ਦਿੱਲੀ ‘ਚ ਬੀਜੇਪੀ ਦਫ਼ਤਰ ਦੇ ਬਾਹਰ ਹੋਇਆ ਵੱਡਾ ਹੰਗਾਮਾ
ਨਵੀਂ ਦਿੱਲੀ: ਸੋਸ਼ਲ ਮੀਡੀਆ ਤੇ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਭਾਜਪਾ ਦਫ਼ਤਰ ਦੇ ਬਾਹਰ ਬੀਜੇਪੀ ਨੇਤਾ ਨੇ ਸਾਬਕਾ ਮੇਅਰ ਔਰਤ ਨੂੰ ਸ਼ਰੇਆਮ ਸਾਰੇ ਲੋਕਾਂ ਦੇ ਸਾਹਮਣੇ ਥੱਪੜ ਮਾਰ ਦਿੱਤਾ। ਇਹ ਵੀਡੀਉ ਦਿੱਲੀ ਦੀ ਹੈ। ਦਰਅਸਲ ਥੱਪੜ ਮਾਰਨ ਵਾਲਾ ਵਿਅਕਤੀ ਭਾਜਪਾ ਦੇ ਨੇਤਾ ਅਜ਼ਾਦ ਸਿੰਘ ਹੈ। ਜਿਸ ਨੇ ਭਾਜਪਾ ਦਫ਼ਤਰ ਦੇ ਬਾਹਰ ਨਗਰ ਨਿਗਮ ਦੀ ਸਾਬਕਾ ਮੇਅਰ ਸਰਿਤਾ ਚੌਧਰੀ ਦੇ ਸ਼ਰੇਆਮ ਥੱਪੜ ਮਾਰ ਦਿੱਤਾ।
BJP
ਸਾਬਕਾ ਮੇਅਰ ਔਰਤ ਦੇ ਥੱਪੜ ਮਾਰਨ ‘ਤੇ ਦਿੱਲੀ ਪ੍ਰਦੇਸ਼ ਇਕਾਈ ਦੇ ਪ੍ਰਧਾਨ ਮਨੋਜ ਤਿਵਾਰੀ ਨੇ ਵੀਰਵਾਰ ਨੂੰ ਇਸ ਮਾਮਲੇ ‘ਚ ਫ਼ੈਸਲਾ ਕਰਦੇ ਹੋਏ ਅਜ਼ਾਦ ਸਿੰਘ ਨੂੰ ਭਾਜਪਾ ਪਾਰਟੀ ਦੇ ਸਾਰੇ ਅਹੁਦਿਆ ਤੋਂ ਹਟਾ ਦਿੱਤਾ। ਦਰਅਸਲ ਅਜ਼ਾਦ ਸਿੰਘ ਸਰਿਤਾ ਚੌਧਰੀ ਦੇ ਪਤੀ ਸਨ ਪਰ ਕੁੱਝ ਸਮਾਂ ਪਹਿਲਾ ਉਹਨਾਂ ਦਾ ਤਲਾਕ ਹੋ ਗਿਆ ਸੀ। ਦੱਸਣਯੋਗ ਹੈ ਕਿ ਅਜ਼ਾਦ ਸਿੰਘ ਦਿੱਲੀ ਪ੍ਰਦੇਸ਼ ਭਾਜਪਾ ਸੰਗਠਨ ‘ਚ ਸੀ ਅਤੇ ਪਾਰਟੀ ਮਹਰੌਲੀ ਇਕਾਈ ਦੇ ਜਿਲ੍ਹਾਂ ਪ੍ਰਧਾਨ ਵੀ ਸੀ।
BJP Leader Azad Singh
ਉੱਥੇ ਹੀ ਸਰਿਤਾ ਚੌਧਰੀ ਵੀ ਬੀਜੇਪੀ ਦੀ ਨੇਤਾ ਹੈ ਅਤੇ ਦਿੱਲੀ ‘ਚ ਮੇਆਰ ਵੀ ਰਹਿ ਚੁੱਕੀ ਹੈ। ਜ਼ਿਕਰਯੋਗ ਹੈ ਕਿ ਬੀਜੇਪੀ ਨੇਤਾ ਅਜ਼ਾਦ ਸਿੰਘ ਵੱਲੋਂ ਸਰਿਤਾ ਚੌਧਰੀ ਨੂੰ ਥੱਪੜ ਕਿਉ ਮਾਰਿਆ ਗਿਆ ਫਿਲਹਾਲ ਇਸ ਦੇ ਕਾਰਨਾਂ ਬਾਰੇ ਕੁੱਝ ਪਤਾ ਨਹੀਂ ਲੱਗ ਸਕਿਆ।
ਦੱਸ ਦੇਈਏ ਕਿ ਬੀਜੇਪੀ ਨੇਤਾ ਅਜ਼ਾਦ ਸਿੰਘ ਵੱਲੋਂ ਸਰਿਤਾ ਚੌਧਰੀ ਨੂੰ ਥੱਪੜ ਮਾਰਨ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ। ਜਿਸ ਦੀ ਲੋਕਾਂ ਵੱਲੋਂ ਸਖ਼ਤ ਸ਼ਬਦਾਂ ਵਿਚ ਨਿੰਦਾ ਕੀਤੀ ਗਈ ਹੈ। ਉੱਥੇ ਦਿੱਲੀ ‘ਚ ਭਾਜਪਾ ਨੇਤਾ ਇਸ ਮਾਮਲੇ ‘ਚ ਚੱਪੀ ਸਾਧੀ ਬੈਠੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
