ਦਿੱਲੀ ਦੇ ਫਾਈਵ ਸਟਾਰ ਹੋਟਲ ਹਯਾਤ ਵਿਚ ਪਿਸਟਲ ਦਿਖਾ ਕੇ ਗੁੰਡਾਗਰਦੀ ਕਰਨ ਤੋਂ ਬਾਅਦ ਤੋਂ ਫਰਾਰ ਚੱਲ ਰਹੇ ਬੀਐਸਪੀ ਦੇ ਸਾਬਕਾ ਸਾਂਸਦ ਦੇ ਬੇਟੇ ਆਸ਼ੀਸ਼ ...
ਨਵੀਂ ਦਿੱਲੀ : (ਪੀਟੀਆਈ) ਦਿੱਲੀ ਦੇ ਫਾਈਵ ਸਟਾਰ ਹੋਟਲ ਹਯਾਤ ਵਿਚ ਪਿਸਟਲ ਦਿਖਾ ਕੇ ਗੁੰਡਾਗਰਦੀ ਕਰਨ ਤੋਂ ਬਾਅਦ ਤੋਂ ਫਰਾਰ ਚੱਲ ਰਹੇ ਬੀਐਸਪੀ ਦੇ ਸਾਬਕਾ ਸਾਂਸਦ ਦੇ ਬੇਟੇ ਆਸ਼ੀਸ਼ ਪਾਂਡੇ ਨੇ ਵੀਰਵਾਰ ਨੂੰ ਦਿੱਲੀ ਦੇ ਪਟਿਆਲਾ ਹਾਉਸ ਕੋਰਟ ਵਿਚ ਸਰੈਂਡਰ ਕਰ ਦਿਤਾ ਹੈ। ਪੁਲਿਸ ਨੇ ਆਸ਼ੀਸ਼ ਨੂੰ ਹਿਰਾਸਤ ਵਿਚ ਲੈ ਲਿਆ ਹੈ। ਆਸ਼ੀਸ਼ ਨੇ ਸਰੈਂਡਰ ਦੇ ਨਾਲ ਹੀ ਵੀਡੀਓ ਜਾਰੀ ਕਰ ਇਸ ਪੂਰੇ ਵਿਵਾਦ 'ਤੇ ਸਫਾਈ ਦਿਤੀ ਅਤੇ ਕਿਹਾ ਕਿ ਉਨ੍ਹਾਂ ਦਾ ਮੀਡੀਆ ਟ੍ਰਾਇਅ ਕੀਤਾ ਜਾ ਰਿਹਾ ਹੈ।
I'm being projected like I'm a wanted terrorist & police across the nation is looking for me. Look Out Circular has been issued against me. If you check CCTV footage, you'll find who went to ladies toilet that night & who threatened whom: #AshishPandey pic.twitter.com/Sg1JuMvJsH
— ANI (@ANI) October 18, 2018
ਆਸ਼ੀਸ਼ ਪਾਂਡੇ ਨੇ ਬਿਆਨ ਜਾਰੀ ਕਰ ਕਿਹਾ ਕਿ ਮੇਰੇ ਕੋਲ ਲਾਇਸੈਂਸੀ ਪਿਸਤੌਲ ਹੈ। ਇਹ ਮੇਰੇ ਕੋਲ 20 ਸਾਲਾਂ ਤੋਂ ਹੈ ਪਰ ਮੈਂ ਕਿਸੇ ਦੇ ਨਾਲ ਕੋਈ ਗਲਤ ਅੱਜ ਤੱਕ ਨਹੀਂ ਕੀਤਾ। ਮੈਂ ਕੋਰਟ ਵਿਚ ਸਰੈਂਡਰ ਕਰਾਂਗਾ ਪਰ ਮੇਰੀ ਲੋਕਾਂ ਤੋਂ ਅਪੀਲ ਹੈ ਕਿ ਪਹਿਲਾਂ ਸੀਸੀਟੀਵੀ ਫੁਟੇਜ ਵੇਖ ਲਵੋ, ਉਸ ਤੋਂ ਬਾਅਦ ਕਿਸੇ ਫ਼ੈਸਲੇ 'ਤੇ ਪਹੁੰਚਣ। ਦੱਸ ਦਈਏ ਕਿ ਪਾਂਡੇ ਦੀ ਤਲਾਸ਼ ਵਿਚ ਦਿੱਲੀ ਅਤੇ ਉਤਰ ਪ੍ਰਦੇਸ਼ ਦੀ ਪੁਲਿਸ ਲੱਗੀ ਹੋਈ ਸੀ। ਬੁੱਧਵਾਰ ਨੂੰ ਆਸ਼ੀਸ਼ ਦੀ ਤਲਾਸ਼ ਵਿਚ ਪੁਲਿਸ ਨੇ ਕਈ ਥਾਵਾਂ 'ਤੇ ਛਾਪੇਮਾਰੀ ਕੀਤੀ ਸੀ। ਆਸ਼ੀਸ਼ ਦੇ ਵਿਰੁਧ ਅਦਾਲਤ ਨੇ ਗੈਰ-ਜ਼ਮਾਨਤੀ ਵਾਰੰਟ ਵੀ ਜਾਰੀ ਕੀਤਾ ਸੀ।
I took the gun with me for safety.I didn't brandish it. It was hanging behind me all the time. I didn't even address that girl, she pushed me&made obscene hand gestures. I've faith in judiciary&so I decided to surrender. There is no history of police case against me:#AshishPandey pic.twitter.com/W30ogWtGF8
— ANI (@ANI) October 18, 2018
ਦੱਸ ਦਈਏ ਕਿ ਬਹੁਜਨ ਸਮਾਜ ਪਾਰਟੀ ਦੇ ਸਾਬਕਾ ਸਾਂਸਦ ਰਾਕੇਸ਼ ਪਾਂਡੇ ਦੇ ਬੇਟੇ ਆਸ਼ੀਸ਼ ਪਾਂਡੇ ਨੇ ਸ਼ਨਿਚਰਵਾਰ ਰਾਤ ਇਕ ਸਾਬਕਾ ਕਾਂਗਰਸੀ ਵਿਧਾਇਕ ਦੇ ਬੇਟੇ ਗੌਰਵ ਕੰਵਰ ਨੂੰ ਧਮਕੀ ਦੇਣ ਲਈ ਹਯਾਤ ਹੋਟਲ ਵਿਚ ਅਪਣੀ ਪਿਸਤੌਲ ਕੱਢ ਲਿਆ ਸੀ। ਘਟਨਾ ਦਾ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਆਸ਼ੀਸ਼ ਪਾਂਡੇ ਫਰਾਰ ਹੋ ਗਿਆ ਸੀ। ਦਿੱਲੀ ਪੁਲਿਸ ਆਸ਼ੀਸ਼ ਦੀ ਤਲਾਸ਼ ਵਿਚ ਲਖਨਊ ਗਈ ਸੀ ਪਰ ਉਹ ਹੱਥ ਨਹੀਂ ਆਇਆ ਸੀ। ਯੂਪੀ ਪੁਲਿਸ ਦੇ ਇਕ ਅਧਿਕਾਰੀ ਨੇ ਦੱਸਿਆ ਸੀ ਕਿ ਲਖਨਊ ਦੇ ਰੀਅਲ ਅਸਟੇਟ ਕਾਰੋਬਾਰੀ ਪਾਂਡੇ ਕੋਲ ਤਿੰਨ ਬੰਦੂਕਾਂ ਦੇ ਲਾਇਸੈਂਸ ਸਨ, ਜਿਨ੍ਹਾਂ ਨੂੰ ਹੁਣ ਸਸਪੈਂਡ ਕਰ ਦਿਤਾ ਗਿਆ ਹੈ।
