ਜਨ ਔਸ਼ਧੀ ਕੇਂਦਰ ਲਈ ਆਨਲਾਈਨ ਅਰਜ਼ੀ ਵੀ ਦਿੱਤੀ ਜਾ ਸਕਦੀ ਹੈ।
ਨਵੀਂ ਦਿੱਲੀ: ਜੇ ਤੁਸੀਂ ਲੋਕਾਂ ਦੀ ਮਦਦ ਦੇ ਨਾਲ-ਨਾਲ ਅਪਣਾ ਖੁਦ ਦਾ ਬਿਜ਼ਨੈਸ ਸ਼ੁਰੂ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਡੇ ਲਈ ਇਹ ਇਕ ਬਿਹਤਰ ਮੌਕਾ ਹੈ। ਤੁਸੀਂ ਕੇਂਦਰ ਸਰਕਾਰ ਦੀ ਮਦਦ ਨਾਲ ਜਨ ਸਿਹਤ ਕੇਂਦਰ ਖੋਲ੍ਹ ਸਕਦੇ ਹੋ। ਇਸ ਬਿਜ਼ਨੈਸ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਹੈ ਕਿ ਮੋਦੀ ਸਰਕਾਰ ਇਸ ਨੂੰ ਖੋਲ੍ਹਣ ਲਈ 2.50 ਲੱਖ ਰੁਪਏ ਦੀ ਮਦਦ ਵੀ ਕਰ ਰਹੀ ਹੈ। ਫਿਲਹਾਲ ਦੇਸ਼ ਭਰ ਵਿਚ ਹੁਣ ਤਕ 5500 ਤੋਂ ਜ਼ਿਆਦਾ ਜਨ ਔਸ਼ਧੀ ਕੇਂਦਰ ਖੁੱਲ੍ਹ ਚੁੱਕੇ ਹਨ।
Photoਜਨ ਔਸ਼ਧੀ ਕੇਂਦਰ ਤੋਂ ਦਵਾਈ ਵੇਚਣ ਵਾਲੇ ਨੂੰ 20 ਫ਼ੀਸਦੀ ਮਾਰਜਿਨ ਤੋਂ ਇਲਾਵਾ ਹਰ ਮਹੀਨੇ ਦੀ ਵਿਕਰੀ ਤੇ ਅਲੱਗ ਤੋਂ 15 ਫ਼ੀਸਦੀ ਇੰਸੇਂਟਿਵ ਮਿਲੇਗਾ। ਇੰਸੇਂਟਿਵ ਦੀ ਵੱਧ ਤੋਂ ਵੱਧ ਸੀਮਾ 10 ਹਜ਼ਾਰ ਰੁਪਏ ਪ੍ਰਤੀ ਮਹੀਨਾ ਹੋਵੇਗੀ। ਸਰਕਾਰ ਦੀ ਯੋਜਨਾ ਅਨੁਸਾਰ ਇੰਸੇਂਟਿਵ ਉਦੋਂ ਤਕ ਦਿੱਤਾ ਜਾਵੇਗਾ ਜਦੋਂ ਤਕ 2.50 ਲੱਖ ਰੁਪਏ ਪੂਰੇ ਨਹੀਂ ਹੋ ਜਾਂਦੇ। ਜਨ ਔਸ਼ਧੀ ਕੇਂਦਰ ਖੋਲ੍ਹਣ ਵਿਚ ਵੀ ਤਕਰੀਬਨ 2.50 ਲੱਖ ਰੁਪਏ ਦਾ ਖਰਚ ਆਉਂਦਾ ਹੈ।
Photoਇਸ ਤਰ੍ਹਾਂ ਇਹ ਪੂਰਾ ਖਰਚ ਸਰਕਾਰ ਖੁਦ ਚੁੱਕ ਰਹੀ ਹੈ। ਸਰਕਾਰ ਨੇ ਜਨ ਔਸ਼ਧੀ ਕੇਂਦਰ ਖੋਲ੍ਹਣ ਲਈ 3 ਤਰ੍ਹਾਂ ਦੀਆਂ ਕੈਟੇਗਰੀਆਂ ਬਣਾਈਆਂ ਹਨ। ਪਹਿਲੀ ਕੈਟੇਗਰੀ ਤਹਿਤ ਕੋਈ ਵੀ ਵਿਅਕਤੀ ਬੇਰੁਜ਼ਗਾਰ ਫਾਰਮਾਸਿਸਟ, ਡਾਕਟਰ, ਰਜਿਸਟਰਡ ਮੈਡੀਕਲ ਪ੍ਰੈਕਿਟਸ਼ਨਰ ਕੇਂਦਰ ਖੋਲ੍ਹ ਸਕਦਾ ਹੈ। ਦੂਜੀ ਕੈਟੇਗਰੀ ਤਹਿਤ ਟ੍ਰਸਟ, ਐਨਜੀਓ, ਪ੍ਰਾਈਵੇਟ ਹਸਪਤਾਲ, ਸੋਸਾਇਟੀ ਅਤੇ ਸੈਲਫ ਹੈਲਪ ਗਰੁਪ ਨੂੰ ਜਨ ਔਸ਼ਧੀ ਕੇਂਦਰ ਖੋਲ੍ਹਣ ਦਾ ਮੌਕਾ ਮਿਲੇਗਾ।
