾ ਹੈ, ਉਹ ਕਿਸੇ ਵੀ ਅਜਿਹੀ ਰਾਜਨੀਤਕ ਪਾਰਟੀ ਨੂੰ ਆਪਣੇ ਨੇੜੇ ਵੀ ਨਹੀਂ ਲੱਗਣ ਦੇਵੇਗਾ। ਜਿਹੜੀ ਪਾਰਟੀ ਰਾਜਨੀਤਕ ਲਾਹਾ ਲੈਣ ਦੀ ਕੋਸ਼ਿਸ਼ ਕਰਨ ਦੀ ਨੀਅਤ ਨਾਲ ਆਵੇਗੀ, ਕਿਸਾਨ ਉਸ ਨੂੰ ਮੂੰਹ ਨਹੀਂ ਲਾਉਣਗੇ।
Narinder modiਉਨ੍ਹਾਂ ਕਿਹਾ ਕਿ ਕਿਸਾਨ ਦੇ ਵਲੂੰਧਰੇ ਦਿਲ ਚੋਂ ਨਿਕਲੀ ਪੀੜ ਦੇ ਵਿੱਚੋਂ ਉਦੈ ਹੋਈ ਲਹਿਰ ਦਾ ਇਹ ਡੂੰਘੇ ਅਰਥ ਹਨ। ਉਨ੍ਹਾਂ ਕਿਹਾ ਕਿ ਇਸ ਲਹਿਰ ਦਾ ਘੇਰਾ ਬਹੁਤ ਵਿਸ਼ਾਲ ਹੈ ਬਾਰਡਰਾਂ ਉੱਤੇ ਇਕੱਠੇ ਹੋਏ ਲੋਕਾਂ ਅਲੱਗ ਅਲੱਗ ਧਰਨੇ ਲਈ ਬੈਠੇ ਹਨ ਪਰ ਫਿਰ ਵੀ ਉਹ ਇਕੱਠੇ ਹਨ । ਸਰਕਾਰ ਵੱਲੋਂ ਨਿਸ਼ਾਨੀ ‘ਤੇ ਪੰਜਾਬ ਨੂੰ ਹੀ ਲਿਆਂਦਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਕਿਸਾਨਾਂ ਵੱਲੋਂ ਉਸਾਰੀ ਗਈ ਇਸ ਲਹਿਰ ਦੀ ਜਿੱਤ ਦਾ ਮਤਬਲ ਹੈ ਲੋਕਤੰਤਰ ਦੀ ਜਿੱਤ, ਸੰਵਿਧਾਨ ਦੀ ਜਿੱਤ ਅਤੇ ਲੋਕ ਪੱਖੀ ਨੀਤੀਆਂ ਦੀ ਜਿੱਤ ਹੈ ।
Farmers leading a Social Movement, fighting to protect Democratic Rights of 90% India (Labour, Small Traders, Shopkeepers & Consumers)... Success of this movement is the triumph of our Democracy. Politicisation of such a pristine movement, does a disservice to the People of India pic.twitter.com/GfxtdpoW91
— Navjot Singh Sidhu (@sherryontopp) December 20, 2020