Photoਤੀਜੀ ਕੈਟੇਗਰੀ ਵਿਚ ਰਾਜ ਸਰਕਾਰਾਂ ਵੱਲੋਂ ਨਾਮੀਨੇਟ ਕੀਤੀ ਗਈ ਏਜੰਸੀ ਹੋਵੇਗੀ। ਪ੍ਰਧਾਨ ਮੰਤਰੀ ਜਨ ਸਿਹਤ ਕੇਂਦਰ ਖੋਲ੍ਹਣ ਲਈ 120 ਵਰਗਫੁਟ ਏਰੀਏ ਵਿਚ ਦੁਕਾਨਾਂ ਹੋਣੀਆਂ ਜ਼ਰੂਰੀ ਹਨ। ਕੇਂਦਰ ਖੋਲ੍ਹਣ ਵਾਲਿਆਂ ਨੂੰ ਸਰਕਾਰ ਵੱਲੋਂ 900 ਦਵਾਈਆਂ ਉਪਲੱਬਧ ਹੋਣਗੀਆਂ। ਜਨ ਔਸ਼ਧੀ ਕੇਂਦਰ ਦੇ ਜ਼ਰੀਏ ਮਹੀਨੇ ਵਿਚ ਵਿਕਣ ਵਾਲੀਆਂ ਦਵਾਈਆਂ ਵਿਚੋਂ 20 ਫ਼ੀਸਦੀ ਕਮਿਸ਼ਨ ਦੇ ਰੂਪ ਵਿਚ ਮਿਲੇਗਾ। ਇਸ ਪ੍ਰਕਾਰ ਜੇ ਤੁਸੀਂ ਵੀ ਇਕ ਮਹੀਨੇ ਵਿਚ 1 ਲੱਖ ਰੁਪਏ ਦੀ ਵਿਕਰੀ ਕਰਦੇ ਹੋ ਤਾਂ ਤੁਹਾਨੂੰ ਉਸ ਮਹੀਨੇ 20 ਹਜ਼ਾਰ ਰੁਪਏ ਦੀ ਆਮਦਨ ਹੋਵੇਗੀ।
Photoਜਨ ਔਸ਼ਧੀ ਸੈਂਟਰ ਖੋਲ੍ਹਣ ਲਈ, ਤੁਹਾਡੇ ਕੋਲ ਜਨ ਔਸ਼ਧੀ ਸੈਂਟਰ ਦੇ ਨਾਮ 'ਤੇ ਪ੍ਰਚੂਨ ਨਸ਼ਿਆਂ ਦੀ ਵਿਕਰੀ ਦਾ ਲਾਇਸੈਂਸ ਹੋਣਾ ਚਾਹੀਦਾ ਹੈ। ਆਧਾਰ ਕਾਰਡ ਅਤੇ ਪੈਨ ਕਾਰਡ ਲਈ ਅਰਜ਼ੀ ਦੇਣੀ ਪਵੇਗੀ। ਇਸ ਦੇ ਨਾਲ ਹੀ ਅਧਾਰ ਕਾਰਡ, ਪੈਨ ਕਾਰਡ, ਰਜਿਸਟ੍ਰੇਸ਼ਨ ਸਰਟੀਫਿਕੇਟ ਅਪਲਾਈ ਕਰਨ ਲਈ ਸੰਸਥਾ, ਐਨ.ਜੀ.ਓ., ਹਸਪਤਾਲ, ਚੈਰੀਟੇਬਲ ਸੰਸਥਾ ਨੂੰ ਦੇਣੇ ਪੈਣਗੇ। ਤੁਸੀਂ ਜਨ ਔਸ਼ਧੀ ਕੇਂਦਰ ਖੋਲ੍ਹਣ ਲਈ http://janaushadhi.gov.in ’ਤੇ ਜਾ ਕੇ ਫਾਰਮ ਡਾਊਨਲੋਡ ਕਰ ਸਕਦੇ ਹੋ।
Photoਬਿਊਰੋ ਆਫ ਫੋਰਮਾ ਪਬਲਿਕ ਸੈਕਟਰ ਅੰਡਰਟੇਕਿੰਗ ਆਫ ਇੰਡੀਆ (ਬੀਪੀਪੀਆਈ) ਦੇ ਜਨਰਲ ਮੈਨੇਜਰ (ਏ ਐਂਡ ਐਫ) ਦੇ ਨਾਮ 'ਤੇ ਬਿਨੈ ਪੱਤਰ ਭੇਜਣਾ ਹੋਵੇਗਾ। ਬਿਊਰੋ ਆਫ ਫੋਰਮਾ ਪਬਲਿਕ ਸੈਕਟਰ ਅੰਡਰਟੇਕਿੰਗ ਆਫ ਇੰਡੀਆ ਦਾ ਪਤਾ ਜਨ ਸਿਹਤ ਦੀ ਵੈੱਬਸਾਈਟ 'ਤੇ ਵੀ ਉਪਲਬਧ ਹੈ।
ਜਨ ਔਸ਼ਧੀ ਕੇਂਦਰ ਲਈ ਆਨਲਾਈਨ ਅਰਜ਼ੀ ਵੀ ਦਿੱਤੀ ਜਾ ਸਕਦੀ ਹੈ। ਸਭ ਤੋਂ ਪਹਿਲਾਂ ਤੁਹਾਨੂੰ ਵੈਬਸਾਈਟ 'ਤੇ ਜਾਣਾ ਪਏਗਾ ਅਤੇ ਆਨਲਾਈਨ ਰਜਿਸਟ੍ਰੇਸ਼ਨ ਫਾਰਮ ਭਰਨਾ ਪਵੇਗਾ। ਇਸ ਤੋਂ ਬਾਅਦ ਤੁਸੀਂ ਲੋੜੀਂਦੇ ਦਸਤਾਵੇਜ਼ ਅਪਲੋਡ ਕਰ ਸਕਦੇ ਹੋ ਅਤੇ ਆਪਣਾ ਫਾਰਮ ਜਮ੍ਹਾਂ ਕਰ ਸਕਦੇ ਹੋ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
